أضف سؤال أو موضوع جديد          

قبل ماتشتري الفورشنر تعال شوف تجربتي له ل1300 كيلو تقريبا

up 14 down 4



السلام عليكم :


راح اتكلم عن تجربتي للفورشنر مشينا فيه من الرياض للباحه وطلعناعقبات واوديه للحد ماوصلنا للديره


فورشنر 4 سلندر قير اوتوماتيك ودبل وارد الامارات


الايجابيات اول شي


السياره داخل المدينه صرفيتها قليله جدا


ارتفاع السياره رائع جدا وماتخاف عليه من الصخور انها تلمس من بطنه


السياره وزنها 1820 كيلو حسب ماهو مكتوب في الاستماره ومع الركاب والاغراض يوصل ال2000 كيلو واكثر


السياره ثابته فالطريق لدرجة انه الهوا مايلعب فيها حتى لو تجازوت من جنب شاحنه رغم ارتفاعه الا انه ثابت فالطريق نظرا لوزنه الثقيل


التكييف ثلاجه سواء على سرعات عاليه او داخل المدينه


فيه صف ثالث وواسع من جوه


الكبوت اذا فتحته بصراحه مافي اي تعقيدات كلها مكينه وفلتر ورديتر والباقي فاضي يعني انشاءالله مايتعرض لاعطال كثيره ويكرف


السلبيات


اصوات الهواء الخارجي والعزل للاسف سيئه ومزعجه


صوت المكينه وهذي المشكله ازعجتني المكينه تحس انها فحضنك وكل ماتسرع كل مايزيد صوتها وانواع الازعاج


اذا كان فيه هوا معاكس لك او وصلت لمرتفع السياره يطيح عزمها مهما تدعس بنزين مستحيل تثبته على سرعته او تزيد من سرعته


البنزين نعبيه 91 فل ب26 يادوب يمشيك 340 كيلو رغم اننا مغيرين البواجي ومسوين تصفيه وفلاتر


السياره قاسيه وتكسر الظهر


السياره ماتنفع في العقبات الحاده والرمال


عداد الار بي ام يوصل ال 4 على سرعة 160 وتحس انه المكينه بتنفجر


يعني نقدر نقول انه مايعتمد عليه لانه مكينة هايلوكس


بس ينفع للي استخدامه خفيف يعني رمل خفيف وماهو براعي تطعيس دايما


الصناعه اندونيسي


هذي التجربه والملاحظات اللي شفتها كلها








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياساتر اجل الافيو و الاكسنت امشي 160 على 4 الاف دورة على كلا مشكور على الموضوع و اشكرك مرة اخرى لانك تنصح الناس عشان يعرفوا ايش السلبيات و ايش الايجابيات مو مثل بعض الناس اذا اشترى سيارة قرنبع سوها مايباخ ومهمى بها سلبيات ما يقول وهاذا حال اغلب الناس وما اقول الا الله يكثر من امثالك


up 1 down 1
بوخا 3559
قبل 7 سنه



اسف اخوي ليس تشكيك في كلامك لكني  سقتها بمشاوير  كثيره على طرق  طويله اسوى  سياره مرت علي   رساوه وثبات
على الطريق وانا لوحدي لا حموله ولا شي

معلومه سياره 2010  حكوميه قير تماتيك 

والعزل فيها  شي عجيب الهواء يدخل من كل مكان ماتدري من وين يجيك الهواء 

وصرف بنزين   سيء جدا 

موفق


up 5 down 3
sauditop 107
قبل 7 سنه



سعودي ستب والله على مااقول شهيد انه السياره ثباتها على الطريق اكثر من رائع عشان ما اكون محايد او اظلم لكن السياره وزنها يتعدى ال 2000 كيلو وهذه يعطيها ثبات نظرا لثقلها اما اصوات الهواء الله لايوريك الازعاج ..... وانصح اللي يفكر ياخذ فورشنر ... ياخذ 6 سلندر ولايفكر في الاربعه لانه خايس العزم مايوس مره كل ماتجي طلعه عزمها يطيح وتقل سرعته وتكبس بنزين على الاخر مايبغى يمشي


شكرا اخ شاقح على المعلومات
انا ارى ان مميزتها تصرفك عن عيوبها اليس كذلك!
ولكن بالمناسبة تبدو لي ان السيارة خطيرة في U turn (المديورة) احشعر بانها تقتلب بسرعة .. هل شعرت بهذا اثناء استعمالك لها؟


up 1 down 1
marwan699 5848
قبل 7 سنه



ترى ال4سلندر عله عكس ال 6سلندر


up 2 down 1
ابونغم 11
قبل 7 سنه



نظرا لارتفاعها فبصراحه مع اللفات اذا شديت عليه تحس يميل على جنب يعني لازم تاخذ اللفه بدون الدعس على البنزين والله يستر وقت ضربة الكفر على سرعه عاليه والله محد يرده .... بس السياره عجبني فيها قلة التقنيه واتوقع هذي راح يكون اعطالها قليله وتكرف بدون لاتشتكي واعجنبي فيها قوة التكييف وثلاث صفوف فالخلف بس تجربتي له فالديره عجبني اطلع يمين ويسار مع الصخور رغم ناه ثقيل لكن يمشي ومايلم بطنه في الارض وانا اشوف الواحد بدل ماياخذ هايلوكس ياخذ فورشنر 4 سلندر دبل قير تماتيك يعتبر عائلي للي استخدامه خفيف وماله فالتطعيس


الله يحرق شركة عبداللطيف جميل الحرامية والله ارخص ما عليهم ارواح البشر واسال الله ان يفنيها ويكتب عليها الخسارة والفناء يارب العالمين


up 11 down 5
راسم .. 20
قبل 7 سنه



الله يحرق شركة عبداللطيف جميل الحرامية والله ارخص ما عليهم ارواح البشر واسال الله ان يفنيها ويكتب عليها الخسارة والفناء يارب العالمين


up 7 down 6
راسم .. 20
قبل 7 سنه



بس تاكد من الوزن ماعليك من الاستمارة شخطة قلم
شوف بالكاتلوج هذولي القراطيس ماتتعدى 1550/1600 كجم


up 1 down 1
talal abdullah 5415
قبل 7 سنه



اففففف اسوى سياره قد مشيت فيها خط
طلعت مره في برادو مع خالي من الدمام للرياض 
تخيل الهوا يدخل عليك من اليدين الي تفتح بها الباب 
والعزل صفر من ميه وحنة مكينته اما الي صفق عقلي القير ههههههههه  
اقسم بالله اذا وقفنا  يقعد يهتز زي السيارات القدام 


up 6 down 0



افا    حتى البرادو طلع خايس والعزل فيه زفت


ياناس الى متى ابو جميل لاعب علينا ؟ .. والى متى تقودنا الشائعات والتقليد ؟ نحن في زمن الوعي والادراك وتحديد الاحتياجات وقياسها , سيارات تويوتا اسم فقط وباقي الفاتوره يدفعها المسكين على حساب راحتة واستخدامه ..عجبي


up 3 down 2
al3arrab 8
قبل 7 سنه



بالعكس ياشباب انا عندي برادو 2009
6سرندل مشاء الله تبارك الله عليه العزل ولا احلى وصوت المكينة طبيعي وعايدي مافيه اي ازعاج
يمكن اخونا يقصد البرادو 4 سرندل؟؟


up 2 down 5
389
قبل 7 سنه



معقولة سيارة موديلها فوق 2009 وعدد نمر القير 5

اغلب السيارات 6 نمر الكامري السنوناتا الاكورد ومثيلاتها 7 الكلايسلر الشارجر الرياضي وعندك 8 تعشيقات الشيخه ( جينسيس ) والفورشنر عادة علي 5 نمر لا تعليق .....


up 1 down 1
maldkheel 518
قبل 5 سنه و 10 شهر



كنت محتار جدا جدا بينها وبين اكسبلور 2014 استخرت ورحت قطع غيار فورد غالي شوي لكن الحمدالله واحد من اصاحبي ابوه معه الاكسبلور 2014

اخذته انا والرجال جربته الحمدالله صحيح تحس نفسك غاطس جوه بس والله عليه مسجله صوووووت طرب طرب

عليه مكيف ماشاء الله تبارك الله والحمدالله شريته مستعمل ماشي 86 الف ياربي لك الحمد من القصيم لحد الطايف يمكن عبيت مرتين بس ومشغل اثنين مكيفات وامشي حول 140 

مريحه وسياره جميله لكن بر اوجبال ماجربتها لكن خط خذ موتر


up 1 down 0
لينكولن 2011 436
قبل 4 سنه و شهر