أيهم أفضل في السعودية ديزل ولا بنزين؟؟؟؟

سيارات الديزل ممتازه من ناحية
قلة تكاليف الوقود ... لكن احيانا
تحتاج الى صيانات للديزل و المكينه
وطرمبة الديزل ... يجهلها الكثير
بسبب تونا حولنا للديزل ... والدول
الثانيه مثل اوروبا من زمان متعودين عليه
ويعرفون التعامل مع الصيانه ...
باختصار اذا بتتبع صياناته في الكتالوج
والمحافظه عليه ... توكل على الله
البنزين ما يخاااارج ....

مشكله جودته الديزل سيئه والدليل سعره وكثره انسداد فلتر الديزل

لكل شيء مميزات وسلبيات وعند المقارنة تتضح لك الأمور وانت أدرى بحالتك

اولاً لو أفترضنا أن عندنا تجار يخافون الله ويبيعون سيارات الديزل بنفس سعرها السابق
قبل ارتفاع البنزين كان بقول لك هذي ميزة للديزل بس للأسف الآن الميزة هذي صارت سلبية
يعني المفترض سيارات الديزل سعرها معقول وفي المتناول بس هي الآن غالية وهذا سلبية

ثانياً سيارات الديزل لازم كل فترة تغير فلتر الديزل وتحافظ على نظافة الديزل والتانكي والفلاتر
وتكون لها صيانة دورية واغلب خرابات مكينة الديزل من الترسبات والاوساخ
وبما انك دايم تمسك مشاوير فاحتمال يتسخ الفلتر وانت بعيد في بر او على طريق سفر وهذا يتطلب وجود
فلاتر معك وعدة وتتعلم تغيير الفلتر بنفسك وهذي ايضا سلبية للشخص اللي دايم ينسى ومشغول

بعض المحطات لايوجد فيها ديزل خاصة داخل المدينة

صوت يعتبرة البعض مزعج مع اني اشوفة عادي

العزم لك علية فاذا كنت شخص متعود على السرعات والدعس ماراح تصلح لك

الايجابيات معروفة رخص الديزل 

قوة المكينة سواء في الامطار او الطلوع للعقبات والجبال
جبارة في التحميل
طول النفس في المناطق الرملية

الديزل السعودي سيئ جدا وهذا يسبب تعطل فلتر وطرمبة الديزل