بشتري سياره واصلحها قبل النقل كيف اضمن حقي

وعليكم السلام تقدر توثق فلوسك عن طريق موقع نافذ
https://nafith.sa/

بعد تسجيل الدخول تذهب الي خدماتي
من اقصي اليمين اختر الخيار الثاني (انشاء سند)ولك 20 سند مجاني

الطرف الي بتدينه تكتب رقم بطاقة احواله ورقم جواله وتوصله رساله تاكيد
يعطيك الرقم في حالة موافقته

بعد كذا تنتظر حتي تجيك الموافقه وتدخل تتاكد من اسمه وتعطيه او تحول له المبلغ

وبعد انتهاء مدة انقضاء السند تقدر تقدم للقضاء عن طريق الموقع

منقول من العضو m3gp البوابة الرقمية

يا اما انك تشتريها وتنقلها بأسمك ولا دور غيرها 
اما سالفة انك تاخذها وتصلحها وهي بأسمه مدري وش الفايدة
تدخل نفسك في متاهات مالها لزوم وانت في غنى عنها

وعليكم السلام
اذا الشخص تعرفه مثلا صاحبك جارك او قريب يمكن ما عليه خوف
لكن
واحد غريب ما بينكم اي صلة او معرفة لا ياحبيبي الله الغني يا تنقلها الاول وبعدين تصلحها على كيفك يا اتركها وربنا يعوضك احسن منها
مجرد رأي

تروح معرض تثق فيه بيسوو مبايعه ولكن ماراح يعطونكم نسخ المبايعه الين تخلص تصليح ارجع لنفس المعرض يتمم البيعه وطبعا فلوسك بتكون مع المعرض والمعرض ملراح يسلمها للراجل الا بعد النقل او حسب ما تتفق معاعم

مثل ماقالو اللي قبلي
لاتعطي خصمك الخيط والمخيط وهو يتحكم فيك

روح لمعرض ثقه وكبير قول شراء سياره والنقل بعد اسبوعين
هو يمسك الفلوس عنده وتعطيه الف ريال سعي واتعاب
والبايع يوقع الحين ويتتازل
متى ماخلص موترك تروح للمعرض ينقله باسمك وهو يحول الفلوس للبايع

وثقوا الكلام هذا في معرض بورقة مبايعة بينكم يحدد فيها المبلغ الفعلي للسيارة وتعطيهم انت عربون لضمان جديتك في الشراء وهو يعطيهم موافقة على تصليح سيارته وانه بكره ما يهون عن البيعة او يتحمل تكاليف الإصلاحات لو هون عن البيعة


وبكذا الجميع راضي وضامن حقه

مفروض اي شخص يبي يبيع سيارة يجدد الفحص الدوري ب نفسة كون السياره ملك ب اسمه استغرب من البعض من يبي يروح الفحص ويسوي اعلان
ل بيع سيارة والسيارة فيها عيوب تحتاج اصلاح ويقول الاصلاح والفحص علي المشتري هذا ضد النظام والمشتري ممكن يروح ويدفع مبالغ ويضيع حقة
لو فشلت السيارة او تبين انها تحتاج مبالغ اكثر الافضل تروح معرض تتفاهم ب حيث يمسك الفلوس او تشوف شي مفحوص جاهز

غير كذا لا تدخل نفسك في دوامات انت في غني عنها

ممكن على شخص ايقاف خدمات او تعميم و وتتورط في متاهات انت في غني عنها بعدين المعرض مايضمن حقك في اصلاحات اللى انت سويتها

فية بعضهم يدري ان سيارته فيها مشاكل ماتمشي في الفحص الا بقلة حياء وإصلاحات
ويقول لك الفحص عليك لذلك الأفضل لا تشتري إلا سيارة مفحوصة

وأيضاً إذا لك رغبة في الموتر تكتب في العقد دفع قيمة الإصلاحات في حال التراجع عن البيع
وتوثق نفسك بفواتير للقطع وفاتورة من الورشة هذا الأفضل