كمبروسر السياره يفصل مع الوقفة والزحمة

وعليكم السلام

تأكد قبل تغير الكمبروسر ان المشكلة فيه او ممكن تسخن السيارة مع الوقوف ويفصل المكيف بسبب ضعف في المراوح او الفريون ناقص لازم تشوف الاسباب قبل تستعجل وتشتري

غير بلف. وركب فريون اصلي من ساكو. وابرة كول شوت

ليش قلت كمبروسر على طول؟
شوف لك فني تكييف قوله السيارة هذا وضعها
ممكن نقص فريون
ممكن المرواح ضعيفة
ممكن مشكلة في أحد الليات

لا تستعجل الله يرضى عليك لازم تفحص عند فني ممتاز وأمين

مجرد مشاركة..

والله يا اخوك مافيه اي فني ولا هم يحزنون ما تحصل احد يبغى يشتغل من أساسه كلهك يبون يصلحون القطعه ويغيروها تغيير ما تحصل احد يبحث عن سبب المشكله الا اذا انت لك خبره طويله بالمراكز والورش.




المهم مشكلتك في ضعف التبريد من المراوح اذا المكيف عندك لما تمشي خط بارد جدا وباداء عالي تراه انت.
ركب مراوح اضافيه للسياره وتقدر تركبها بنفسك فيه شروحات كثيره باليوتيوب..

اما اذا اذا أداءه حتى مع الخط يعني تضحك على نفسك في البروده تسلك لنفسك فهذا الكمبروسر بدأ يضعف أدائه.
المهم اذا فكرت تشتري كمبروسر أولا) أبعد عن الماليزي حتى لو بدون حساس..

ثانيا أبعد عن دينسو بحساس او بدون حساس...

تروح التشليح يا طول العمر وتأخذ لك كمبروسر كامري 2006 او حولها اهم شي انه تركب المواسير عليه.
ويا حبيبي مبروك عليك المكيف الأبدي..
انا عن نفسي عندي كورلا 2011 اخذت لي كمبروسر ما ادري هو حق كامري بس موديل كم اتوقع ٦ او حولها. وركبته وودعت حاجه اسمها مكيف وخليت الروحه شغاله دايركت ولله الحمد مرتاح راحه ما بعدها راحه..


بالتوفيق

الكلام الي فوق تبعي ما ادري شلون صار فيه كات للنص..

المهم كنت اقول اذا انت لما تمشي خط يبرد المكيف تمام وباداء عالي جدا بمقصد انه ليس افضل من وهي واقفه لا لا لا هل هو بارد جدا.
اذا بارد زود مراوح وتنهي مشكلتك حتى ما يتعطل الكمبروسر وينهي عمره تماما


اما اذا انت يا حبيبي توهم نفسك انه بارد يعني هو برد ولكن بروده تعتبر افضل من والسياره واقفه فهنا لا تركب ولا مراوح رح دور لك كمبروسر من التشليح حق كامري لا حساسي ولا حساسة والهوى ينجخك نجيخ

طبعا حتى ما يتعطل الكمبروسر اقصد إلى أن ينتهي عمره
ولا اقصد حتى لا يتعطل.
أن شاء الله اجابتي واضحه

بالتوفيق

السلام عليكم
غالبا الكومبريسورعندك سليم نصيحة لاتستعجل
تأكد/افحص ان المراوح تشتغل على جميع السرعات
تاكد/افحص كتاوت المكيف و كتاوت المراوح
تاكد/افحص فيشة الكومبريسور
تاكد/افحص اسلاك بطارية السيارة و خلوها من الأملاح و مربوطة بشكل ممتاز
نظف رديتر المكيف من الخارج من التراب و الغبار اللي يجي ورا الشبك عند اي مغسلة سيارات
اشتري زيت كمبروسور اصلي اي سيدلكو حدود ٥٠ ريال او دور على فني يكون موجود عنده الزيت و الفريون وتاكد ان الزيت لونه ازرق والعلبة سوداء
خلي الفني يخرج الفريون من الماسورة الحار و السيارة حارة وان يكون المكيف شغال قبلها على الاقل 5 دقايق لضمان خروج زيت الفريون
ثم يسوي فاكيوم سحب لكل الهواء والرطوبة في المواسير ثم تعبة زيت كمبريسور ثم فريون اصلي امريكي نوع هوني ويل جينترون بحدود 120 ريال
يفضل تغيير ابرة /بلف البارد و الحار شبيه بنفس البلف الموجود في كفر السيارة بحدود 10 ريال
وبشرنا ايش يصير معك
بالتوفيق ولاتنسانا من اي دعوة طيبة