أضف سؤال أو موضوع جديد          

سؤال يا اصحاب الهايلكسات الدبل

up 0 down 0
جندي في سبيل الله 36
قبل 4 شهر و أسبوع



السلام عليكم 
يالربع معي موتر هايلكس دبل 19 بريميه جنط مقاس 17 
الموتر احس مطبه قوي بالحيل مع اني شريتها مستخدمه يعني ما ادري عن امورها و بطنها لكن ما ادري وين المشكله بالضبط
هواء الكفرات تقريباً 33 و مع المطبات و الحفر تنفض نفض 
اللي عنده خلفيه يفيدنا وش احسن نوع للكفرات للبر و ولو ابي اغير المساعدات وش اركب نوع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معنا 16 دفرنسين دبل مطبه يكسر الضهر نفس مشكلتك الي عنده حل يفيدنا 


up 0 down 0
k 6 4 i 1157
قبل 4 شهر و أسبوع



الهايلوكس مطبه قوي اساساً
اقترح عليك تجرب سيارة زيها للتاكد انها من نفس السيارة


up 1 down 0
salehhd 912
قبل 4 شهر و أسبوع



الفورشنر مع اخوي نفس الموديل ١٩
مطبه قاسي سيارة بر ما تنفع خط او استخدام عائلة
الراف معي ١٨ يحليله و ان ما كان قاسي شوي على كفرات المصنع دنلوب
غيرتها بعد ما استهلكت بتايواني ماكسس و صار انعم لكن الجودة اقل مع البريك القوي


up 0 down 0
مثقف سيارات 1107
قبل 4 شهر و أسبوع



كيف صرفية البنزين في الراف فور افضل مع كفرات الدنلوب او الماكسس


up 1 down 0
gogo14 40
قبل 4 شهر و أسبوع



بعد سنتين غيرت كفرات الوكالة وركبت دنلوب فرق السماء عن الارض في الرساوة 
وفي الراحة وأيضاً اذا نسمت هواء الكفرات في البر ٢٠ يبداء يفرش الكفر ويخارج
عمرة في التغاريز أما كفرات الوكالة قسم بالله انسم لل ١٥ ويالله يالله تفرش 
قاسية مرة 
وأيضاً عندك الهواء دايم خلة على ٣٠ بالكثير ٣٢ افضل للهايلوكس الا اذا بتحمل


up 1 down 0
خالدkhaled. 150
قبل 4 شهر و أسبوع



ما لاحظت فرق كثير
لكن ممكن مع الدنلوب افضل حسب قراءة عداد range
على كل حال انا اصفر العداد اذا فللت
و اذا كمل ٥٠٠ كيلو عبيت فل ٩١ حسب سعر اللتر
حجم التانكي بالكثير ٥٠ لتر يطلع لي اذا فللت
× سعر اللتر بين ٧٠ و ٧٥ ريال عسى السعر ما يزود



up 0 down 0
مثقف سيارات 1107
قبل 4 شهر و أسبوع



الله يعطيك العافيه


up 1 down 0
gogo14 40
قبل 4 شهر و أسبوع