أضف سؤال أو موضوع جديد          

مشكلة في مكينة السيارة تطلع صوت وتعطلت ماهو السبب ؟

up 0 down 1
yhaya2030 -2
قبل أسبوع و 4 يوم



كنت ماشي بالسيارة افالون 2013 ، وشوي قامت تنتع وكل ما دعست تفتف وبتنطفي، وقفت الا فيه صوت قربعة من داخل المكينة، أطفيها واشغلها تشتغل بس كأنها تعلق، صوت القربة عالي، شافها الفني قال الزيت مافيه والصوت من داخل المكينة، لنبة المكينة ما اشتغلت، وانا حاس انها الكامات والتكايات، لأني جيت من خط سريع فيه ننتوءات مثل المطبات وكانت قوية الدقات وشكلها حركت الكامات الا ما كانت مركبة صح، زي ما قلت غيرت الكامات والتكايات واذكر خربت بعد ما طبطبت على عيون قطط المخرج، صحيح يومها ولعت اللنبة عكس الليلة.

الفني يقول عمود داخل المكينة مكسور وطلع الزيت ويظهر فيه بقايا الكسور. هل نقصان الزيت يسبب هيك مشكلة، وهل الحل الوحيد التوضيب أو نغير مكينة؟
قال بكرة يشيك عليها ويقول وش المشكلة، توجيهاتكم.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا كانت المكينه مافيها زيت شي طبيعي راح يطلع صوت داخل المكينه واذا قالك توضيب انصحك تدور من التشليح او مستورد مكينه شد بلد ونظيفه 


up 1 down 0
الخور قريبه 425
قبل أسبوع و 4 يوم



اخوي اذا ناقص الزيت اكيد بيطع معك صوت فى المكينه لاكن انامافهمت كيف تخرب عامود الكامات من مطبات او عيون القطط
ترا مالها علاقه الله يحفضك على كذا كان خبطت كل سيارات العالم بعد ماياكلون مطب او عيون القطط 
بخصوص مشكلتك ماانصحك فى التوضيب ابد خصوصا انك قد صلحت المشكله ورجعت مره ثانيه 
بخصوص الميكانيكي الي شخص لك الخلل كيف عرف انه عامود مكسور ؟؟ 
على فكره لوعامود الكامات مكسور ماراح تشتغل السياره لى انه بيختلف توقيت المكينه انسى انها تشتغل هذا الي  قالك مكسور سباك 
اذا تبي نصيحتي خذلك مكينه مستورده ركب لها طقم صوف وركبها على موترك وريح راسك المكينه اذا فكت ماترجع مثل اول اسمع نصيحه مجرب 
كل يوم طالع لك مشكله فيها مره تهريب مره صوت مره حراره اوتفتفه وتضيع وقتك وفلوسك على الصناعيه اذا تقذر تشتري مكينه انصحك واحرص على الضمان 


up 0 down 0
k 6 4 i 1082
قبل أسبوع و 4 يوم



ما قصرتم يا اخوان الله يعطيكم العافية ،
المقصد أني مغير كامات وماركبت بشكل جيد وتخرب من الضربات هو قال بشكل مبدأي ممكن عمود الكرنك وطلب يفكها ورفضت.
لأسباب مادية أخذت مكينة من التشليح.

هل فيه نصائح بعد تركيبها بتغيير شيء معين؟


up 0 down 0
yhaya2030 -2
قبل أسبوع و 3 يوم



دام انك اخذت مكينه من التشليح احرص عالفك والتركيب يكون عند نفس الي شريته منه المكينه عشان يتحملها اذا كان فيها مشكله ،
وغير الصوف كامله وكالة وموية رديتر اصليه واذا عندك كراسي المكينة متهالكة وفيه رجه غيرها ،بالتوفيق


up 1 down 0
راقي m 135
قبل أسبوع و 3 يوم



تسلم يا الراقي، يعطيك العافية


up 0 down 0
yhaya2030 -2
قبل أسبوع و 3 يوم