أضف سؤال أو موضوع جديد          

سيارة لتجارة الحبحب أو الجح

up 1 down 2
dammam611 127
قبل 10 شهر



السلام عليكم

انا افكر في تجارة الجح او الحبحب من ساجر او وادي الدواسر وابيعه في منطقتي ..وش رايكم بالمشروع و وش السيارة المناسبة هل اشتري دينا او اكتفي بونيت

نستفيد منكم ياجماعة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام .. الوانيت يكفي ..
لو كمان عندك قدرة تشتري دينا ممكن تفيدك بشغلات اخرى غير الحبحب على سبيل المثال نقل البضائع وهكذا


up 1 down 0
khalid3329 78
قبل 10 شهر



دينا تشتغل عليها اي شي
ديزل وتلقا اسعارها نازله بالازمة هذي


up 1 down 0
keeek 14
قبل 10 شهر



شف لك ونيت ديزل لين تعرف وضعك بتمشي امورك ولا لا وبعدين فكر فالدينا يعني على ماقالوا اطلع حبه حبه


up 1 down 0
راكان443 149
قبل 10 شهر



لو مامعكم ونيت بالبيت خذ ونيت ينفعكم كان في عفش ولا ثلاجات ولا غيره
لكن لو معكم ونيت للبيت خذ دينا اشوف ناس قلة لكن نشامى يحملون كل شي يبسطون بخضرة وفاكهه بشارع عام
حتى يحملون الفحم للمطاعم الكبيرة فيها رزق ماشاء الله الله يكتب لك الي فيه خير


up 0 down 0
ibo3276 448
قبل 10 شهر



لا تتخسر وتشتري دنا اذا عندك ونيت حاول تاخذ من الحراج على قد الونيت واخرص على نوعية الجح
خذ من المزرعة اللي انتاجها طيب

لا تنسى انك مخالف اذا مامعك محل
وايضا للتنسى المنافسة من بعض الوافدين
ولاتنسى انها موسمية 


وجرب وشف اذا فيها وبح مغري وتشوف انها قابله للتوسع والتطوير فما فية مشكلة تشتري سيارة اكبر وتتوسع
لانك عارف وش انت مقبل علية
واذا مامشت الامور تكون خسارتك بسيطة وغير مكلفة


up 1 down 0
خالدkhaled. 156
قبل 10 شهر