أضف سؤال أو موضوع جديد          

هل الكمبرسر ضرب

up 6 down 0
moha1407 183
قبل سنه و 3 شهر



السلام عليكم ورحمة الله وبركاته
القصة كالتالي:
طالع من الدوام في امان الله ويوم جيت اوقف
عند الاشارة طفت السيارة فجأة، دقيت سلف المرة الاولى، كانت
الدقة ثقيلة جدا والسلف يالله يدور، خليته شوي دقيت الثانية،
اشتغل الموتر بدون مشاكل، لكن التبريد وقف.
رحت الفني قال لي الكمبرسر ضرب.
رحت محل قطع الغيار قال لي انه ب ٢٥٠٠ ريال،
فايش رايكم يا اخواني. هل الخلل فعلا من الكمبرسر؟
وهل اشتري وكالة والا من التشليح.
وفقكم الله.


# تحديث ( 10-07-2020 ) :

رحت لأكثرمحل تكييف قالوا ان الكمبريسر ضارب ، وطلبوا مني : كمبريسر ، ثلاجة مكيف ، بلف ثلاجة ، غسيل فريون،

عاد على بكرة ان شاء الله بعطيكم التفاصيل بإذن الله .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا انت بالرياض ادلك على ميكانيكي تكييف كويس وبيعطيك الحل ان شاءالله


up 2 down 0
abdulmohsen 8760 130
قبل سنه و 3 شهر



اذا الكمبروسر نظام كلتش تأكد منة (الكلتش)


up 1 down 0
عيسى وكفى 22
قبل سنه و 3 شهر



انا امس كنت واقف وفجأه من دون سابق انذار فصل التكيف وصار حار جدا
وديت موتري لورشة متعامل معها وقالي الفلبيني وانا معه ان مشكلة الكرومبسر وعندك مشكله ثانيه وهي الهوايه الداخليه اللي تفصل التكيف بين الراكب والسائق وقال تعال اوريك
كان مركب فريون شوي وكان جهه السائق يطلع هواء مروحه اما جهه الراكب يطلع هواء حار
ووالله صدقته.. لكن نصحني زميل اروح لمحل في مخرج ١٥ في صناعية النسيم
عند واحد خبير مكيفات وله اكثر من ٢٠ سنه
وقلت يالله
ورحت عنده
والحمدلله طلع كل شيء عندي
كان عندي لي مكسور ولي يحتاج كبس والرديتر حق المكيف فيه تنسيم وكان فيه لي حاك ب لي وبعدها عن بعض
ورجع المكيف ثلاجه والرجال فاهم شغله ما شاءالله
وسعره ٤٥٠ ونزلي الى ٣٥٠
مع العلم سيارتي كرايزر وسعر الكرومبسر غالي جدا لكن الحمدلله اني رحت لهالرجال
هذا رقمه.. افحص عنده واتوقع الفحص عنده بلاش.. ان شاء الله يكون موضوعك بسيط
0507666265
قله توص فينا.. جايك من طرف راعي الكرايزر الابيض اللي امس جاك.. وباذن الله يراعيك مثل ماراعاني.. والاهم يارب تطلع مشكلتك بسيطه
موفق


up 4 down 3
ابوخالد1397 2889
قبل سنه و 3 شهر



اخوي ممكن مو من الكمبرسر فيه سيارات اذا اشتغلت فيها لمبه التشك انجن مايشتغل المكيف او اذا كان فيها تفتفه اوتقطيع مايشتغل عشان ماتسبب حمل على المكينه انت تقول سيارتك طفت وياالله اشتغلت اتوقع الخلل شي ثاني ولو صار من الكمبرسر ممكن من الرمان حقه توديها حق تكييف تقوله يفك لك بكره الكمبرسر وتاخذ البكره اذا كنت برياض رح صناعيه العاصمه مخرج 28 فيه محل اسمه السياري او الجعفري قله ابي نفس الرمان هذا ويعطيك وركبه عند اقرب مخرطه وراح يضبط ان شاءالله اورح الصناعيه القديمه فيه محلات كثير متخصصين فى الرمان والله ييسر امرك 


up 1 down 1
k 6 4 i 1227
قبل سنه و 3 شهر



نصيحه لوجه الله ..

لاتصدق أول ورشه تروح لها وتأكد بيقول لك الكمبروسر والقير والدفرنس هذا إذا ماقال لك الكفرات أيضاً ههههههههههههه

أخوي روح لكذا فني مكيفات وتأكد وإشرح لهم الحاله لأنك تقول طفت السياره فجأه وبعدين شغلتها ما أسرع ضرب الكمبروسر

تأكد أخوي والله يسهّل أمورك


up 0 down 0
jakwar2004 437
قبل سنه و 3 شهر



يعطيكم العافية أخواني على الردود ،،

رحت لأكثرمحل تكييف قالوا ان الكمبريسر ضارب ، وطلبوا مني : كمبريسر ، ثلاجة مكيف ، بلف ثلاجة ، غسيل فريون،

عاد على بكرة ان شاء الله بعطيكم التفاصيل بإذن الله


up 0 down 0
moha1407 183
قبل سنه و 3 شهر



اخوي abdulmohsen 208760

انا موجود بالرياض


up 0 down 0
moha1407 183
قبل سنه و 3 شهر



تتوجه للعضيب فرع شارع المدينة المنورة مقابل ساكو في فلبيني شغله تمام توجه وبيخدمك


up 0 down 0
abdulmohsen 8760 130
قبل سنه و 3 شهر



وش سيارتك؟
وصفك انه في مشكلة ثقل ممكن مكرات او دينمو او كمبروسر والمفروض انه يفك السير ويلف المكرات والكمبروسر بيده لو ثقيل يكون خربان اما يحكم بالنظر ماينفع


up 0 down 0
باترولاوي 32
قبل سنه و 3 شهر



لو انت بجده وربي حساعدك بواحد يخاف الله وامين وعن تجربه وما ابي منك الا الدعاء
تراني مسؤول عن 80 سياره بالشركة فتطمن


up 0 down 0
فـهـــــد الفهد 449
قبل سنه و 3 شهر



الأخ أبو خالد :
ووالله صدقته.. لكن نصحني زميل اروح لمحل في مخرج ١٥ في صناعية النسيم
عند واحد خبير مكيفات وله اكثر من ٢٠ سنه
لو سمحت ما أسم الورشة وأين موقعها بالضبط من صناعية النسيم ؟ لتعم الفائدة.


up 0 down 0
junkm 51
قبل سنه و 3 شهر