أضف سؤال أو موضوع جديد          

تقشير بوية الافالون ؟

up 1 down 0
ابو نورة000 12
قبل 7 شهر



السلام عليكم 

يا جماعة الخير اللي عنده خلفية عن الموضوع يفيديني 

عندي البوية تقشرت في بعض الاماكن البسيطة لكن الان بدأيطلع لي في البوية زي الفقاعات تحت البوية في الشنطة والرفرف 

ما ادري وش اسوي مع العلم انها بوية بلدها وما ابغى ارشها 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله
المشكلة عندك ممكن تكون بسبب واحد من هذي الإحتمالات:

أول احتمال إنه يكون عيب مصنعي في الرش
بسبب خلل في مسدسات رش البوية في المصنع فصارت تطلع ذرات البوية مع الهواء
ومنعت ذرات البوية إنها تلتصق بشكل كامل على المعدن

ثاني احتمال إن السيارة مرشوشة عند وكيلها هنا قبل مايبيعونها لك وصارت لغيرك كثير من كذا وكيل
لأنه سياراتهم ممكن تتعرض لحوادث أثناء تحميلها ونقلها من الميناء أو المستودعات وممكن غيروا لك القطع المتضررة قبل رشها
ومع ضعف الإشراف على العمالة ممكن عامل الرش ما فرغ الهواء من المسدس قبل رش البوية عشان كذا تكونت الفقاعات

وصار التصاق طبقة بوية الأساس ضعيف وهذي أهم طبقة تمسك باقي الطبقات اللي بعدها سواء كانت طبقة اللون أو اللكر
عشان كذا تقشرت طبقات البوية

وفي احتمال إنه مارش طبقة أساس أصلاً فوق إنه ما فرغ الهواء من المسدس

والإحتمال الأخير إنه أحد قام بسكب مادة كميائية مذيبة على البوية ضعفت التصاقها على المعدن
واللي خلاني اقول كذا إن الفقاعات شكلها غريب
لأنه الفقاعات اللي اشوفها بسبب خروج الهواء مع ذرات البوية من المسدس أثناء الرش تكون دائرية وهذي خطوط مثل الديدان

هذا اللي اقدر افيدك فيه عن مشكلتك حسب خبرتي وتجاربي في عالم دهان السيارات



up 0 down 0
nader2002 1662
قبل 6 شهر و 3 أسبوع



وبخصوص إنك تبي حل بدون رش، للأسف أخوي لا يوجد حل غير الرش
وادري إنك تبي تحافظ على بوية المصنع ولكن مثل ماانت شايف البوية متضررة

وأفضل حل هو الرش لأن الأهم بهذي الحالة هو المحافظة على هيكل السيارة المعدني من الصدأ
وواضح من النقرات اللي انت غطيتها بقلم بوية لونها غامق يا إنه لون طبقة الحماية المؤقتة للقطع الجديدة المُغيرة

وهذي ماراح تحمي المعدن من الصدأ أو إنه فعلاً بداية تكون صدأ وهنا الخطر الحقيقي اللي مفروض تخاف منه

وهل تتوقع إنك لما تجي تبيعها وفيها صدأ منتشر بتجيب لك السيارة سعر عالي؟
طبقات الطلاء ليست وظيفها زيادة جمال السيارة فقط!

بل كذلك حماية الهيكل المعدني لسطح السيارة من الصدأ اللي بدوره يسبب تآكل المعدن وتلاشيه (Faded)
يعني السيارة مع مرور الزمن راح يختفي هيكلها وتصير قطع غيار ماعاد نسميها سيارة!
هذي نصيحتي لك وانت حر بمالك.


up 0 down 0
nader2002 1662
قبل 6 شهر و 3 أسبوع