كيفية التأكد من ضرورة تغيير الكفرات

عمرها انتهى حتى لو ماشيه 10 الاف فقط

ولكن طالما استخدام داخل المدينه ما عليها خوف خصوصا انها سياره صغيرة مافيه ضغط على الكفرات

مايحتاج تغيرها الا اذا محبلة او فيها تشققات ؛؛؛؛
تقول مابتسافر فيها فقط داخل الرياض خلاص مافية داعي للخوف'''
كدها اكرفها حتى تنظر الى اسلاكها مع الاطراف""""

جزاكم الله خيرا يا اخوان 
طب هل مهم ان اغير الكفرات الخلفية مكان الامامية كل 10 الاف 

السياره ماشيه 26 الف وهي موديل 2011

يعني كل سنه تمشي 5 الاف تقريبا يعني كل يوم تمشي 1 كيلو ههههههههههه

متى تبي تغير كفرات قدام وورى كل سنتين يعني 

بعدين جنوطها صغيرة كفراتها كلها لو بتغيرها ما تكلفك 500 ريال

انا شارى السيارة مستعملة يا اخى نهاية 2013
ولا داعى للاستخفاف ؟!! عندك معلومة مفيدة اتفضل غير كده الله يسهلك 

دامك ما تروح و لا تجي عليها كثير استخدم الكفر لين ينتهي نهائيا 
لكن اذا بتسافر عليها غيرها

ما استخفيت فيك وانا صادق تمشي كل يوم 1 كيلو وازعجتنا بالكفرات خلاص لا تغير ولا تسوي شيء

السلام عليكم ورحمه الله وبركاته 
اخواني اعضاء منتدى السيارات 
هذا اول رد بالمنتدى
وبخصوص الاطارات فهي مهمه ولا داعي للتكاسل وعدم تغييرها عند الحاجه 
انا ضرب علي كفر امامي وقلبت  وراحه السياره تالف 
والحمد لله على كل شي 

من تجربه انصحك تغيرها مارح تكمل معاك فتره الا وتحبل معاك واذا حبلت بتجي رجه وخطر ينفجر الكفر عليك مع السرعه

يا طيب كفراتك منتهيين و معدومين يمكن تمشي سنة و ما يصير معك شي لكن ممكن بعد شوي يضرب معك كفر و تجنح السيارة و..و.. الخ
لذلك درهم وقاية خير من قنطار علاج
غيرهم و خلّك بالسليم و ما بتندم
بالتوفيق

لاصار ماتسافر خطوط طويلة لاتغير الكفرات الا اذا اشغلتك بكثر البنشر واليارس سيارة
خفيفة ماتحمل على الكفرات

اذا فيها تشققات وﻻ تحبيل وﻻ ممسوحه غيرها غير كذا خﻻص خليها ﻻ توسوس دامك داخل المدينه 
الوقت اللي تنمسح وﻻ تشقق غيرها مو مشكله 

انا استغرب من اللي يقول داخل المدينه عادي امش فيها الى ان تطلع الاسلاك
طيب انت ياصاحب السياره لو مشيت عليها داخل المدينه 130 مثلا وضرب عليك الكفر
هل الاضرار مثل الاضرار التي سوف تحدث وانت على خط سفر وبنفس السرعه
يا اخي مافيه فرق انت مسافر او لا
سواءً داخل المدينه او خارجها
فضلا عن ان اغلب من يقودون السيارات لايعرفون ان يتحكمون في السياره اذا بنشرت وهي على سرعه مرتفعه
الافضل غيرها والعافيه والسلامه لاتقاس بثمن

طيب وش تقول في اللي كفراته ماشية 146 الف صنع 2012

اقول الحافظ الله

نعم الحافظ الله لاشك في ذلك
المقصد إنه المقياس الأهم لتغيير الكفر هو الحالة العامة للكفر
هل النقشة ممسوحة ام لا ؟
هل الكفر محبل ام لا ؟
هل جوانب الكفر متشققة ام لا ؟

أما تغيير الكفر بناء على مدة محددة أم مسافة محددة فليس مقياس دقيق
فيه ناس ضربت كفراتهم وهي ماشية 15 الف وناس مشتهم الكفرات فوق 150 الف بلا مشاكل

سيارتي 2012 لازالت بكفرات الوكالة ماشية 146 الف
بديت الحين أفكر أغيرها لكني لازلت اعتقد انه فيها عمر لأن النقشة لازالت ومافيه تحبيل وجوانب الكفر سليمة من التشققات

صح يا اخي الحافظ الله سبحانه لاشك لا كن الانسان يعمل ب الاسباب وياخذ حذره من ابسط الامور ومشكات الناس عندنا التهاون وخصوصا السياره وهي قاتله اذا تهاون الشخص بها وشكرا