أضف سؤال أو موضوع جديد          

حساس كمبروسر يارس 2009

up 2 down 0
nissan200 302
قبل 5 شهر و أسبوع



سلام عليكم
رمضان مبارك كل عام وانتم بخير تقبل الله منا ومنكم صيامنا وقيامنا و صالح الأعمال
عندي المكيف يبرد مع المشي ومرات حتى مع المشي يفصل لازم اضغط زر A/C كم مرة يرجع يشتغل
ورحت لكذا كهربائي كلهم يقولون غير كمبروسر مع بلف مع رديتر وان احتاج غير ثلاجة
والصراحه التكلفة غالية مرة قريب الفين ريال
فا شفت مواضيع وفيديوهات عاليوتيوب ناس غيرت حساس الكمبروسر ومشي الحال معهم
وهندست في سيارتي وفكيت الحساس بعد تفريغ الفريون بواسطة بلف لونه ازرق
واتضح ان الحساس ليس مثل اللي شفته في المواضيع او اليوتيوب او علي إكسبريس شكله غير و مختلف والبائع من علي إكسبريس أعطاني شكل الحساس بعد ارسلت له رقم الهيكل
*لكن مالومه لان الكمبروسر اللي عندي مغيره عند كهربائي من قبل خمس سنين مدري الكهربائي ولف على السيارة او ركب حق يارس بس هو بحساس ليس كلتش
الحاصل نظفت الحساس بي بخاخ Q22 ونفخته هوا ورجعته مكانه
والان باقي اعبي فريون واشوف حظي يصلح او يخرب مرة وحدة
والصراحه ودي اعبي فريون بنفسي واتعلم شرايكم اشتري علبة فريون 45﷼ مع الليات والبلف يطلع كله 135﷼ بس ماعندي خلفية في طريقة التعبئة
ولا اروح لكهربائي ويعبي فريون 100﷼
ملاحظة يا شباب شفت فيديوهات عاليوتيوب طريقة تعبئة الفريون
ناس تعبي العلبه مقلوبة وناس تعبي العلبه بوضعها الطبيعي والفرق يقولون غاز وسائل اش الفرق واش الافضل











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي الي عندك مو حساس الحساس الي فى موقع على اكسبرس لاتعبي فريون تخسر نفسك  
انت اتوقع والله العالم يوم غيرت الكمبرسر قبل 5 سنين  ولف لك كمبرسر سياره ثانيه احتمال حق كورلا مديلات 2006  قبل لاتسوي اي شي رح لكثر من كهربائي خله يشوف الكمبرسر حقك ويعلمك حق اي سياره 
لاتقوله ابي اعرف هذا حق اي سياره قله ابي  اغيره الي عليها وش حقه عشان يعلمك 
الي فى الصوره حقتك  هذا غطاء الحساس يجي مشبوك فيه فيش 


up 1 down 0
k 6 4 i 1227
قبل 5 شهر و أسبوع



حط رقم القطعه اللي عالكمبرسور بقوقل ويطلعلك حق اي سياره او اي محل قطع غيار اعطيه رقم الكمبرسور اللي راكب عندك واذا فرغت الفريون كامل اتوقع لازم تزيد زيت الكمبرسور وبالنسبه للفريون ممكن تحصله بساكو


up 1 down 0
camaro28 812
قبل 5 شهر و أسبوع



تكفى انقذنا انا ولفت كمبروسر كورلا ولعب بكهرب السيارة ويرج المكيف 
شكلي بركب كمبروسر دينسو حق اليارس



up 1 down 0
sjfki2 109
قبل 5 شهر و أسبوع



تكفى انقذنا انا ولفت كمبروسر كورلا ولعب بكهرب السيارة ويرج المكيف 
شكلي بركب كمبروسر دينسو حق اليارس



up 0 down 0
sjfki2 109
قبل 5 شهر و أسبوع



والله ياخوي رجعت الفيش مكانه مثل ما قال اخونا في اول رد
اللي فكيته فيشة الحساس والظاهر الحساس نفسه ماسك في جرم الكمبروسر
الحاصل رحت عبيت فريون عند ورشة قريب البيت على الله وحط مع الفريون زيت
واتضح ان الكمبروسر ضغطه عالي بين 40 الى 43 والفني قال مشي حالك فيه لين يتعطل
وحالياً افضل من اول صار يبرد مع المشي بارد واذا هديت او زحمة يرطب ويحتر
بس التبريد افضل من اول برودة بجودة يعني ليس مثل اول فقط هوا وبرودة خفيفة
الشاهد ان الكمبروسر عندي ما ينفع اغير له حساس لان ضغطه صار عالي وبداية خراب واللي راكب حالياً على كلام الفني انه حق كورولا 2009 او 2010 حساس ماهو متأكد بس ماشاء الله تبارك الله خدم معي خمس سنين والان اخر أيامه باقي يخدم

،،،،،،،،،،
ومنك نستفيد كيف تجربتك مع توليف كمبروسر كورلا على اليارس
لان صراحه كثيرين نصحوني ان التوليف ما يصلح اولهم المكانيكي لان يقول يصير عندك رجة ويخرب لك الكراسي


up 1 down 0
nissan200 302
قبل 5 شهر و أسبوع