نصايحكم بتركيب زينون

وعليكم السلام..
دام شمعة وحدة ركب عدسات واطي وعالي يسموها خطين
وبخصوص التشويش في اجهزة لها قطعة مانع ذبذبات مايحضرني اسمها لكن اسأل عنها وركبها

ايه انا عندي عدسه وحده واطي وعالي

مشكور افدتني بخصوص مانع الذبذبه لاني اسمعه بس ما اعرف اسمه

اللي عنده معلومه عن باقي الاستفسارات يفيدنا مشكورا

قصدي ما اعرف فايده مو اسمه

اول شي اقسم بالله اني زبون ما اسوق لحد الا الي
يستاهل وثقة والله ومالي مصلحة ولا ماخذ منهم ريال
لاكن الطيب يذكر
واني ادلكم لشي انا مجربه انصحك تخلي السيارة مثل ماهي
ولا تسوي شي بالكهرب واذا مضطر تركب اشتر شمعات
من التشليح او تجاريه ورح عدل عليها انصحك تركب
كيو فايف اف ونQ5 F1 مع محولات أوزوم ولمبات ياكي انا ركبت
عند محل بجدة اسمه (العدسة التجارية الاولى) محل ثقة اكتب اسم
المحل باليوتيوب فيه محلين اثنين لشركة غير واحد بالدمام وواحد بالرياض
يركبون بس انا ما ارتحت لشغلهم كان اسم المحل المدوح بس انا
اشوف ان الي بجدة افضل وعماله فلبينين او نيبالين ناس محترفه
والله اهنيهم والله يرزقهم وصاحب المحل واقف عليهم ويعطيك
ضمان ويعلمك الأنسب لسيارتك واتصل عليهم واحجز قبل تجيهم
من كثر الزحمة لاكن اقولها للمره المليون خل موترك وكاله خرب شي
بدله لا ترهم ما انصح بالترهيم

الله يعطيك العافيه

انا ابي اركب بس زينون مع ظفيرة وكتاوت خارجيه
الشمعات نهائي ما جاء في بالي اغير عدستها

وبالنسبة للنور عندي الهالوجين ممتاز لكن كشكل وكضوء اقوى لصالح الزينون

اذا في بالك تركب ركب محولات لكزس الفضية اللي تجي مربعة سعرها وممتازة انا جربتها حدود ٤ سنوات وبعت السيارة وهي فيها سليمة واللمبات انت وقدرتك حسب مادتك خذ الجودة في لمبات طقمها ب ١٥٠ وفي ب ٧٠٠ بس انصحك بالالوان من ٤٣٠٠ كلفن الى ٥٥٠٠ لاتعديها 

مشكور وماقصرت الله يعطيك العافيه

1-ماهو أفضل محول للسيارة؟
المحول عندك الاسطورة محولات الدينسو الجيل الثاني والثالث(الثالث تكلفته عاليه لأنه ما يقبل غير لمبات اصليه وعلى سيارتك اللمبات لازم تتعدل يعني تكلفه عاليه)

الزينون هل يأثر على عدسة السيارة؟
نعم يأثر على المدى البعيد يحرق العواكس وهذا شي طبيعي وعلى حسب قوة الزينون 35-55-75-100 وحتى العدسات الخارجية الي تأخذها من محل يقولك انا اضمن لك العدسات الى 55 واط اكثر من كذا مالي شغل فيك
وعن تجربة محولات الدينسو مع الياكي 3 سنوات زي الفل بعدها النور بدأ يضعف شي بسيط

هل في محل أو شخص ثقة عنده محولات زينون؟
دور في حراج تلاقي مليان لمحولات الدينسو ويعطيك ضمان سنة

هل الزينون يأثر على عدسة السيارة وعلى الكهرباء؟
العدسة الجواب فوق
الكهرباء انت تقول بتركب ظفيرة يعني لا تشيل هم الكهرباء

هل الزينون يسبب تشويش الراديو لاني قبل ركبت ليد وسبب تشويش؟
التشويش الله يعينك مافي مفر منه بس دامك بتركب ظفيرة التشويش راح يكون أقل.

دامك بتقعد على عدسات الوكالة وبتركب ظفيرة شغلك 100%
عندك لمبات الياكي 5500k او 6500k مع المحولات الاسطورة الديسنو الجيل الثاني
بس حاول قدر المستطاع تعزلها عن الموية مضبوط وركب وانسى والشغله ما يحتاج لها معلمه اي محل يركب لك ولو تركبها انت بنفسك افضل
الشغلة ما فيها تقطيع اسلاك ولا تجريح ركز في النقطة هذي