وش الراي لاهنتم

نسبة كبيرة انه التماس


بس السؤال الآن هو هل انت ضايف على الموتر شي ؟؟؟ اي اضافات وكم موديله ومتى بدت تطلع معك هالمشكلة ؟؟؟ وهل انت مغير شي من فترة قريبة ؟؟؟ او مركب ريموت شي ؟؟؟


ياليت تجاوبني عشان اقدر افيدك لأنها صارت لي في كابرس 85

الظاهر سيارتك فيها واحد من اثنين التماس من تعديل فيها او انك مركب شي قوته عاليه و عشان كذا علبة الافيزوات تتضرر هذا اذا كان الفيوز يضرب كل مره 

موديله 2012 ركبت له انوار ليد وبعد 5 ايام صارت السالفه ...

المشكله خويي معه 2011 ركب ليد من نفس المحل وموتره سليم ...

اجل شيك على الموتر وشف ذا اللي ركب لك الليد يمكن مجررح اسلاك ولا لاعب في كهرب الموتر .... لا تلذع الظفيرة انتبببببه

لاهنت يعني اروح لم اللي ركب الليد بيقول مالي دخل ولا اروح لكهربائي ويشوف العله

ركبها لك وجرح اسلاك كهرب ولا ركب لها كتاوت وطبيعي تضرب معك كهرب  وانتبه لا تسوي حرق 

ايه بس الموتر جديد 2012 ولا يلذع كهرب الموتر بالعادة او تضرب الفيوز الا فيه خلل يعني شي مركب غلط او شي يسبب احتراق علبة الفيوز


عموما انت رح لكهربائي كويس وتثق فيه وخله يشيك لك على الموتر من الى كهربائيا ويعلمك الخلل وينه فيه وبلغه انك توك مركب الليد وصارت لك بعدها يمكن البلا في الليد نفسه طريقة ترهيمه غلط


انا الوالد مركب ريموت على الكابرس حقنا 85 طبعا لاحظ قديم وحالته حالة ودايم تلذع عندي الفيوز وبعض الاحيان اكبس العالي يطفى المسجل ويشتغل والبلا في ايش ان اللي مركب الريموت مدري وس عافس عند علبة الظفيرة وشاد السلك حق الظفيرة ومجرح منه اسلاك ومخرب الدعوة

لاهنتم لاكن ليش بعده بكم يوم ماصار بحزته ..

اخوك  روح للكهربائي الي ركب لك  الليد   ولا قول  راح ابلغ الشرطه


السبب 100  منه لان اول تقول مافيه شيء   وسلامتك

عندك التماس صارت معي فسيارتي قبل كذا

كل ماحط فيوز ينحرق 
وديتها كهربائي وكان فاهم فالكهرب 
راح فك السماشيات ولمبة السقف 

اخر لقي لمبة الشماسيه حقت الراكب الظفيره حقتها واسلاكها محترقه وذابت

اذا انت فالرياض قلي ادلك عليه الرجال فاهم وشاطر فالكهرب

افحص الاسلاك اللي جرحها الكهربائي وباذن الله بتلقى المشكلة منها 

كلام الاخوة صحيح التماس لان الفيوز تحترق بسبب قصور في التمديدات

سؤالك : ليش بعده بكم يوم ماصار بحزته ..



الكتاوت يقاوم اللالتماس واذا ماقدر عليه يضحي بفصل الفيوز ،، وهذي فايدة الفيوز
والافضل ترجع للشخص نفسة لانه هو الي يعرف التمديدات الي سواها
واكيد حيبان معه العلة وين بالضبط
بالتوفيق

كلام الاخوان صحيح والعلة في التمديدات فها التماس