نقاش- افضل طريقه لحماية الوجهية من السافي لاهل الخطوط

حط عازل من شركه معروفه مثل 3m ومثيلاتها لاتركب الي في محلات الزينه لاجيت تشيله يطلع غرا تحته ويبهذلك جربت حق شركه 3m صح انه غالي بس يستاهل صراحه خليته على السياره سنه وحكيت فيه جى خدش مريتهم غيروه لي بلاش وجيت بعد سنتين شلته ولاطلع غرا تحته ابد مع اني كنت اسافر فى السياره مسافات طويله ممتاز

السافي القوي مامنه فكه الا اتهدي وتمشي بسرعة 60 او توقف على جنب لين يخف خصوصا اذا على زاوية يدمر الجنب كامل والجنوط واي قدامه يدمره لي تجربه مع السافي لكن اشوا موتر قديم ولايسوا لكن اعدم الجنب اليسا كله البوية والجنوط كانك مسوي لها صنفره باهته اللمعهو مهما سويتمامنه فكه الا توقف 

تدري من الإختراعات كان فيه اللي يخلط شامبو مع بيض وفيه اللي يصب سفن أب مخلصة غازاته و اللي يحط فازلين واللي يحط شفاف حق الأطعمة وتجليدة الكُتب . . . .

اختراعات واجد قبل ماتطلع محلات عزل السيارات . . . الآن خلاص محلات عزل السيارات منتشرة وبكل مكان وتعطيك ضمان بالسنين . . . .

العازل الشفاف افضل شيء
كنت مركب عازل وانعدمت الوجهه من السافي ويوم شلته طلعت السياره وكاله ما شاء الله
ولكن عشان سعره المرتفع ماعاد ركبته وللاسف كنت حاط بخاخ الوجهه ومسكت خط وجاء سافي واعدم علي الوجهه وندمت اني ماركبته
كانت اسعاره على ١٣٠٠ اتوقع الحين رخص يمكن عاذ على ٦٠٠ وفيها وعليها ضمانات

افضل شي عازل شفاف امريكي او احدى الشركات المعتمده 


ولا تقبل ضمان اقل من خمس سنوات وترتاح تصير بس تسوي تلميع كل 6شهور

أفضل شي تركب عازل أصلي وصحيح أسعاره غاليه لكن يحافظ على واجهة السياره وأنا مركبه على سيارتي ولكن الأهم مثل ماقال أخونا الحكم11 إنك تحاول تمشي على سعه منخفضه أثناء الغبار أو تجنب إذا إستطعت وهذا أنا اللي أسويه أمشي على مهلي مع إنّي مركب عازل وإذا كان الخط زحمه أجنب .

* سعه = سرعه