حرارة كامري 2016

غسلت السرندل وسيخت الرديتر وغيرت البلف ومازالت الحرارة النص حتى لو امشي ١٢٠ نفس الشي ؟ افيدونا 

اكيد الخلل من البلف يثبت لك الحراره علي درجة معينه مثلا 85c

كان معنا كامري ٢٠١٥ نفس الحراره هذي بضبط قبل النص بشرطه مع العلم حرارتها كذا من طلعناها من الوكاله 

تاكد من دينمو المروحة ممكن عطلان
او اذا فكيت المروحه قالبها

اخي الفاضل. قبل كل شئ.
1-   لا تغير ولاتقرب شئ بالسيارة. ابدا.
2- هل تعرف مقدار  مؤشر الحرارة قبل الصيانة.
3- سيارتك طبيعية وسليمه إن شاءالله. وكل سيارات تويوتا  مؤشر الحرارة قبل النصف بشرطة. صيفآ. وشتآء

هل الماء ينقص....؟؟.. شيك اذا فيه تهريب وتبدأ بغطاء الرديتر

ان شاء الله حرارتك طبيعيه لكن دورلك سياره نفسها ونفس الموديل وشوف حرارته الطبيعيه عشان تتطمن اكثر 

انا بفيدك حسب تجبرتي

عندي كامري 2016 فل اوبشن .. الحرارة الطبيعية تكون اقل من اللي انته مصورها بسيارتك بدرجة وحدة .

بس الطبيعي انها توصل لنفس الدرجة اللي انته مصورها اذا السيارة شغالة و المكيف طافي .

نصيحتي لك شيك على المراوح ممكن الرجال ما شبكها صح لمن رجع ركبها بعد التنضيف .

بس على جميع الاحوال الحرارة بهالمستوى مو خطيرة و تعتبر زي سيارات الوكالة اذا المكيف طافي

هل كان فيها بلف من قبل او لا
هاذي الحرارة عادية بس يمكن ماكان فيها بلف

شفت اكثر من سيارة في حراج وكانت الحرارة يا نفس حقتك يا اقل من حقتك بدرجة موضوع محير صراحة
اذا انك انت كنت ملتزم بالموية حقت الوكالة وما تقرب الموية حقت الحنفية اشوف انه الصيانة الي سويتها حقت موية الرديتر مالها داعي لكن بسيطة ان شاء الله
عموما الي عليك تسويه عشان تقطع الشك باليقين تجيب اي جهاز فحص اشتر القطعة تلقاها في حراج ب 50 ريال مو خسارة فيها
واشبكها في السيارة وشوف كم الحرارة توصل معاك
الطبيعي بين ال 90 الى 100 .
او الله يعينك روح اي محل فحص وافحص عنده شوف الحرارة كم واذا انك في المدينة تواصل معي انا معاي جهاز فحص واشوف لك الحرارة كم

https://youtu.be/-1QR5Bf6WM4

شوف دا الفيديو يمكن يفيدك

الخلاصة ان الحساس عليه تكلسات ويعطي قراءة خاطئة وتنظيف الحساس سهل
مجرد مشاركة وليس الحل الاكيد

مؤشر الحرارة قبل النص كما هو في الصورة طبيعي جدا.. من اللي قالك ان عندك مشكلة علشان تتخسر ..كل هالخساير .