رمان قير الهايلكس

غير رمان وراح يضبط اذا متأكد انه منه بعض الاحيان يكون الصوت من الفحمه حقه الكلتش الموتر توه جديد ماشاءالله مااتوقع من التشليح 
ع العموم اذا الرمان خل الميكانيكي يقك الرمان الخربان ورح اشتر عليه من الصناعيه القديمه فيه محلات رمانات كثير تحصله رخيص وبرضو جودته افضل من حق الوكاله عندهم الماني وياباني واي صناعه تخطر على بالك وارخص من الوكاله اهم شي خذ القديمه معك عشان يقوس عليها 

والله ياغالي في ناس تقول اذا ركبت رمان ماراح يضبط معك بتصير عندك ونه

اناكان معي النترا ٢٠٠٧ قير عادي خرب الرمان غيرته واستخدمتها سنتين وبعتها ماشاءالله ماتشكي من شي 

الله يجزاك خير وين الورشة الا ركبت عندهم اذا كانت في الرياض 

امين وياك 
موقع الورشه مخرج 28 صناعيه العاصمه بعد ماتدخل مع مخرج 28 خذ يوتير وادخل مع اول دخله يمين امش سيده لحد اول دخله يمين خلها ثاني دخله خلها ثالث دخله خش معها يمين امش شوي تحصل ورشه اسمها ورشه مسعود كل العمال الي فيها من الجنسيه الباكستانيه 

الله يجزاك خير ياغالي 

سيارتي هايلكس ١٥ له فيها تقريبا اربع سنه الرمان وعادي 
طبيعي في الهايلكسات نصيحه لاتفك القير خله وامش عليه وبس

اسمع كلامي زين اذا كان الصوت لما تدعس كلتش يروح وذا فكيت الكلتش يرجع هذا مو رمان القير رمان الحذاف
صارات عندي وطلست في سيارتي سنين لدرجه غيرت كلتش كامل وطلع مو منه قلت مافيه مظره اتركه
بعد سنين صاؤ عندي تهريب بلصوفه فيكت القير وسالت المهندس عن الصوت قال رمان الحذاف نغيره على طريقي وسعره ٢٠ ريال وكاله
وغيرته وراح الصوت تمام نصيحه القير مافيه شي الخراب من رمان الحءاف صغير حدا وفكه سهل وسعره رخيص ٢٠ ريال

توي انتبه لتاريخ الاعلان شكلك قد غيرت ٢٠ سياره بدالها