أضف سؤال أو موضوع جديد          

هل تفضل السياره المخزنه ام الاستخدام النظيف ؟؟

up 3 down 0
شكوتي لله -53
قبل 7 سنه و 11 شهر



السلام عليكم ورحمه الله وبركاته





..... اخواني مثل ما هو مكتوب بالاعلان .. السؤال هو : عند شرائك سياره هل تفضل المخزنه ام الاستخدام النظيف مع ان كلها نفس الموديل ووجود فرق كبير في السعر لصالح المخزن ..؟ انا عن نفسي اشوف ان السياره المستخدمه استخدام نظيف افضل من المخزنه بحكم انه المخزن يكون واقف لفتره طويله ومتعطلهه فيه بعض الاغراض ... هذا من رايي ولكن حبيت اشوف ردود اعضاء المنتدى ... وهذي قصه عضو من احد المنتديات مع سياره مخزنه ... ارجو عدم التعصب بدون فائده لفئه تعرف نفسها ... تقبلو تحياتي ..‏ بسم الله الرحمن الرحيم
تجربة يذكرها احد الأخوة وأكيد خاضها الكثير غيره
وحبيت ان اذكرها فقط للتذكير والفائدة
وأكيد سيقوم الوكلاء بتسويق هذه السيارات بحيث لاتخطرعلى البال فكن حذر خاصة بعد المقاطعة ونزول 2010م
يقول المثل "اسئل مجرب ولا تسئل طبيب"
يقول أخونا سبق وشريت سيارة على الزيرو (جديدة) ولكنها مخزنة وبالتحديد جيب فاكس ار موديل 2003م وكان ذلك عند نزول موديل 2006م يقول المهم كنت ناوي اشتري 2006 ولكن ارتفعت قيمته إلى 200الف وقال لي موظف عند ابوجميل فيه عندنا موديل2003 جديد بمبلغ 153الف
و قال تراه ما فيه فرق قلت خلاص تم وفي اول الأمر قالوا لي الشباب تلقاه مصدى وشفته لقيت فيه صدى خفيف قلت بسيط
بداية المشاكل
ثم اكتشفت إذا صار فيه حول الربع بنزين يبدأ يقطع المهم قالوا الوكاله فيه ترسبات لأنه واقف اكثرمن سنتين وهذا بعد تنظيف التانكي يروح ولكن بعد تنضيفه ماراح التقطيع وشافه ميكانيكي قال من العوامة ثم بعد شهرين فقط من شرائه بالصدفة سئلت موظف فرع ابوجميل عن سعر أخر موديل قال ب157الف ريال نفس مواصفات سيارتي يعني انخفض سعره 40 الف وعندها عرفت أني ابتلعت الطعم ...
يعني مضحوك علي
لأنه بعد ماصرف ابوجميل الموديلات القديمة نزل سعر الجديد ... يقول تخيل جاي للوكالة منفعل بسبب ربل المساحات لأنها تقطعت من اول ماشغلتها ثم عرفت عن نزول السعر حسيت من شدة القهر والإستغفال كأنه طلعلي أذان حمار مثل إذا حمقوا في فلم كرتون... بصراحة رغم أن الموقف حزين إلا أني والله دمعت أعيوني من الضحك ...
شر البلية ما يضحك .
ثم سافرت لطائف والسيارة يعلم الله مامشت اكثر من 20الف
تعطلت في موقف الله لا يوريكم كان معي اعيالي وفي طريق الهداء وكان مزحوم لدرجة الصدام بالصدام
وإذا دعست بنزين يطفي ثم نقلته لفرع ابو جميل بالطائف وكان سبب العطل خراب قطعة الكترونية بالبخاخ المهم غيرت القطعة ب1500ريال وأول ماوصلت القصيم بعته ب115الف استعمال اقل منسنة...وفوق هالخسارة بهدلة وقهر و إستغفال...
وحسبي الله ونعم الوكيل...انتهت







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اناا صراحه افضل المستعمل النظيف المخزن غااالي فرق يوصل ل 50 الف احيانا


up 2 down 0
المشيعلي 454 3368
قبل 7 سنه و 11 شهر



أنا معك أفضل الاستخدام النظيف
لأن طريقة التخزين عندنا:::حطه بالكراج ولاحد يحركه

لك لايك على موضوعك الجميل


up 1 down 0
3llawi96 3114
قبل 7 سنه و 11 شهر



أكيد المستخدم النظيف بس مايكون ماشي واجد 
 
أما المخزن عندنا كيف الحال ، إلا من رحم ربي
 
 شوف الأجانب كيف يخزنون المواتر : 
 
 ١- يرفع الموتر عشان الكفرات ماتلمس الأرض 
 ٢- بعضهم يحط مادة تشبة الفازلين بربلات الباب الداخلية ، وقفل الأبواب
 ٣- تغيير بعض الزيوت ، لأن الزيوت لها تاريخ صلاحية حتى لو لم تستعمل
 ٤- تانكي البنزين لازم يصير فل
 ٥- المكينة يعبونها بزيت لييييين صير فل !! والسبب عشان ماتصدى بعض المناطق الداخلية
 بالمحرك ، وطبعا إذا قرر يشغلها لازم يفضي شوي من الزيت
 ٦- البطارية تفصل ، عشان ماتهرب كهرب عن طريق السالب 
 
 والكثير والكثير من الإرشادات 
 
 
هذا هو التخزين اللي عليه الكلام 
 
مهوب يوقف الموتر ١٠ سنين بدون تلميع ، بدون تشغيل من وقت لثاني ، بدون مايغطي الموتر ، والزيوت قديمة 
والربلات متصلبه


up 3 down 0
فكوك 1684
قبل 7 سنه و 11 شهر



فيه واحد طريقة تخزينه حلوه....شهرياً يشغل الموتر وياخذ دورة في الحوش...


up 1 down 0
acura 3755
قبل 7 سنه و 11 شهر



افضل الاستخدام النظيف + الممشى المعقول     لانه مثلما تفضلت انت  والاخوان يكون تتعطل فيه بعض الحاجات من طول الوقوف+طريقة التخزين عندنا الله بالخير  لك عليها


up 0 down 0
العامري دوت كوم 2 455
قبل 7 سنه و 11 شهر



أفضل المخزن النظيف لأن مو كل مخزن نظيف


up 0 down 0
nader2002 1659
قبل 7 سنه و 11 شهر



يعطيكم أالعافيه شباب عالردود   ومثل مأ تفضل أخوي فكوك عندناا ألتخزين ماش ولكم أحلى لايك


up 0 down 0
شكوتي لله -53
قبل 7 سنه و 11 شهر



من الأصح الإنسان الجالس الخامل أم الإنسان النشيط الذي يتحرك دائماً؟
السيارة صنعت للإستعمال وليست للوقوف وهي كالإنسان ما دامت تتحرك تجد كل شئ فيها طبيعي وشغال صح وكل ما وقفت ظهرت لك مشاكل


up 0 down 0
سعد 52
قبل 11 شهر و 4 أسبوع