ليش المستعمل معاد فيه النظيف زي زمان
5
6
إضغط هنا للإخفاء
السلام عليكم ورحمة الله وبركاته
اليوم الصباح كنت في جوله على المعارض كان موصيني احد الاصحاب بالسياره معينه
والرجال كان دخله محدود ضعيف ماديا الله يرزقه من واسع فضله
وكانت خبرته بالسيارات قليله وصاني بان ابحث له سياره
وكنت يوم الجمعه ايضا في الحراج ايضا
ولاكنني تفجائت بان السيارات مو مثل اول تجد من السيارات المستعمله سيارات زينه ونظيفه
بعكس ماريت الي مصدوم والي مرشوش والي مسمكر والي مقلوب عداداه
وصراحه تحيرت ولاكان بوسعي غير النحشه واشرده
وسوالي لكم ونبي نتناقش بهالخصوص
الان السيارات شبه مستحيل تلقا النظيف
والله يعينك غير تفحص كميوتر بعكس اول والله اول اخبر اني مع الوالد نبي سياره والوالد خبرته ضعيفه مره
حتى المرشوش مايدري عنه
واخذ لنا سياره وبعد فتره جاء واحد من اقربائي قال مشاء الله هالسياره نظيفه
بعكس الان اعوذ بالله
معاد هناك نظيف وقليل
يعني الناس كلها غشمان ولا الصناعات الحديثه فاشله
والايسلمون السيارات للبزارين الي ماتعرف تسوق
ووووين المشكله والله تحيرت المعارض والحراج ماتلقا النظيف
وقالي واحد يبيلك مره ومرتين تدور بالحراج والمعارض عشان تلقا نظيف
لان النظيف مايقعد بالمعرض ولايوم عالطول ينشري
صار لازم تقعد تراقب السوق تقل حارس عشان تعرف كل شي
والله حاله
إبلاغ
الردود
السيارات حق اجار مكروفة كرف والنظيف يبيع نفسه ماتلاقي الى نادر وغالي
2
1
ونصيحه لاتشتري من موقع حراج لني قابلت وا حد الله يهديه يقول سياره فيها رشات وتبي لها تربيط
ومكينه تبخر ابيض قالي ممكن جلد بلوف ههههههههه يوم فحصت لقيت سياره مسمكره كامل حتى تنده شكله متقلبه والاربقات مفتوحه بس فاصل حساسات
ولقيت مكينه تبي لها توضيب على كلامه يقول جلد بلوف وقلنا معليه نزبط راس طلعت توضيب كامل
وقال سياره تبي لها تربيطات طلعت سياره تبي لها مساعدات اذرعه اعمده عمود دفرنس ركب دوده ويقولي تربيطات خفيفه
والله يوم طلعوو لي ورقه فحصت قله له كل هذي عيوب ولا صلحت فيها ياخي بعض ناس مريض وش لون ماتدري عن سياره معك وشكله ياشريطي ياواحد يبي يتكسب ويبي بسياره 15 قلت والله لو تقولي 4 الف ماخذتها
يعني قليل تحصل صادق والله يعينا يارب
6
0
لوكان مرشوش صفاوة المحرك وقفة السياره تماسك الديكورات وحالة الداخلي
المصيبه عدادالمسافات يعني تحصل سياره مافيه مكان الاومرشوش وانواع الاصوات
في المحرك والكهرباء تعبانه وممشاها قليل !!!كيف تثق فيها؟؟؟ مااحط بذمتي شي بس
من خلال جولتي في سوق السيارات لاحظت الغش في عدادالمسافات وتجي السياره مقسومه
نصفين وملحمه ويقولك طرف الرفرف معدل ناس وسخه تحب تأكل حرااااام
0
0
مواتر زمان تلعب والدية ولا يبان عليه ليش لان كان عندهم اهتمام بالجوده واهتمام بسمعه الشركه
اللحين الموتر يالله يمشيك سنتين مايطلبك شي ولا غيرت له شي مستحيل يرد زي اول
وسلامتك
1
1
لاتعليق
2
1
وبعدي بقيمه رخيصه بسس اكثر كبار السن يركبو هايلوكسس
2
0
الله يعين الي يعشقون الكامري مايلقون النظيف بالامره
0
1
الكامري خلاص جد انتهى وقته قليل يالي يركبوه واكثر يالي يركبو حقي تفحيط وقطب
1
0
وتبي تاخذ سيارة خذها من الشياب والله عندنا جارنا شايب معاه ماركيز 2002 على يده وكالة فل كامل ماشاء الله والله ياشباب شافني
قبل شهر عند البيت وقالي تعال قلتله امر ياعم قالي ياولدي ماعليك امر وديها الوكالة والعصر انا باستلمها
واطالع بالعداد ماشية 137 الف كيلو ومن جوه ماشاء الله وكالة الشماسات باقي باكياسها
فالمقصود من هالكلام كله خذ لك شي استخدام شايب وماراح تندم
5
0
بعدمالقطها تصليحات ورش يبيعها على انه المالك لها انتبه
4
0
=== الغش كثر
== والمخادعين أكثر للأسف
=== احذر من عضو هنا اسمه عبدالله الغامدي لفحص السيارات بالشرقية
=== طلبت منه فحص سيارة وقالي ممتازة وطبعا طلعت خربانة والموتور محتاج راس من التشليح وعلبة البريك خربانة تماما
حسبي الله ونعم الوكيل فيه
1
0
0
0
يعني المواطن السعودي يقرط في سيارته لييييين تنتهي و بعدين يبيعها
اذا لقيت سيارة موديلها جديد في السوق فاعرف انها منقلبة و مسمكره و مرشوشة كاملة
فالي يبغى مستعمل يدور على بطاقة جمركية
2
0
يقولك ابدا كله تمام
تفحص ، تطلع بلاوي الدنيا
وطبعا الرد الطبيعي صدقني ماكنت ادري
0
0
الا مرتين الاولى ما كان عندي الفلوس وانبع من يومه
والثاني سعره مبالغ فيه لكن انبع ع طول
0
0
المشلكة الثانية كثرة اعداد السيارات
المشكلة الثالثه حفر مفاجئة
المشكلة الرابعة السفهاء من يتصيد السيارات ولابد من قشعه مخوطم
المشكلة الخامسه بعض الاجانب خاصه الي مايعترف في المرايات نهائيا ويعتمد على التامين كليا
المشكلة السادسه تصميم الشوارع مثل مخرج ثمانية وانت متجه شرق بتحصل الخدمه على طول قريب من مخرج الي جايين من الدائري الشرقي يعني خطر اذا صادف احد الناحيتين متهور
المشكلة السابعة موت الضمير عند بعض ابناء ادم
قبل 11 سنه و 7 شهر