ابغا الراي الايجابي والسلبي لسيارتكم

كابريس 2005 - 220 الف كيلو - سلندر
مريحة - عازلة للهواء - قطعها معقوله (الستة سلندر اما 8 قطعه غالية)
عيوبها
دائما تخترب فيها جلد السحب وكراسي المكينة والجلد بشكل عام لان السيارة ثقيلة وعندك اصوات قرقعة في الداخلية من الزجاج غالبا ..

ماتخترب كثير ولله الحمد .. حلوة اذا راتبك اقل شي 3 الف ريال بحيث اذا تعطلت عليك تقدر تصلحها على طول
بس خلي بالك من 2008 وتحت ركب لها مبرد قير اضافي ويفضل تغير رديترها وبلف الحرار ة سنويا.

ماركيز 2007 الحمد لله الله يكفينا شر الحودث والاعطال ماغيرت الا كتاوت مكيف وقطع استهلاكيه اقمشه وكفرات عيوب صوت هوا بس بعد 130 خفيف من الجلد الاجابيات راحه عزل جيد جدا راحه صرفية وقود ممتازه في السفريات او في البلد له معاي سنه ونص 

قطع متوفره واسعارها معقوله 

مكسيما ٢٠١١ 
توه جديده بسم الله عليها هههه 
ماشفت منها الا كل خير عيبها الوحيد حجم الجنط 
ماياثر طبعا على سعر الشراء بوقت لاحق 
والعيب الاخر الوكيل صراحه سيئ جدا تعامله وحتى صيانته 

معي سياره ثانيه 
ددسن ٢٠٠٧ غماره ماشيه ١٢٠ 
عاد ام عزيز غاليه عندي وزعلت علي يوم شريت المكس هههه >> عايش الدور 

الددسن  معي من عام ٢٠٠٧ 
الموتر مارحمه لاخط ولابر 
غيرت قطع استهلاكيه وهي ك التالي 
فحمات بعد ثلاث سنوات
سير اذا قامت تصارخ الددسن وهذي معروفه 
بواجي بعد ثلاث سنوات 
بطاريه مرتين والسبب تشبيك لمبات عليها 
كفرات مره وحده 
موتر جدا صبور ومايشتكي من شي ابد 

فكتوريا ٢٠٠٨ سياره مشاء الله ممتازة من جميع النواحي
قيادتها راحه سواء في المدينة او السفر صيانتها سهله والقطع رخيصه وتعيش معك
بس عيبها عزل الهواء بعد ١٣٠ تسمعه بس افضل من سيارات ثانيه في العزل

الكابرس (( الملكي ))

نصيحه ابعدو عن كامري من مودي ٢٠٠٣ الى٢٠٠٦ والله مكاينها خيااس ولوتوضبها
قطع اصليه تلقى زيتها ينقص

ونشدواهلها لاكن بعضهم اللي قروشه واجد يطقله مكينة ٢٠١٠ او٢٠١١ وتطلع اطنخ سياره

كرف مافيه مثلها عيبها في مكينتها. وسلامتكم

معي فورد ميزتة مايعرف الورش والقطع ببلاش وتحصلها في كل محل وفخامة وراحة 
سلبياتة /
اولا: المراية الجانبية على اليسار ماتشوف اللي جنبك زين وكذا مرة بغيت اكلها 
ثانيا : النور ضعيف مرررة ركبت كتاوت وغيرت الشمعات حتى ركبت زينون لكن برضوا ضعيف وفي الليل اتشوف شي 

السلام عليكم ورحمة الله ،،، سيارتي باجيرو 2011 فل مكينة 3.8

.. السيارة لا تزال جديدة قطعت حتى الآن 20 ألف،،، بشكل عام السيارة رائعة في كل شيئ ولم أندم على أختياري ولله الحمد، السيارة مجهزة بأحدث تجهيز لعوامل السلامة والأمان وهذه من أهم أسباب اختيار هذه السيارة الذكية .. العيوب ضعف المحرك قليلاً مقارنة مع وزن وحجم السيارة لكنه اقتصادي جداً ،،، ضعف تبريد المكيف الخلفي لكنه يؤدي الغرض،،، سوء خدمات الوكيل المحلي .. غلاء قطع الغيار بشكل مبالغ فيه،،، هذى مالدي الآن .. تحياتي مع الشكر لك أخي أبو أماني،،، ومع أحلى لايك

احسن سياره امتلكتها لومينا اس اس 2006 جايبها من الامارات جديده ماشيه 40 الف قبل 3 سنوات  بس بعتها وليومك هذا وانا منقهر يوم بعتها 

 والحين معي لومينا اس اس 2004 بس مو نظيفه وخربتها كثيره  وعندي زد نيسان موتر ماشاء الله نظيف بس عيبه قطع غيار غالي اغلب قطع من الاماارات ارسل ناس يجبونه او اجيبه انا 

معي جمس طويل 2001 ماشي فوق 400الف كيلو طبعاً السيارة  حقت دوام سفر طلعات بر
ومرة حملت 9 اكياس اسمنت الحمدالله ماتشتكي طبعا مستورد عام2008 كان ممشاها 40الف كيلو

ماركيز 98

سيارة خدمة وقطع غيار رخيص

ولكن تحتاج للعناية وا

وعليكم السلام والرحمه

عندي مركوري ميلان اخت الفيوجن موديل 2008

استخدامي لها عنيف وزي الحلاوه ماشاء الله عليها , حفر مطبات ارصفه طعوس اي شي تتوقعونه .

مع هاذا ماشاء الله السياره باقي تمشي سيده والدركسون معتدل وثباتها ولا ااحلى

شريتها ماشيه 100 الف والحين ماشيه اكثر من 170 الف كلم

ورساوتها وعزلها ولااحلى تمشي 160 ماتسمع نسمه ولايهزها ريح ماشاء الله

الصراحه السياره فاجئتني بحاجات ماكنت اتوقعها فيها .. الحمدلله

طبعا ماقد اشتكيت منها في عطل ..

سعّرت الاشياء الاستهلاكيه رخيصه بالمره

الاسعار من الوكاله ..

المساعد الواحد قيمته في ال160 ريال صناعته ياباني !

الكامري مساعدها تايلندي على مااظن وسعره اضعاف هههه

المقص الخلفي الواحد بـ120 ريال ! وجلدته بـ20 ريال

المقص الامامي اغلى بشوي من الخلفي

فلتر الزيت حول اقل من 25 ريال ورق

وفلتر الهواء بحدود ال30 ريال

هاذا اللي اذكره ..

السياره بشكل عام ممتازه ومريحه في المطبات بس تحسها قاسيه فوق عيون القطط < اتوقع من نوعية الكفر او عشان الجنط 17