أضف سؤال أو موضوع جديد          

ركبت كمبروسر جديد وخرب

up 1 down 1
massa
قبل سنه و شهر



ركبت كمبروسر جديد دينسو مع الرديتر وبعد اسبوعين صار يشتغل ويفصل بعد ثواني A/C off ويفتح الهوايه وبعض الاوقات يشتغل معي فحصت كمبيوتر طلع الكمبروسر متعطل
الي صارتله نفس مشكلتي يفيدني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


(بعض الاوقات يشتغل) معناته الكمبرسر سليم

والي شخص لك الخراب شكله ما يعرف او يمكن له هدف ثاني

انا مرت علي مسألة انه يفصل اذا وقفت ويشبك اذا دعست

وكانت المشكلة (زيادة) الفريون، نقصته شوي وضبط 100%



up 1 down 0
نديم الطيف 268
قبل سنه و شهر



الحين له اسبوع ما يشتغل نهائيا


up 0 down 0
massa
قبل سنه و شهر



بسألك سؤالين:
لما ركبت الكمبريسر, هل نظفت مجرى التبريد كامل؟
السؤال الثاني, الفريون هل عبا زيادة عن الحد؟ يعني ممكن يكون دخل معاه هوا من برا.
انا من سنة صارت معي عقب ما غيرت الكمبريسر للباث حقي, خذيته طبعا وارد لأني ما حصلت جديد وكالة و يبيله طلبية
اسبوعين اكثر شي تنتظر و غير عن هذا غلا سعره 2000 ريال بنيما الوارد ب 700 ريال و الحمد لله كمل معاي سنة ما شاء
الله تبارك الله. طبعا عقبها باسبوع صارت معي تقريبا نفس مشكلتك انه الكمبريسر يشتغل و يفصل, يشتغل ثانية و بعدين يفصل.
مريت للكهربائي اتعامل معاه قاللي الظاهر الفريون عبى زيادة عن اللزوم المهم خفف شوي منه و قاللي توكل على شوف.
و الحمد لله ظبطت.


up 2 down 2
بدر الباثفايندري 1125
قبل سنه و شهر



صارت معي انا احطه على رقم 3 مايفصل
واذا شغلت التكييف على رقم 1يفصل معي واذا شغلته على رقم 2 يفصل بعد فترة



up 1 down 1
abdulaziz310 89
قبل سنه و شهر



يعطيكم العافيه على ردودكم
ايوه تم تنظيف مجرى التبريد
وبالنسبه للفريون عباه بالجهاز نفس الكميه المكتوبه في الكبوت


up 1 down 2
massa
قبل سنه و شهر



المحل اللي شريت منه الكمبروسر ماعطاك ضمان؟؟
والزيت اللي حطيته من عند الكهربائي؟؟


up 0 down 0
باترولاوي 32
قبل سنه و شهر



يااخوان فيه معلومه كثير يجهلها الحين كل كمبرسر له زيت خاص فيه بذات السيارات الجديده الي كمبرسر حقها ابوحساس لازم تحط زيت خاص فيه تاخذه من الوكاله اوقطع الغيار مثلا سيارات GM لها زيت خاص فيها مكتوب عليه ايسدلكو العلبه حوالي 120ملي سعرها حدود 170 ريال اذا ماخاب ضني تشوف كم الكميه الي تحطها فى الكمبرسر وتركبه وتنظف دائره التبريد وتنساه 
بس اكثر محلات التبريد والتكييف يحطون لك زيت مكينه او زيت هيدروليك لى انه ارخص لهم الحين لوتفك الكمبرسر الجديد حقك بتشوف طلع منه سواد شوائب لى انه الزيت ماناسبه 
لازم اذا بتودي موترك للورشه تغير الكمبرسر تكون قاري عنها وعارف كل شي الحين ماشاءالله قوقل بضغطه زر تعرف كل شي الحل انك تروح محل تكييف تخليه يفك الكمبرسر وينظفه ويفك الحساس الي عليه وينظفه وينظف الدوره كامله من جديد وتشتري زيت كمبرسر خاص فى موترك ويعبيه فريون يكون نفس الي مكتوب على الكبوت او الكتلوج وان شاءالله يرجع وكاله 


up 0 down 0
k 6 4 i 1217
قبل سنه و شهر



الكهربائي مسؤول عنه 100%
رجعه للكهربائي وفهمه ...
كيف كمبروسور جديييد ويتعطل ؟ ):
التركيب خطأ ...او ما حط زيت .. او الفريون
مو اصلي ... او لعب بالكهرب ...او ... او ...


up 1 down 0
لا للغلاء 828
قبل سنه و شهر



نسختلك ردي قريب نفس مشكلتك :

السلام عليكم اخوي اذا بتركب وحاب تتفادى تعطل الكومبريسور مرة ثانية اهم شيء عند تركيب كومبريسور عمل الاتي: ١-تنظيف المواسير الالمنيوم بفريون تنظيف خاص رقم R11 الدبة/الجرة سعرها ١٤٠ ريال ٢- تنظيف ليات الفريون ببخاخ اي سي ديلكو ٣- بعد التنظيف الغسيل ببنزين او بفيري حسب المتوفر وتركها حتى تنشف ٤-تغيير رديتر المكيف او اذا سعره مرتفع والرديتر عتدك سليم من الضربات وخالي من التلحيم يجب غسيل الرديتر جيدا بفريون ١١ وبخاخ اي سيد ديلكو ثم بنزين و بعدها وضروري جدا تغيير الفلتر اللي بداخل الرديتر والفلتر ممكن تحصل سعره مرتفع في الالماني بنصف سعر رديتر جديد لكن خلي الفني يفكه وروح محلات قطع المكيفات او محلات هونداي وكيا راح تحصل نفس المقاس بنسبة ٩٨ بالمية ركبه وانت مطمن وسعره اصلي عندهم ٣٥ ريال!!! ٥- ضروري تغيير الفلتر في المواسير orifice tube ان وجد ٦- الكومبريسور اذا بتركب مستعمل فرغ زيته القديم بالكامل ثم اشتري للفني زيت اي سي ديلكو علبه لونها اسود ومكتوب عليها R134 او تشتري زيت PAG46 بعد التركيب يسوي فاكيوم لكامل المكيف ضغط ناقص ٣٠ ويتركه لمدة ربع ساعة وتاكد ان الضغط ثابت اذا ماثبت يعني فيه تهريب ٧- يفضل شراء علبة ربل حجم صغير ب ١٠ ريال وتغيير حميع الربلات حيث مع التظيف تخرب والاهم تغير ربلة ماسورة الكومبريسور ٨- شحن فريون امريكي نوعية هوني ويل وتاكد انه فعلا امريكي أمريكي ٩-تاكد من عمل جميع مراوح السيارة وبجميع سرعاتها ١٠-تاكد من الشداد ومن السير لان لهم دور في تعطل الكومبريسور . ١١-اذا بتشتري كومبريسور مستعمل تاكد انه شد بلد وغير مفكوك . ١٢- مانصحك بالتوليف خصوصا مع الالماني بسبب حساسية قرائات الكمبيوتر ومخرجاته واعطاء اوامر للمروحة وغيرها الا في حالة اذا نفس الكومبريسور مثلا من نفس المصانع او مطابق له وفقط تحتاج تغيير الفيشة والحساس او البكرة بدون قطع في الاسلاك او تلحيم مواسير بالتوفيق ولا تنسانا من اي دعوة طيبة و التقييم.


up 0 down 0
mr-x911 83
قبل سنه و شهر



والله من تجربه اول شيء لاجيت تغير الكمبروسر لازم تغير معاه لديتر المكيف والفريووووووووون امريكي  


up 0 down 0
turki-00 1
قبل سنه و شهر



والله من تجربه اول شيء لاجيت تغير الكمبروسر لازم تغير معاه لديتر المكيف والفريووووووووون امريكي  


up 0 down 0
turki-00 1
قبل سنه و شهر