أضف سؤال أو موضوع جديد          

تشغيل المكيف بوقت الشتاء

up 4 down 4
k_s_m_h 75
قبل 3 شهر و 2 أسبوع



اسعد الله أوقاتكم بكل خير,,

يلفت انتباهي كل شتاء بالذات فترة الصبح بدري
لابد تلقى سيارة جالس فيها صاحبها ومشغل الدفاية لكن بنفس الوقت تسمع المراوح الخارجية شغالة !
هذا يدل أن صاحبنا مشغل زر المكيف A/C

إذا علمنا أن المراوح تشتغل أوتماتيك بوقت الحر عند درجة معينه وكلما زادة حرارة السيارة زادة سرعة المراوح.
وأيضا تشتغل مع المكيف حتى لو الجو معتدل. او حتى لو من ثواني مشغل السيارة ولا بعد احتمت.

لكن بوقت البرد لما تسمع صوت المراوح تعلم علم اليقين أن اخينا بالله مشغل المكيف والدفاية بنفس الوقت.
ومكيف السيارة مختلف عن مكيف البيت

في البيت الكمبريسور (الفريون) يبرد بوقت الصيف وايضا نفسه الكمبريسور يسخن بوقت الشتاء

لكن بالسيارة الأمر مختلف
الكمبريسور للتبريد فقط
أما التدفئة فهي على حرارة الماء حتى بالكتالوج لا تسمى تكييف يسمونها دفاية
لان يوجد رديتر داخل الغمارة يمر به الماء ويرجع للمكينة تماما مثل الرديتر المعروف بقدمة السيارة.
وحتى بالصيف إذا سخنت السيارة لو شغلت الدفاية بتلاحظ انها تساعد بتخفيف حرارة المكينة

واصلا إنقاص برودة المكيف بالصيف مو مثل مكيف البيت
بل تنقصها بحرارة ماء المكينة يعني تحرك الفرار إلى الساخن شوي ويعطيك حرارة جاية من حرارة الماء من شان تخفيض لك البرودة.

لذلك كتبت هذا الموضوع
تشغيل المكيف (مفتاح A/C) بالشتاء مع تشغيل الدفاية خطأ ويستهلك الكمبريسور بدون فائدة.

الدليل إذا كنت ماشي بسرعة ثابته ومشغل الدفاية واضطريت تدعس لتجاوز سيارة أخرى،، بتلاحظ إذا دعست ان الهواء يزيد سخونه.

وفروا الكمبريسور بالشتاء إلى وقت الصيف
لكن ما يمنع بالشتاء تشغيل المكيف كل أسبوع عشردقائق لتدوير الفريون فقط









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك خطأ بمكيف البيت الشباك او السبلت
موجود سخان شبك حديد يعني الكمبروسر للتبريد
سوا سيارة اوبيت


up 2 down 1
فور جي 98
قبل 3 شهر و 2 أسبوع



كلامك صحيح وبعض السيارات اذا شغلت المكيف على ازالة ضباب الزجاج الامامي يشتغل الكمبروسر مثل الجمس عندي وش الفايده مدري


up 2 down 1
المالكي 1254 93
قبل 3 شهر و 2 أسبوع



المالكي 1245
اذا شغلت ازالة الضباب لازم تحط الهواء على الحار لأنك اذا تركته علئ البارد راح يشتغل الكمبروسر معه


up 1 down 1
bmw z4 1485
قبل 3 شهر و 2 أسبوع



المالكي 1254
الضباب يتكون لان الزجاج من برا بارد ومن جوا دافي بسبب حرارة الاجسام والنفس لازم يشغل المكيف على وضعية توجيه الهواء للقزاز لمعادلة الحرارة مع الخارج وبالتالي
يزول الضباب



up 0 down 0
k_s_m_h 75
قبل 3 شهر و أسبوع



bmw z4
يا عزيزي بالعقل الضباب يتكون من حرارة اجسام الناس بالسيارة والنفس مثل لما تنفخ على شاشة الجوال او النظارة يجي عليها ضباب وتمسحها
بالعقل كيف تحط المكيف على الحار والجو من الخارج بارد؟ وهذا هو سبب تكون الضباب ان الزجاج من برا بارد ومن داخل يدفى من حرارة اجسام الناس ونفسهم ويصير عليه ضباب
من شان كذا إذا وضعت المكيف على ازالة الضباب يشتغل على البارد مع الفتحات الموجهه للقزاز الامامي والجانبي لمعادلة الحرارة من الخارج.


up 1 down 1
k_s_m_h 75
قبل 3 شهر و أسبوع



فور جي
وانا اش قلت؟ قلت ان مكيف البيت التسخين بواسطة الكمبريسور لكن بالسيارة التسخين بواسطة ماء المكينة، والتبريد بواسطة الكمبريسور
موضوع طويل عريض ما فهمته لعلك تفهم الاختصار هذا.


up 0 down 1
k_s_m_h 75
قبل 3 شهر و أسبوع



انت افهم الاختصار مكيف البيت يشتغل الحار سخان
ماهو كمبرسر مر كهربائى مكيفات واعرف الاختصار


up 0 down 1
فور جي 98
قبل 3 شهر و أسبوع



بارك الله فيك ونفع بعلمك


up 1 down 1
m7md056 14
قبل 3 شهر و أسبوع



فور جي
اقولك تيس تقول احلبه
ما اختلفنا يا مسلم سخان لكن على الفريون مافيه ماء حار داخل مكيف البيت.
مكيف السيارة يجي سخان على ماء المكينة

فهمت وإلا اجيب سبورة وقلم ؟؟


up 0 down 0
k_s_m_h 75
قبل 3 شهر و أسبوع



جب قلم وسبوره وفهم نفسك
سخان مكيف البيت ماله شغل بالفريون والكمبروسر
سخان شبك على كهرب مثل الدفايه


up 0 down 1
فور جي 98
قبل 3 شهر



https://youtu.be/kZhvUkY2Zxw?t=171


up 0 down 0
k_s_m_h 75
قبل 3 شهر