صار حادث على سيارتي والسيارة باسم البنك

و عليكم السلام
لو تقدر تكلم الموظف يقفل الموضوع
و ليتك ما بلغت خلاص السيارة تقريبا" ملكك
اذا اتلفوها الظاهر حتى الدفعة الاخيرة ما ترجع
اذكر سالفة واحد مجرد حادث بسيط طلع الايرباق
اعتبروها تالف و سقطوها و هو مقسط اكثر السنوات
هذي عيب التأمين الشامل و البنك المالك
انت مجرد مستخدم
يخدمك النظام هذا اول السنوات تفتك من باقي الاقساط
و الدفعة الاخيرة
اما اللي مثل وضعك الله يعينك
حاول ترجع لك الدفعة الاخيرة عالاقل تنفعك تشتري سيارة تمشي حالك
ممكن خيره لو تصلح فيها ما تضبط اذا الصدمه قويه مرة

خبرنا وش يصير معك حدث الموضوع لفائدة الجميع
الله يكتب لك و لنا كل خير و خيره بكل امورنا

المفروض قيمة تعويض التأمين تكون من حقك

لان السيارة انصدمت بعد ما دفعت كامل قيمة تملك السيارة وصارت ملكك، لكن الاجراءات تاخرت


انصحك تطالب البنك بقيمة تعويض التامين، او بقيمة السداد المبكر الي دفعتها

او تشتكيهم، لانه ما هو منطقي ياكلون فلوس الطرفين، التأمين والزبون!!!

تواصل مع البنك نفسه وليس شركة التامين واسال البنك هل التامين ساري او منتهي
اذا كان ساري تاخذ حقك من التامين
بس يبغالك تشوف موظف فالبنك يزبط امورك

ماله علاقة التامين ساري ولا لا يااخوي bmwz4 يقلك السيارة انصدمت واقفة عند البيت يعني تامين الي صدمه يتحملون التكاليف مو تامين البنك
وبالنسبة لصاحب الموضوع تواصل مع البنك وقلهم انك مقفل العقد قبل الحادث خصوصا انك ماعليك نسبة خطا يعني تامينهم ماله علاقة وان شاء الله يتفهمون وضعك ولا تنسى تبلغنا وش يصير معك

السلام عليكم الله اعلم اخوي لو نقلت السيارة باسمك يسقط عنك التامين لان التامين باسم الشركة تاكد اول قبل تصلح اي اجراء

الله يعينك اسال ناس متخصصين يفيدونك اكثر

الله يجزاكم خير جميعا

بكتب لكم وش اللي صار للفائدة


أول شي قالو بنتلف السياره لأن قيمة إصلاحها ٣٠ الف قطع وكاله
وهذا اكثر من ٤٠٪؜ من قيمتها 
ونبي نعطيك شيك باسم البنك وهو يحولها لك ( لانك مكيش السياره )
بكامل قيمة السياره ونسحب السياره
وهنا مربط الفرس ... كم قيمتها ؟


قالو قيمة سيارتك اللي البنك مسجلها بالوثيقه ٣٠ الف
مع انها تسوى ٥٠ الف 

لاتحسبون هذا مربط الفرس.     :)


مربط الفرس البنك يوم جيت اشري السياره
حسب التأمين على قيمة السياره كامله مدة خمس سنوات
كان سعرها ٧٥ 
يعني السنه الثانيه ٧٥ و الثالثه ٧٥ والرابعه والخامسه
والتأمين ٤٪؜ من قيمة السياره سنويا حطها فوق العقد


السؤال البديهي ليه العقد قيمه عاليه و الوثيقه قيمه ثانيه اقل
الاجابه
العقد لهم و الوثيقه لك


المهم مالكم بالطويله
قلت سيارتي بصلحها لو تمشي على ثلاث كفرات
و قامو عطوني اقرار اوقعه اني ارفض اتلاف السياره 
و قالو هذا شيك ١٥ الف واقضب الباب


واخذت الشيك و سيارتي وقضبت الباب الباب   :)
وسلامتكم


هذي كل سالفتي مع بنك الراجحي و شركة تكافل الراجحي

الله يعوضك و ان شاء الله السيارة تتصلح و تنفعك
الحمدلله على كل مكتوب و مقٌدر كل شي من الله