هل فحص المكينه بالكمبيوتر يعطين توضيب زين

فحص الكمبيوتر يفحص الحساسات وقراءاتها فقط وما يعتبر دقيق 100٪
بالنسبة لي افضل طريقة هي فحص ضغط البساتم وهي مكلفة شوي 

يعطيك العافيه اول مره اسمع بفحص ضغط البساتم
كم تكلف تقريبا. ومن يقوم بالفحص الميكانيكي او المخرطه هل يلزم فك المكينه

لايحتاج فك المكينه فقط يركب الساعه الخاصه فى فحص ضغط البستم فى محل البوجي ويفصل كتاوت طرمبه البنزيم ويدق سلف ويشوف الضغط كم الورش الي يفحصون ضغط البساتم نادر يبي لك تدور فى مدينتك 

فحص السياره عند المراكز المتخصصه بالصناعيه قبل شراء السياره ب ٣٠٠ الى ٥٠٠ ريال شامل البدي والقطع الاستهلاكيه قماشات مساعدات الخ وشامل فحص المكينه يعطيك النسبه المئويه للمكينه 

لا يالغالي ..
فحص الكمبيوتر يأخذ قراءة الحساسات الموجودة بالسيارة فقط.
ويعطيك الممشى الحقيقي للسيارة.
لكن خذها قاعدة عندك..
إذا المكينة أقل من 1500 سي سي لا تشتري سيارة ماشية أكثر من 50 ألف كيلو.
وإذا المكينة بحدود الـ2000 سي سي فلا تشتري سيارة ماشية أكثر من 100ألف كيلو.
والسيارات ذات حجم مكينة كبير لا تشتري أكثر من 150ألف كيلو.
لأن حتى لو المكينة تمام، بتلقى السيارة منتهية وكل شوي بتطلبك قطع غيار، وهذي المبالغ تضيفها على قيمة السيارة المستعملة وتلقاك خسران وأنت تظن أنك صدت السيارة.
لأن السعر الوهمي للسيارات المستعملة هو السعر المعروض، بينما السعر الحقيقي هو السعر المعروض بالإضافة لمبالغ الصيانة الكبيرة اللي بتدفعها خلال كم سنة.

في نظري انه عند الشراء ركز على البدي بنسبة 80% شامل الشاص ونسبة 15% للمكينة والقير والاجزاء الآخرى 5%