نسبة المكينة بمراكز الفحص بالكمبيوتر

2 1

لايمكنك التصويت حتى الحصول على 20 نقطة على الأقل
إضغط هنا للإخفاء

k_s_m_h 75
قبل 4 سنه و شهر

اسعد الله جميع اوقاتكم بكل خير:

لاحظت ناس تعتمد على نسبة المكينة بمراكز فحص الكمبيوتر

وهذا المقطع يوضع المقصود

https://youtu.be/z9eRZ96p0JU

قال بالمقطع: لا تعتمد على فحص الكمبيوتر في نسبة المكينة.

احب اضيف معلومة لمن لا يعرفها:

فيه اشياء الكمبيوتر ليس له علاقه فيها. فحص الكمبيوتر يقصد به فحص كمبيوتر السيارة ويشوفون الملاحظات الي مسجلها،
كمبيوتر السيارة ليس عقل إنسان يحس ويشعر ويتابع كل شي.
كمبيوتر السيارة يعطيك ملاحظة عن الاشياء التي فيها حساس يزوده بالمعلومة، مو يراقب كل شي بالسيارة.
لو كمبيوتر السيارة بيطلع كل شي كان لازم يكون له حساسات بكل مكان اكثر مما نتصور.

وتصير الشغلة معقده وترتفع اسعار السيارات الي ب 40 الف ريال بتصير ب 100 الف ريال بسبب التقنية.
شبكة حساس على كامل الرفرف لتسجيل اي حكه او حادث (شكبة حساسات مو واحد او اثنين) ومثلها بالباب ومثلها بالشنطة والسقف كانها جلد إنسان يحس ويشعر ويرسل للدماغ.

وهذا غير معقول أبدأ، لذا قالك بالمقطع ان فحص نسبة المكينة يكون بضغط الهواء بواسطة عيار (الي عرضة) بالمقطع يشبه عيار الكفرات.

تخيل معك برواز الابره الطبية وتقيس ضغطه بعيار هواء السيارة يعطيك 100%

لكن لو ربلة الابرة فيها شرخ بسيط جدا لا تراه بالعين وعملت ضغط تحاول يوصل 100% لكن صار يمشي البرواز معك إلى الأخير، هذي هي الفكرة.

كثير من الناس ماعنده حتى اساسيات الميكانيكا مع أننا درسناه بمادة العلوم بثاني او ثالث متوسط على ما اذكر.

بكل بساطة البستم يطلع هواء ويقاس قوة البستم من قوة ضغطه للهواء.
اعطيك مثال:
قديما كانو يعبون كفرات السيارة من البوجي!!
نعم، تفك واحد من البواجي وتربط مكانه بلف يشبه البوجي ومربوط فيه (لي او هوز هواء عادي)
وتشغل الموتر وتعبي الكفرات. لان الموتر يطلع هواء من البستم وهو طالع ونازل وعن طريق هذا الهواء تقاس نسبة المكينة.
الي ماعرف اش اقصد بتعبئة الكفرات من البوجي
(يشوف الصور ورابط الفيديو) وهذا البلف مع الهوزوعيار ابو بدون عيار كان يجي مع السيارات موديلات السبعينات واعتقد حتى اول الثمانينات.

فيديو بلف تعبئة الكفرات من ماكينة السيارة
https://youtu.be/jTTVVmV_--s

لو قامت شركة مثلا فورد بوضع تنسيم على كل سلندر بحابس مثل حابس الماء وحساس على كل هوز تنسيم مربوط بكمبيوتر السيارة.
متى اردت شراء سيارة او تتطمن عليها تقوم تفتح المحابس الست او الاربع حسب عدد البساتم من شان الحساسات تقرأ قوة الضغط والكمبيوتر يسجلها لك بشاشة العدادات
وتقفلها عند عدم الحاجة هنا أقولك السيارة اعطتك نسبة محركها بكل دقه.
اما النسبة الحالية فهي خطأ ولا تعتمد عليها كما ذكروا بالمقطع.

إبلاغ

الردود