أضف سؤال أو موضوع جديد          

محتار بين موضعين افيدوني؟

up 3 down 0
yahya2040 30
قبل 3 شهر



السلام عليكم ورحمة الله وبركاته
بالبداية اعتذر للموقع والمشرفين لكن الموضوع فيه تشعب من جهتين


الموضوع اني محتار بين موضعين أو الجمع بينهما انا موظف قطاع خاص والراتب 4000 وعمري 29 وابي اشتري سيارة وبنفس الوقت ابي اتزوج ومحتار وعلما لا أملك بيت ولا شقة ولا عندي قروض
ابي مشورتكم لي ولا تنسوني من دعائكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة لي يا أخي لو عاد بي الزمان لتزوجت في هذا العمر أو قبل ذلك ولكن الخيرة في ما اختاره الله،،
لذلك اذا تشوف انك قادر على تحمل المسؤولية و رزقك الله ببنت الحلال ترضي بوضعك المادي،،
وعندها الاستعداد بمشاركتك عبر وظيفة مناسبة لكما،،
فاستخر ثم أقدم فالعمر مره واحده و الزوجة الصالحة و الأبناء الصالحون زينة هذا العمر..
وأما السيارة الجديدة فلاحق عليها إن شاء الله ..
الله ييسر لك ما فيه الخير والفلاح بالدنيا و الأخرة



up 7 down 0
qefari2 66
قبل 3 شهر



اكيد الزواج اهم من السياره

ولاتنسى الضريبه بترجع او تلى وبتنزل اسعار السيارات


up 0 down 0
هاتف1 118
قبل 3 شهر



الله يسعدك ويوفقك ويجزاك خير على الدعوات qefari2


up 0 down 0
yahya2040 30
قبل 3 شهر



تزوج الآن وعمرك 29 أفضل وثاني شي الآم مع أزمة كرونا فرصه مافيه حفلات وخسائر فاضيه .


up 4 down 0
jakwar2004 436
قبل 3 شهر



الآم = الآن








up 0 down 0
jakwar2004 436
قبل 3 شهر



الله يوجه لك الخير ويوسع لك
المهم ابتعد عن الدين
والسيارة التأجير ابتعد
والزواج بتكاليف ابتعد


up 0 down 0
ربيع الأول 347
قبل 3 شهر



الله يكون بعونك و يسهل عليك
بشكل عام الراتب محدود الله يزيدك من كل خير
بتاخذ قرض عالاقل ٥٠ الف او احد يدبر لك لو سلفه
تدفعه مهر عشان تملك و بصك النكاح تقدم على بنك التنمية
يعطونك قرض ٦٠ الف تسدده الف كل شهر مده خمس سنوات
ممكن الفين تمشي حالك مصروف للبيت انت و زوجك و ان كان الوضع صعب
يبقى الف للبنزين ممكن الوضع صعب
اشور عليك تشوف وحده موظفه ينفعها راتبها مصروف خاص لها
و اجل الزواج اذا بتستأجر ما يمدي تدفع حق ايجار بالراتب هذا
اذا ممكن تسكن عند اهلك تنحل مشكلة مصروف الايجار
اصبر الى ما يزيد الراتب الفين او تشوف لك شغله ثانيه اضافيه لو مؤقتة
الشكوى لله و العمر قدامك لو بعد خمس سنوات

رأيي من واقع تجربة و انا مدرس اول ما تعينت الراتب ٨
لكن قرض للزواج و التأثيث و مصاريف تنقل الوضع كان صعب
الى بعد كم سنة زاد الراتب و ارتحت شوي الزواج مكلف و قليل الحريم اللي بتمشي حالها مع راتب زوج محدود
الله يعينك و يسهل احسب حساب كل شي و لا تنسى الدعاء و خلك متوكل على الله دايم


up 2 down 1



الأفضل انك تزود من دخلك
موضوع الزواج الأفضل أن يتأخر سنه واحده على الأقل
موضوع السياره عندك يارس أو كورولا مستعمل في حدود 20

تجمع اول شي قيمة السياره ثم تجمع قيمة المهر ومصاريف الزواج
ماعليك من الناس والمصاريف اللي مامنها فايده أمش على قد امكانياتك



الله يوفقك ويرزقك ويسهل أمرك وجميع من يقرأ


الرسول صل الله عليه وسلم قال يا معشر الشباب من استطاع منكم الباءة فليتزوج ومن دة ملاحظ انخفاظ اعداد الافراح اذا لقيت بنت طيبة وقنوعة توكل على الله واتوقع صعب تلاقي هذه الايام ودبر امورك بسيارة متواضعة الايام تجري يا صديقي


up 0 down 0
ra3d777 491
قبل 3 شهر



وعليكم السلام ورحمة الله وبركاته
والله ياخوي اذا قلت لك الزواج اهم من السيارة غلط لانك بتقعد على ايجارات بتاكل فلوسك غير مشاكلها لكن شوف سيارة بسعر معقول وافحصها تمام اصبر لين تلقى وومايمنع انك تستشير اهل الخبرة اهممممم شي ابعد عن الاقساط هذا اولا لانك ماتدري عن ظروفك مستقبلا والشي الثاني انتبه تشتري سيارة مستهلكة لو تقدر تنتظر ممكن تنزل الضريبة وتشتري جديد لو صغيرة افضل مليون مرة من سيارة مستهلكة تاكل فلوسك اكل
وبالنسبة للزواج نصيحة مني السيارة الان اهم اذا ماعندك سيارة او احد يوصلك او يعيرك سيارته شوفلك سيارة لانك بتتبهدل في المشاوير وماشاء الله عمرك ٢٩ نفس عمري ههههه وللان باقي ماتزوجت لكن قريب باذن الله


انصحك تشوف سيارة نظيفة موديل حديث لوصغيرة زي اليارس ولاكسنت لان امور الزواج ومشاويره لازم سيارة ولا بتتعب في المواصلات


up 2 down 0
aameer altayeb 122
قبل 3 شهر



بالنسبة للايجار المنتهي بالتمليك
حاول يكون اخر شي تفكر فيه واذا ضامن وظيفتك شفلك قسط من ١٠٠٠ وتحت والسيارة تكون من السيارات العملية الاقتصادية المرغوبة مثل تويوتا وهونداي َكيا


up 1 down 0
aameer altayeb 122
قبل 3 شهر



الله يسعدكم ويجزاكم كل خير
واشكر كل من قدم لي نصيحة أو معلومة والله اني في حيرة ما ادري ايش اسوي
الله يجزاكم خير


up 1 down 0
yahya2040 30
قبل 3 شهر



مرينا بتجاربك وبقولك نصيحتي

الدراسه - تخلص جامعتك - تتوظف - تجمع حق السياره - تمتلك سياره بدون اقساط
تاخذ شقه ايجار وتبدا تاثث شوي شوي - تاخذ قرض تسليف 60 الف لانك موظف
تتزوج - يصير بس عندك تسدد القرض
لا تصرف كثير بزواجك عشان يطرح فيه البركه وتحب البنت وتعيش معاك لانها ريحتك من الطلبات
اهم شي خلك قد المسئوليه
لا تدخل بدوامه القروض كل شي حبه حبه بس ركز بطريقك صح وادرس كل شي بتأني
طبعا انا طبقت هذي كلها الى فوق ما عدا اني درست جامعه لاني توظفت بعدها درست انتساب والحمد لله زاد راتبي
خل عندك طموح واصرار


up 1 down 0
الملكيه 73
قبل 3 شهر



نصيحة دامك على هذا الراتب لا تتزوج ولا تفكر بالزواج لانك راح تتعب نفسياً وتتبهذل وتبهذل بنت الناس معك

ما مختلف ان الارزاق بيد الله لكن سالفة انك تدخل شخص ثاني بحياتك وراتبك ضعيف ترى مخاطرة .. انت يالله تصرف على روحك فما بالك بشخص اخر وبعد فترة بيجيك مولود وتدخل في متاهات


الافضل انك تسعى لايجاد وظيفة افضل براتب اعلى وبعدها توكل على الله وتزوج


up 2 down 0
تركي818 134
قبل 2 شهر و 4 أسبوع



انا مع كلام الاخ تركي لاتستعجل بالزواج ثم تتورط ان الراتب مايغطي المصاريف الشهرية
فلازم تحسب كم بتكون المصاريف الشهرية بعد الزواج مثل قيمة اجار الشقة والكهرباء وتكلفة المعيشة مع مصاريفك الشخصية
يمكن لو حسبتها مايبقى من راتبك شي او تضطر تتسلف لتغطية هذي المصاريف
فلا تضغط علي نفسك وحاول تركز علي زيادة دخلك الشهري سواء تشتغل بوظيفة مسائية او تبحث عن وظيفة راتبها اعلئ




up 1 down 0
bmw z4 1477
قبل 2 شهر و 3 أسبوع