أضف سؤال أو موضوع جديد          

بخصوص زيت تنظيف المكينة

up 0 down 0
قصي العوفي 12
قبل 2 شهر و 4 أسبوع



السلام عليكم 
يا شباب انا مكينتي يبيلها تنظيف من الزيت القديم 
ولقيت زيت تنظيف المكينه وطريقته انا افرغ السياره من الزيت اللي فيها واحط زيت التنظيف واخلي السياره شغاله 10 دقايق وبعدها اطفيها
فا بغيت اسالكم هل تنصحوني فيه او لا وبحطلكم صورته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياانك تفك الكارتير بورشه و تنظف اسفل المكينه و الشخال او تحط محلول تنظيف مع الزيت القديم و تنزل الزيت بعد ماتخلي الموتر شغال ربع ساعه و هدي مابتطلع الاوساخ مضبوط

اما تحط بدل الزيت منظف و تشغل السيارة بدون زيت ماانصحك فيها ياما ناس سوتها و خبطت مكاينهم


up 3 down 0
حمود بنز 177
قبل 2 شهر و 4 أسبوع



فيه مثل يقول: لاتصلح الصلحان يخرب
لذلك ما انصحك تستخدم هالمنتجات اذا تبي تنظف المكينة غير الزيت كل 1000كيلو ثلاث مرات ورى بعض اهم شي تستخدم زيت جودته ممتازة يجي مكتوب علي العلبه Full synthetic هذي تنعم المكينة وتنظفها بنفس الوقت


up 1 down 0
bmw z4 1477
قبل 2 شهر و 4 أسبوع



وعليكم السلام ورحمة الله وبركاته
على اي مبدأ حكمت على المكينة ان يبيلها تنظيف؟
شخص خبير كشف عالسيارة
ام
شفت شوي مقاطع عاليوتيوب من اللي يطلبو لايك شير سنكرايب وقمت تسوي الغسيل قدعنة من عندك؟
دام الموتر ما يشكي من شي خليه على حاله
تبغا اهتمام غير الزيت مع فلتر كل مرة ولا تزيد الكيلو يعني انا اغير على 3500 لان سيارتي فيها شنبر
ولو مرة مرة حابب تنظف الافضل تروح ورشة محترمة يفتح الكرتيل من تحت وينظفه ويفتح الصفاية او الشخال وينظفه بالبنزين والهوا وكذا ان شاء الله امورك تمام

مجرد رأي لا اكثر


up 1 down 0
nissan200 260
قبل 2 شهر و 4 أسبوع



انا عن نفسي حطيت من منتج ليكوي مولي الالماني في سيارتي وحطيت منظف دبة البيئة والحمدالله
السيارة اختلفت كثير معاي حتى صوت المكينة صار هادي وتلقى له شروحات في اليوتيوب وفيه منتج ثاني يمدحونه اسمه BG


up 0 down 0
هكر القلوب 16
قبل 2 شهر و 4 أسبوع



السلام عليكم
خذ تجربتي

سابقا جربت زيت فوكس لتنظيف الماكينه وهو يجي شفاف مثل الماء مع وانيت وكابرس صابونه ولينكون وكرنفال
والحمد لله ما واجهت اي مشكله
. تستخدمه بعد تفريغ زيت الماكينه وتشغل الماكينه لمدة 7 الى 10 دقائق وبعدها تفرغه وتغير السيفون مع زيت جديد

التجربه الثانيه
استخدمت زيت فلاش اللي ينباع في محلات ساكو مع الوانيت واكسبديشن واوبتيما وسبورتاج ونيسان قلوريا وهذا انا انصح فيه
لاني حسيت في فرق فعلا في القومه والصوت

وطريقته اسهل
تحط علبه وحده مع الزيت القديم وتشغل الماكينه لمدة 7 الى 10 دقائق
مع الدوس على البنزين لمدة 10 ثواني تقريبا الى ان يصل ال RPM الى تقريبا 2 او 2.5 وتكرر الدوس 3 مرات خلال مدة التنظيف
بعدها تطفي الماكينه وتغير الزيت مع السيفون


up 0 down 3
dub_r-50 426
قبل 2 شهر و 3 أسبوع



هذا الكلام من اختراع العمالة اليمنية
يريدون الاستفادة من المنتجات والربح

لم يقل اي مصنع للسيارات انها تحتاج تنظيف المكينة
اهم شيء احرص على جودة الزيت الذي تستعمله وكذلك تغييره في موعده المحدد


up 2 down 1
alm3liki 5
قبل 2 شهر و 3 أسبوع



اغلب السيارات وخاصة للكورية فيها صوت تكتكة بداية التشغيل حتى لو حطيت لزوجة خفيفة نفس الشي
السؤال:
هل منتجات BG جيدة وبتحل مشكلة التكتكة بداية التشغيل لان في فني تكلم عنها وانها ممتازة
لكن هل يلزم فك الكارتير


up 0 down 0
aameer altayeb 122
قبل 2 شهر و 3 أسبوع



ماعتقد ابدا ان منتجات التنظيف تفيد اصلا كلها ضحك عالدقون
شيبان اول ييجبلك مكينه ماشي فيها سنين وعشرات السنين ماعمره غسلها
كاتسمعلها صوت ونظيفه وصافيه جدا وعزمها يطرب
لو شفت سواد مو طبيعي بالزيت بعد ماتحط زيت جديد
غير كل الف كيلو مره ولا مرتين دايركت تنظف المكينه من داخل
من دون منظفات ولا معقمات


up 1 down 1
احمد شريف 3175
قبل 2 شهر و 3 أسبوع



بترومين بغو يلعبون علي يوم غيرت الزيت. قالوا لازم نسوي غسيل قبل نحط الزيت الجديد لانه موجود بصيانة ٣٠٠٠٠ قلت للفلبيني معصي و شكله زعل لان حتى بالفاتورة كتب ان العميل رفض غسيل المكينة
المهم هذي اخر مرة اغير عند بترومين لاني اكتشفت انهم استغلاليين


up 1 down 0
fassuly 18
قبل 2 شهر و 3 أسبوع



السيارات القديمه و مع استخدام الزيوت العاديه (الغير تخليقيه) يتراكم في أسفل الكرتير زي الطين الزيتي، هذا لازم تفك الكرتير و تنظفه و استخدم زيت تخليقي هو بينظف المكينه مع الاستخدام .


up 0 down 0
فايز 2012 469
قبل 2 شهر و 3 أسبوع



حط منتج التنظيف واستخدم شركات عالمية زي ليكوي مولي شركة المانيه مشهوره


up 0 down 0
عبدالرحمن2500 9
قبل 2 شهر و 2 أسبوع