أضف سؤال أو موضوع جديد          

ماهو افضل تامين شامل

up 2 down 2
محمد20092 53
قبل 8 شهر و 4 أسبوع



الله يعطيكم الصحة والعافية

ما خاب من استشار

اخواني انا بطلع كامري ان شالله 2020 كاش

وابغى اامن شامل تعرفون وقتنا الحالي كل شي غالي

وبنفس الوقت مبلغ السيارة فيه منه سلفة لأجل كذا


قلت ابغى أممن شامل امن لي والساتر الله

الممهم عيني على ملاذ

وافكر في التعاونية لكن مدري كيف اسعاره


انا باقي ما استلمت البطاقة الجمركية على وشك ان شالله هاليومين

تتوقعون وش التامين اللي ممتاز وغير مكلف ويكون فعلا شامل لاقدر الله وراحت السيارة تالف

لاني قريت في موقع التعاونية كذا خيار منها تثبيت سعر السيارة لكن احساسي يقول تامين التعاونية فلكي


العمر فوق ال 25

ياليت اللي امن قريب يفيدني ماهو معدل مبلغ التأمين

والديكم في الجنة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي ادخل موقع تأميني وموقع اعتقد بي كار اسمه بتلقى ارخص شركة
سجل فيها والله يعطيك خيرها ويبعد عنك شرها


up 3 down 0
ابو عبدالله احمد 3514
قبل 8 شهر و 3 أسبوع



طلعها اقساط اذا تبي تأمين شامل
و خل الكاش معك ممكن تحتاجه لشي اهم
من تجربة افضل كذا بدل ما تجدد تأمين شامل كل سنة بمبلغ كبير
الا اذا نيتك بتبيع السيارة و ما تبي تتوهق الاقساط قليل تحصل من يقبل تنازل
و التأمين العادي ينفع مع الكامري و السيارات معقولة قطع الغيار
لو انها سيارة نادرة او قطعها مشكلة تفكر بالتأمين الشامل


up 0 down 0
مثقف سيارات 1146
قبل 8 شهر و 3 أسبوع



تاميني ماراح يفيدك لانك ماعندك سيارة لانه يطلب الرقم التسلسلي

لكن اول حاجة شوف اللي من جد يعوضونك ما يماطلونك وشوف كم حد التعويض لانه ممكن يكون حدهم قليل مثلا ٢٠٠٠٠ الف ريال


up 0 down 0
gogo14 40
قبل 8 شهر و 3 أسبوع



الله يعطيكم العافيه كلكم


وآلله يا اخوان الاقساط تكسر الظهر

ف قرض البنك اهون


وانا خلاص قد شريت

وفعلا والله كلامك صح اخوي جوجو

هذه نقطة مهمة رح تكون في الحسبان ان شاء الله


up 0 down 1
محمد20092 53
قبل 8 شهر و 3 أسبوع



اللي جرب يأمن من المواقع
هل سوف احصل على نفس المزايا
لمن أأمن من موقع الشركة


up 0 down 1
محمد20092 53
قبل 8 شهر و 3 أسبوع




تقدر تحصل على المزايا حسب اختيارك لكل موقع لشركة التأمين
اذا دخلت موقع شركة معين اقرأ اش اللي مقبول او غير مقبول بالشركة
راح يبين معك كل شي وموفق ان شاء الله واذا امنت حاول تسوي سكرين شوت للشاشة او او اطبعها
وخلها معك عشان اذا صار شي لاسمح الله يكون عندك اثباتات تقدمها لمؤسسة النقد تشتكيهم اذا خالفوا شروطهم


up 1 down 1
ابو عبدالله احمد 3514
قبل 8 شهر و 3 أسبوع



صَدقت اخوي عبد الله هدا اللي صار

انا امنت التعاونية شامل

ب٦ الف و ٥٠

تصليح وكالة
وتثبيت سعر السيارة دون احتساب الاستهلاك

هالكلام في السنة الأولى

صراحة مكلف

لكن بنظري انه تأمين يعتمد عليه

لقيت تكافل الراجحي ب ٥

وشركات ثانية ب ٤


سبب ارتفاع التأمين لاني حطيت السعر الفعلي الحقيقي


للسيارة


والتأمين كان من موقعهم

والربط كان خلال ٣ ساعات




up 1 down 0
محمد20092 53
قبل 8 شهر و 3 أسبوع



الاخ مثقف سيارات .. انت بتكحلها عميتها.. يعني عشان اتفادى اني ادفع ٤.٥٪؜ قيمة التامين الشامل اروح اخذها اقساط ويطلع علي فائدة وتأمين توصل في بعض البنوك الى ١١٪؜ !!!!!


هذي المشورة اللي الله يحرمنا منها


up 0 down 0
تركي818 134
قبل 8 شهر و أسبوع