يامشتري المستعمل وقف دقييقه

صدقت والله

لا والمشكله يجون بسيارة طاف على موديلها 30 سنه ويبيعهوها بسعر خرافي يوصل لي 60 الف وبـ60 الف تشتري زيها اربع لا وتصلحهم بالورش وتبيعهم وانت كسبان ههههه

هلابك حبيبي , أعتقد الممشى مو مضر لسيارة مجردة من التقنية مثل F J !!!! لأن أغلب سيارات تويوتا عبارة عن قير + مكينة
صحيح ما راح أدفع مبلغ كبير على سيارة ماشية فوق 300 ألف !!!! بس في ناس تفرق معاهم 10 أو 20 ألف , على طاري 
الممشى أذكر مرة شفت (مايباخ) معروضة قبل فترة قريبة موديلها 2006 ماشية حدود 100 ألف بس !!! و في ناس إعترضوا
يقولون ماشية كثير على موديلها !!!!!!! فهي قناعات بالنهاية , شكراً يا غالي و أكيد لايك .

اللهم بحق هذا اليوم اغننا بحلالك عن حرامك وارزقنا جميعا القناعة فهي كنز لا يفنى

كل سياره لها عمر افتراضي وممشى 300 الف يعني اكثر من نصف عمر السياره راح

لكن تبقى المسئله معلقه حول طبيعة الاستخدام والمحافظه

بعضهم يحافظ على تغيير الزيوت والصيانه بشكل دوري ويهتم بسياره اول باول وماهو مثل المطعيسن يدور اي طعس عشان ينقز الموتر
عكس شخص تلقى استخدامه نظيف وماينزل الطعوس الا وقت التامشي والرحلات 
هذي الفئه من البشر تقدر تشتري منهم لو كانت سيارته ماشيه 300

لكن المصيبه تلقى سياره ماشيه 300 الف وصاحبها مايغير زيت الا بعد حرقه
والفلتر مايغيره الا مع 3 تغييرات وفلتر الهواء مايدري عنه
وشاحط وماحط الموتر ومفقع ابوه فالطعوس 
هذي الفئه من الناس والله ما اشتري موتره لو يكون ماشي 50 الف 

لذلك الممشى لايعتبر مقياس وحيد لممشى السياره

ومن اسهل علامات تعرف فيها ان استخدام السياره سيئ
تهريب الصوف 
خراب الدفرنس 

زميلي معاه فورد 2006 ماشي معاه 290 الف كيلو وماشاءالله عليه لاتهريب ولا فيه اي مشكله 

انا اتوقع اللي يشتري اي سياره ماشيه واجد وبسعر مرتفع انه يلعب بالعداد 

وهذا والله اعلم 

وعليكم السلام ورحمة الله وبركاته

المشكله الكبيره عندنا المقوله الشهيره 
الممشى مايضر السياره

الا يضر ويضر مهما كان اهتمامك المحرك مصنوع وله عمر افتراضي من الشركه 
والماكينه حديد ونار تاكل بعضها مع الوقت وحط مغناطيس على الفلتر قبل تغيير الزيت  وشوف برادة الحديد اللي تطلع 
مابالك ب 300 الف كيلو من الاحتكاك 
وشوف المزادات برا تلقى السيارات اللي ماشيه كثير ارخص السيارات

راعي الموضوع ما عندة مشكلة في المشي يضر السيارة

المشكلة السياة مستعملة

و سعرها قريب من الجديد

و لا ماشية واجد

والله لو يحافظ عليها للصبح سياره ممشاها فوق 300 الف اغسل ايدك بترتاح معها وبتتعرف على اصحاب الورش كلهم

ابوبيان انا مسوي لك دس لايك لأن دعوتك هذي ماتجوز ليس على الله حق لأحد 

حياكمم الله جمميع وشكراً على طرحكم وآرائكم


فعلاً المصيبه باللي يشتري جيب جي اكس ار موديلات قدييمه 2002 / 2003 وممشاها كثيير وبسعر فوق ال 85 الف ولا ننسى هالنوع من السيارات اغلب اللي يسترونه يستخدمونه للتطعيس والطرق الوعره يعني السياره مكررروفه تم التقييم لكم بالايك

حياكمم الله جمميع وشكراً على طرحكم وآرائكم


فعلاً المصيبه باللي يشتري جيب جي اكس ار موديلات قدييمه 2002 / 2003 وممشاها كثيير وبسعر فوق ال 85 الف ولا ننسى هالنوع من السيارات اغلب اللي يسترونه يستخدمونه للتطعيس والطرق الوعره يعني السياره مكررروفه تم التقييم لكم بالايك

صدقت والله اني مستغرب زيك 

الممشى قد لا ياثر إلا حسب الاستخدام ممكن يجيك واحد ممشى ٣٠٠ الشكوى لله مشاويره كثيره بس محافظ عليها يغير الزيت في وقته و يركب عوازل يعني يخاف عليها من تاي شى ،
 وممكن يجيك واحد ماشي ٣٠ وطق في طق ومن كرف لكرف مافي رصيف الا رقى عليه ولا مطب الا اكله 

وجه نظر فقط 

بالنسبة لي اشوف سيارة ماشية فوق 200 الف وموديلها قبل 5 سنوات 

مفروض ينزل سعرها للنصف ، هذا لو كانت استخدام حشمة
اما اللي استخدامه زفت ، مفروض ما يبتلي الناس بسيارته ويخليها معه او يهديها او يشلحها

بالتوفيق 

عندك شعب مدمن تويوتا       إلا من رحم ربي
 
والمدمن منعمي الله وكيلك !