مشكلة تم تسجيل حادث على المركبه

فيه غلط
يراجع المرور بداية الدوام
ويشوف الوضع وممكن يلغيها
اذا فيه خطأض

الله يعطيك العافيه
يعني مافيها اعتراض عن طريق ابشر؟

طيب لازم المرور اللي سجل المخالفة ولا عادي المرور اللي عندنا؟

انا نفس الشي جايه الوالد رسالة حادث واهو ما يسوق الموتر موقف وسقته يوم بس مشوار قريب جنب البيت ولا لمست احد وجتني الرسالة لكن بكلمهم عقب العيد اذا داوموا وبنشوف 

اذا متسجل حادث وهروب انتبه منها ترى الشباب طايحين بلاغات فترة

وااذا الحادث حقيقي روح حاول مع المبلغ لانه بتنسحب لو بعد سنتين وبتبقى لانه شوارع الرياض مليانه كميرات وبيتأكدون

رقم الحادث اذا يبدأ ب 600 اللي مباشره مرور 
واذا يبدأ ب 400 مباشره نجم والاعتراض يكون عند احد الجهتين حسب اللي مباشر الحادث

بالنسبة لتسجيل الحوادث هي تكون بين امرين 

الاول / مسجل عليك هروب من شخص متضرر ولكن كتب بوحتك بالخطأ
الثلني / تم تسجيل اللوحه بالخطأ من قبل مباشر الحادث ( احيانا لوحة نفس الرقم والاحرف والاختلاف بنوعها فقط )

بالنسبة لنجم شغالين علطول عن طريق منصات التواصل او الرقم الموحد

بالتوفيق

السيارة ماهي موجودة نهائي في الرياض والسيارة سليمة ١٠٠%
وبالنسبة للرقم ٤٠٠ مكتوب بمرور مكتب نجم
يعني عادي يتواصل مع نجم عن طريق تويتر؟

صحيح دام 400 اللي رافعه نجم تواصل معهم بتويتر او الرقم الموحد 920000560 وبيرفعون لك شكوى تتوجه للمسؤول عن المنطقة ويعدلون التقرير علطول