مكاين سيارات تركب على سيارات اخرى

8 0

لايمكنك التصويت حتى الحصول على 20 نقطة على الأقل
إضغط هنا للإخفاء

مركز السالميه 35
قبل 3 سنه و 4 شهر

بسم الله والصلاه على رسول الله
هذا الاعلان للفائده وللمعلوميه
مكينه الكامري من 2003 الى 2011 تركب على لكزس es 250 او راف فور او بريفيا يتغير الصدر فقط
مكينة الشاص 2010 الى 2018 تركب على اف جي او فورشنر 6 سلندر او جيب او برادو او صالون راسين
مكينة كرولا 2007 صغير تركب على ايكو و اليارس من مديل 2000 الى 2015 او العكس..
هايلوكس من 2006 الى 2015 تو تي ار تركب على فورشنر 4 سلندر او اينوفا او باص هايس...
مكينة مكسيما 6 سلندر تركب على التيما 6 سلندر
مكينة بريميرا تركب على صني
تورس من 2008 الى 11 يركب على ايدج او مازدا cx9 او مونتيقو او ميلان او فلكس او لنكن mkx
للمعلوميه فورد اشترت مصنع مازدا وبعض مكاينهم تركب على بعض
مكينة فورد رنجر وانيت من 2006 الى 11 تركب على مكينة مازدا وانيت ..
مكينة نافارا يركب عليها مكينه باص نيسان 14راكب..
مصنع هونداي وكيا تعتبر مصنع واحد ومكاينهم تركب على بعض
مثلا اذا مكينه 6 سلندر فاعرف انها تركب على سنتافي او ازيرا او كيا كرنفال او بيكاتو..
مكينة 4 سلندر حجم 1600 سي سي تركب على سبورتاج وسيراتو و النترا و توسان..
واذا كانت 4 سلندر حجم 2000 سي سي فهي تركب على توسان او النترا او سبورتاج او سيراتو او ابتيما تو كيا كارنز..
مثلا سبورتاج مكاينها 3 احجام مكينة حجم 1600 وحجم 2000 وحجم 2400 سي سي..
او اذا كانت 4 سلندر حجم 2400 سلندر فهي تركب على سوناتا او سنتافي او ازيرا او سيرنتو او توسان او سبورتاج او سيراتو او ابتيما بعض الاخوه بيقول شلون ازيرا 4 سلندر وسيارتي 6 سلندر ويكذبني فأحب اقول له كل سياره لها مواصفات 6 سلندر او 4 سلندر حجم 2000 سي سي او حجم 2400 سي سي او 1600 سي سي وكل حجم لايركب على سيارة اخرى الا اذا كان نفس الحجم
مكينة تورس مديل 2013 وفوق تركب على اكسبلور 2011 وفوق غطا اسود
مكينة النترا من 2000 الى 2005 تركب على اكسنت من مديل 2006 الى 11
والنترا من مديل 2006 الى 10 تركب على اكسنت 2011 الى 13 حجم 1600 سي سي
مكينة اكستيرا تركب على باثفندر من 2006 وفوق
مكينة تاهو و يوكن وسييرا و سافانا وجمس سوبر واحده
مكينة ماركيز وفكتوريا وتاون كار او اكسبديشن غطا اسود وحده
مكينة لكزس صالون تركب على تندرا او سكويا او صالون حجم 570
مكينة لومينا 8 سلندر تركب على الكابريس
مكينة الكرسيدا 95 تركب على الهايلوكس 90 الى 97
مكينة افالون تو جي ار من 2005 الى 15 تركب على اوريون لكزس اي اس 350
مكينة كامري 6 سلندر مديل 2000 تركب على افالون 2000
سيارات جيلي الصينيه تركب عليها مكاين اليابانيه بعضها يركب عليها مكينة كرولا 2007 وبعضها يركب عليها مكينة لانسر مستبيشي
واذا احد من الاخوان عنده معلومه يتفضل يفيدنا في التعليقات

إبلاغ

الردود