أضف سؤال أو موضوع جديد          

تفاوت وارتفاع اسعار الصناعية

up 9 down 3
منيف2015 41
قبل 3 شهر و 3 أسبوع



سلام عليكم ورحمة الله وبركاته،،

موضوعي هذا عن تجربة مريت فيها ونصيحة وتوجيه للجميع سواءا صاحب سيارة او صاحب ورشة وخصوصا بعض الجنسيات العربية بدون تحديد.
ظهر لي صوت بسيارتي كامري ومررت على الكهربائين جميعهم اقروا بانه الشداد كامل يحتاج الى تغيير قلت امري لله واشتريته من احدى محلات بيع القطع ولما شفته وهو جديد بين يدي والا صامولة وحدة بس قلت امرها بسيط 20 ريال وبيركبونها ان شاء الله. تفاجئت باسعارهم الفلكية والله ياجماعة انهم اقل واحد طلب 60 ريال مع انه جيته فاضي ومب شغلته كهربائي شغل ميزان لكن قالي اركبها لك ضحكت وقلت لا يابوي الدعوى مب نهيبة واروح الى محل التخفيضات واشتري طقم مفكات ب 10 تجاري صيني. وبعدها رحت البيت ووقفت السيارة وصليت المغرب والعشاء لحد الساعة 10 بالليل وفكيت البلط وركبت الجديد ولله الحمد ماخذ معي 5 دقايق. والكهربائين اغلبهم ضخم الموضوع وقالي يبغاله شغل وانت تشوف بعينك حسبنا الله عليهم.
نصيحتي لكم يااصحاب الصنعات والميكانيكية في حديث للرسول صلى الله عليه وسلم يقول رزق الله من باع سمحا واشترى سمحا. خلوكم سمحين مع المواطنين والناس يعني مواطن سعودي خلاص ننصب عليه. احمدوا ربكم اللي يسر لكم العمل بهذه الارض الطيبة وشعبها الطيب المتسامح تكافئونهم باسعار فلكية واستخفاف بهم والضحك على الذقون. اتقوا الله ياإخوان.
ونصيحة لأخواني اصحاب السيارات مب على طول اول كهربائي صفط عنده وفك وحط خذ لك لفة وشف الاسعار المتفاوتة ولاتروح للورش بالشوارع الرئيسية بالصناعية رح للورش اللي جوا تحصلها فاضية واسعاره اقل من اللي عالشارع.
الله يهديهم ويصلح حالهم ويحفظ بلادنا من كيد كل خائن وفاجر ويحفظ ولاة امرنا وشعبنا اجمعين.








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اي والله صادق اخوي و اشكرك على سرد هالموضوع, هذا وانت سيارة عادية سيدان بينما لو جيب دبلوا السعر. لدرجة اني
قرفت شي اسمه ورش و صناعية تعبت منهم لدرجة وصلت معي فكرة اني اشتري نفس العدد اللي عندهم و اظبط سيارتي
بنفسي. الأغلب لا ذمة و ضمير و خصوصا ابو يمن. آخر شي من كم يوم رحت لورشة عندنا بالخبر يظبطلي المقص كان الجلدة
مو راكبة عدل ف تطلع صوت طق قوي مع المطبات و الفرامل و اللف سواء يوترن او نص لفة. كنت متوقع يقول 50 او 60
الا شطح في السعر قال 250 قلت له يا بن الحلال 50 عاجبك اهلا و سهلا ما عاجبك نزل السيارة و طبق كل شي و من يصير
معي فلوس ارجعلك لا قلت له ما معي الا 50 لا و خلفني و فعلا ما كان معي الا 50 قال خلاص 150 و المشكلة كان حاشرني
رافع السيارة و فاك المقص من ورا قلت امري لله توكل على الله بس ضمن لي الشغلة و الحمد لله الامور طيبة بس والله السعر
ما يستاهل المفروض ما توصل 100 حتى. صايرين جشعين الورش هالأيام!! فعلا فكرت اصير اصين سيارتي بنفسي.


up 1 down 0
بدر الباثفايندري 1125
قبل 3 شهر و 3 أسبوع



حياك الله اخوي بدر الباثفايندري

شف الامور البسيطة تفكها وتركبها بنفسك انوار اشارات تنظيف رديتر هذي بسيطة بس المشكلة بوقت الفراغ احيانا مايكون عندك وقت فراغ واجواء الشرقية الجميلة بعد ياسلام تشجعك على الشغل وخصوصا اذا كان في رطوبة ...هههههه.
الله يوفقنا وياكم ويستر علينا ويحمينا من طمع العمالة الاجنبية ذي اللي طارت بالاسعار فوووووق فوووق.


up 1 down 0
منيف2015 41
قبل 3 شهر و 3 أسبوع



احسنت الله يجزاك بالخير
ولاكن انتبه من العدة الصيني تخرب عليك الشغل
روح اشتر من محل العدد الصناعية شي كويس حتى لو غالي لك وللزمن
والله يوفقك وييسر امرك


up 0 down 0
تبوك313 490
قبل 3 شهر و 3 أسبوع



خلونا نكون واضحين وصريحين وبدون مجاملات 
99٪ من العمالة جايين من ديرتهم ذابحهم الجوع ما راح يهمه الا الريال وكيف يجمع اكبر مبلغ ممكن ويحوله لاهله
البيع السمح ومراعاة الناس هذي اشياء موجودة بعاداتنا حنا مو عندهم الا من رحم ربي
للأسف اسعار الورش عندنا واصلة لأسعار ما يتقبلها العقل والسبب "لأنك سعودي فلوسك كثيرة" عادي تدفع !
والدليل اذا جاء عامل ثاني عنده نفس مشكلتك يصلحونها له باقل من ربع السعر اللي عرضوه عليك !
وجهة نظري ان السبب بوصول الاسعار للدرجة هذي هي الفترة الماضية لما كانت الناس حالتها المادية جيدة وكان فيه ضعف بثقافة السيارات 
الاغلب ما يعرف شي بالسيارات واي مشكلة صغيرة مايعرف كيف يصلحها يقوم يوديها للصناعية وهذا اللي طمع حقين الورش بالناس
الحل ان الناس يكون عندها ثقافة كيف يصلحون اغلب المشاكل البسيطة واي مشكلة كبيرة تحتاج ورش يعرفون وش الشغل اللي بيصير بسيارتهم 
بالضبط عشان يعرفون كم قيمة الشغل وما ينلعب عليهم


up 0 down 1
mr.bdran 122
قبل 3 شهر و 3 أسبوع



جزاك الله خير اخوي m1m1m1m1m1

اخوي mr.bdran اتفق معاك انهم جايين همهم الريال بس يتق الله ويكسبه بالحلال مب النصب والنهب وغلاء الاسعار لكن شفهم بالصناعية ربي رازقهم على نواياهم السيئة على كثر ماجمعوا من فلوس ونصبوا على المساكين ربي بلاهم بالفقر والمصائب التي تحل عليهم الحمدلله الذي عافانا مما ابتلاهم الله به.
يعني وش بيضرك اذا اشتغلت برخيص او سعر مقبول لكنهم يتفاخرون فيما بينهم بكم اشتغلت اليوم وكم نصبت الله يهديهم.
والشعب السعودي صار عنده وعي وثقافة بالامور ذي لكن المشكلة ذولي مب شايفين شي الى الان اسعارهم غالية.

الله يزين الامور ويحفظ بلادنا وشعبنا وقيادتنا من كل سوء وكل حاقد وحاسد.



up 0 down 0
منيف2015 41
قبل 3 شهر و 2 أسبوع



فعلا و بعض العمال خصوصا بويمن والبكس يقول دخل السياره تقول ب كم قال دخل السياره وما نختلف ولما يرفعها ويفك القطع يجي و يطلب مبلغ كبير
يعني يبي يحطك تحت الامر الواقع
عشان كذا الي يلف و يدور من البدايه اتركة ورح ل غيرة


up 0 down 0
الشرقية ماركت 149
قبل 3 شهر و 2 أسبوع



صادق يالشرقية ماركت ..

قبل لايفك اي شي اتفق معاه على السعر واذا قالك مانختلف قله خلاص انا بقول سعري وبتصلح بالسعر اللي ابيه اذا قالك لا خله ورح لغيره.

والله ياشباب فلوسنا احنى واهلنا واحبابنا اولى فيها ...
والعمالة ذي نعطيهم حقهم بالمعقول مب الدعوا نهيبه ونصب حسبنا الله عليهم.


up 0 down 0
منيف2015 41
قبل 3 شهر و 2 أسبوع



انا زمان طرحت موضوع عن نهب ابو يمن كهربائي وديتله باص طلع فيه التماس وصلحه
وانا ما اتفقت معاه وقال خلاص صلحته جيب 2500 ريال تخيلو ؟؟
يا ولد من جدك المهم قلت له انا ما اتفقت معاك ليه تصلحه قال خلاص هات 2000
قلت مالك الا 500 تبي ما تبي بكيفك



up 0 down 0
فـهـــــد الفهد 449
قبل 2 شهر و 4 أسبوع