راف فور 2017 تغيير البطاريه دعسه البنزين صارت ماتوصل 3

برمجه امرها بسيط اقرب مركز فحص يسوي لك برمجه 

بعض السيارات تتركها شغاله 10دقايق تتبرمج من حالها فانت جرب وشوف

كانت معي سيارة نفس الحكايه
اذا غيرت البطارية تجلس تتفتف كانها بتطفي
وبعض الاحيان تطفي
االحل الاول راقب استلاك البنزين تلاقيه 99.99
وينزل تدريجي حتى يوصل حد معين ثم يثبت يعني يوصل مثلا
10 ثم تلاقيه ثابت يتغير بشكل بسيط خلاص تروح التفتفه

الحل الثاني
كانت بعد تغيير البطارية امسك خط بسيط
بسرعة 140 مدة 10 دقائق ترجع طبيعية

طبعا السيارة لكزس ES300

امشي فيها مسافة كم مشوار وبعدها ترجع البرمجة مثل اول @

امورك طبيعيه صارت معاي بكامري مرة بدلت لها بطارية بس خلال اقل من 10 دقايق رجع الوضع طبيعي

احد امرين يا ضرب شوط و صارت مشكلة

او فصلت البطارية للسيارة وانت ما تدري بالطريقة الصحيحة

الطريقة الصحيحة تشغل السيارة وتفصل اصابعها وتشبل البطارية القديمة وتركب الجديدة حتى ما تخرب البرمجة

واذا ركبت بالنظام القديم تخرب البرمجة وتحتاج وقت

لو ما ضبطت تفصل الاصبع ١٠ دقايق وتركبه

وقت التركيب بتويوتا اما تفصل الاصبع والسويتش مفتوح خمس مرات ورى بعض تسمع صوت الدعسه يشبك ويفصل مع كل فصله

او تشبك الاصبع وتفتح السويتش خمس مرات وتدعس الدعسه كاملة عشان يعيد البرمجة

تنتظر فاتح السويتش فوق دقيقتين

بعد دقيقتين تشغل السيارة

بهذه الطريقة تشتغل السيارة وتبرمج نفسها خلال ١٠ دقايق اول دقيقتين

تشغلها وتشغل مكيف السيارة والانوار وتفتح الدرايش وتعطي جهد كهربائي كامل حتى البرمجة تضبط معها

وتحتاج بعد كل الشغل فوق ٦ ايام لترجع لطبيعتها بالذات بالامريكي


اصعب شي شغل برمجة الدعسه

ولا تروح تبرمج الا اذا تستمر فوق ١٠ ايام ما تضبط

جزاكم الله خير يا اخوان انا لقيت الطريقه الصحيحه لكن اللي محيرني انه السياره تغيرت بطاريتها وهي شغاله وانلحست البرمجه

الحل هو فصل 3 فيوزات مذكوره باليوتيوب افصل الفيوز اشبكه يرجع يشتغل طبعاً انلهط مني مبلغ والفني اللي جا سوا نفس الحركه وضبطت السياره لو اني اعرف مكان علبه الفيوز كان زينتها انا والدنيا تجارب