أضف سؤال أو موضوع جديد          

اكورد 2012 ولا كامري 2011

up 0 down 0
abdullahdj3
قبل 7 شهر و أسبوع



السلام عليكم
انا مقبل على شراء سيارة بهذا الزمن ووالله اني محتار من السيارات والسوق الحين
.
ابي سيارة اعتمادية وصرفيتها زينة ويعني موتر رجال
+ انه يمكن بسافر عليه يعني ابيه يكون مريح وراسي لاكن اكيد مب درجة السيارات الفخمة
.
ميزانيتي حوالي ال٣٠ يمكن تزيد شويتين لو كان الموتر يستاهل ولقطة
.
اخر السيارات الي وصلتها هي كامري ٢٠١١ او اكورد ٢٠١٢ او النترا بموديلات ٢٠١٧ وحوالينها
لاكن لو فيه اقتراحات ثانية مافي مشكلة وابي اسمع منكم
.
ويعلم الله اني محتار ولا ادري وش اختار وش اشتري 
.
فيا اخوان ابي استشارتكم واقتراحاتكم وان شاء الله الفايدة جزاكم الله خير







إبلاغ إبلاغ



الردود


والله إذا تبي تطيع الشور أول شيء أستبعد الأكورد بالذات الــ 2012 مع خويي كل شوي خراب وقطعها غااااالي وحوسه ، ونادر اصلاً تحصل نظيف للمديل هذا ، للمعلوميه مبلغك هذا يجيب لك كامري 2014 او 2013 نظيف نسبياً لكن طبعاً راح يكون عدى الــ 200 الف بس الكامري ماعليها تويوتا ويتحمل وقطعه اسعارها معقوله وفي كل مكان ومواصفاتها حلوه محرك كبير 2500cc وثاني شي الجير 6 نمر قوي ومريح للمكينه كانت معاي بصراحه كأنك تسوق سياره 6 سلندر من قوة عزمها ماشاء الله ، اما كامري 2011 يعني ماهيب ذاك الزود مع انها كويسه ما اقولك لاء بس انا افضل الــ 2012 وفوق افضل واوسع منها واقوى محركات وتطور في كل شيء ، بالنسبه للأنترا لها الافضليه في الموديل بحكم انها 2017 اجدد منهم كلهم بس يفضل انك تاخذ محرك 2000cc افضل واوقوى بالخط ، وعموماً انت لاستعجل وفكر على مهلك اهم شيء النظااااااااافه في أي سيارة حتى لو موديلها شوي قديم ، ركز النظافه اهم من الموديل نفسه علشان ماتتعب بعدين وتجلس من ورشه الى اخرى وكل هذا علشان ما أخترت النظيف من بين السيارات ، وعموماً بالتوفيق مقدماً


up 0 down 0
bakeetdo99 85
قبل 6 شهر و 3 أسبوع



الافضل بالكامري و خل عنك كلام الشريطيه
من ناحيه المكينه ما تنقص و القير افضل و انشط ٦ سرعات
و ما في مشاكل بكمبروسور التكييف
موديلات ٢٠١٢ و اجدد


up 0 down 0
مثقف سيارات 1154
قبل 6 شهر و 2 أسبوع



كامري من 2012 لين 2015 أقوى وارسي والقطع سهله يعيبه فقط المراتب قاسيه وهذي سهله عند أقرب محل تنجيد


up 0 down 0
محمد الحويع -2
قبل 5 شهر و أسبوع