أضف سؤال أو موضوع جديد          

ثقل في السياره بعد تغيير السلف

up 0 down 0
a-r-g-z 116
قبل 3 أسبوع و 2 يوم



تم تغيير سلف اليارس ٢٠١٣ بسبب تعليقه المستمر
وبعد التغيير للأسف هناك تعليق بسيط عند التشغيل مع صوت مرتفع عن السابق .
والمشكله أيضاً أصبحت السياره ثقيله في قومتها ومشيها !!
سألت الكهربائي قال يومين ثلاثه وتروح ... عشان فصلت سلك البطاريه وعشان ترجع البرمجه يبغالها وقت!!
لا أعلم هل كلامه صحيح ؟
علماً بأنها لم تضيء لمبة تشييك المكينه .
من عنده خبره يفيدني مشكوراً .... وجزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي السلف ماله علاقه فى عزم السياره وثقل قومتها وظيفه فقط تشغيل السياره 
بخصوص البرمجه مافيه حاجه اسمها بعد يومين ترجع البرمجه البرمجه اذا راحت معاد تجي ولو خراب برمجه صدقني كان مااشتغلت السياره 
الافضل تروح مركز يفحص لك كمبيوتر ويبين لك الخلل ممكن الرجال وهو يركب السلف فصل له حساس اوحرك حاجه والله العالم 


up 0 down 0
fhody44 954
قبل 3 أسبوع و 2 يوم



رجعت للكهبائي قال ممكن إزالتها بالتصفيه ب100 ريال تقريباً وماعنده هو . أو فصل سلك البطاريه لليوم التالي وتشبكه وبعد ساعه تشغل
أو ممشى 40 كيلو وإن شاء الله ترجع زي أول . هذا بسبب فصل سلك البطاريه لتركيب السلف الجديد


up 0 down 0
a-r-g-z 116
قبل 3 أسبوع و 2 يوم



الكهربائي*


up 0 down 0
a-r-g-z 116
قبل 3 أسبوع و 2 يوم



المشكله أنه بعد تركيب السلف الجديد مازال فيه تعليق عند التشغيل وهذا اللي قاهرني !!
قال من المفتاح والسوتش ؟؟؟
ما اقتنعت بكلامه أبد . حط زيت في المفتاح ولكن برضه


up 0 down 0
a-r-g-z 116
قبل 3 أسبوع و 2 يوم



للأسف هذه مشكلة السباكين يفتي من راسه وكل همه سحب فلوس من الزبون !

أخي العزيز إذهب لكهربائي ممتاز يعرف شغله وحمّله أي شي يتعطل في السياره وأشرط على أي كهربائي أو ميكانيكي أنه يتحمل قيمة شغله إذا لم يتغير الوضع



up 1 down 0
jakwar2004 413
قبل 3 أسبوع و 2 يوم



شيك على هذا الموضوع ممكن يفيدك

https://montada.haraj.com.sa/997




up 0 down 0
ابو حرب 1385 34
قبل 3 أسبوع و 2 يوم



ثقل السيارة ماله دخل بالسلف

امر ثاني هو صادق من نقطة البرمجة اذا فصل البطارية تتغير البرمجة

اذا تبي نصيحتي سو التالي

افتح السويتش وروح افصل البطارية

اشبك وافصل بالبطارية خمس مرات

كل فصله وشبك تسمع صوت سويتش يعطي تك

بعدين اربط البطارية وافتح واقفل السويتش خمس مرات

بعض السيارات التويوتا برمجتها من فصل البطارية وبعضها من فتح السويتش انت سو الثنتين

بعد هالخطوات انتظر دقيقة ولا دقيقتين مفتوح السويتش ثم شغل السيارة لمدة خمس دقايق

شغل المكيف لاعلى شي كامل

شغل كل شي بالسيارة رادو او مسجل ومساحات و انوار وفلشر ووو اي شي يستهلك كهرب

وحط السيارة d واربط فرامل

كل هذا تحميل كهربائي حتى تعطي برمجة كاملة مع الدينمو والكمبيوتر

مدة خمس دقايق

ثم استخدم السيارة حق ١٠ دقايق

بعدها لا تفصل البطارية نهائي وانتظر اسبوع تقريبا

البوابة حقت الهواء تتبرمج فترة اطول وهي مسؤولة عن العزم

اي فصل للبطارية تحتاج قريب من الخطوات يفضل تسأل فني بالوكالة يعلمك بالخطوات لاني اعرف بعض السيارات تختلف حسب الموديل

بسل القديم منها فصل بطارية الحديث فتح سويتش


up 0 down 0
الاستراتيجي1 10
قبل 3 أسبوع



أشكر جميع من أفاد وأدلى بدلوه
وبخصوص السلف للأسف مالقيت حل والكثير أشار عليّ بتغييره بسلف جديد أصلي .
رغم أني لقيت كندي ب٢٥٠ ريال ضمان ٦ أشهر .
ولكن أنا بمنطقة الآن شحيحه في القطع والكهربائيين .
وإن شاء الله تعالى غداً أشوف كم كهربائي قبل اتخاذ قرار شراء غيره .


up 0 down 0
a-r-g-z 116
قبل 2 أسبوع و 6 يوم



تم تغيير السلف بنوع ياباني
ولكن مشكلة التعليق مستمره !!؟؟
ولم يتم اكتشاف السبب !!؟؟
جميع الكهربائيين مجمعين بأن السلف شغال كويس مع العلم أنه تم تجربة سلف آخر للتأكيد .. ومازالت مشكلة التعليق !!
تم استبعاد السويتش لأنه كهربه مايحتاج تبقى ضاغط على المفتاح للتشغيل يعني مثل الأمريكي .
ولم أجد حل للمشكله
هل هي ظفيرة السويتش ؟
أم حساس ؟
أم كتاوت ؟
لااااااا أعلم .


up 0 down 0
a-r-g-z 116
قبل 2 أسبوع و 4 يوم



ولمبة تشييك المكينه مغلقه .
لو مفتوحه قلت أكيد بكشف الكمبيوتر توضح المشكله .
مين مرت عليه هذي المشكله أو يقدر يفتيني مشكوراً ؟


up 0 down 0
a-r-g-z 116
قبل 2 أسبوع و 4 يوم



اسمع كلامي الي بقول لك خطوه بخطوه وبكل بساطه وراح تتعدى المشكله بإذن الله.

1 خذ لك لمبه فيوز وافصل ظفيرة السلف او اسلاكه على حسب المهم ووصل سلك الكاشف مع سالب البطارية تمام وتروح مخلي واحد مساعد لك يدق سلف بدون ما يفلت طبعا مش حيدق لانه مفصول المهم وتروح فاحص اسلاك السلف لين ما تطلع السرك الي يشتغل ويعطي كهرباء مع دقة السلف تمام ثم يفصل بعد ثواني.
اذا لقيته ولما تدق سلف تشتغل لمبه الفيوز لثواني بسيطه ثم يطفى معناته اوكي تمام.

اما اذا تدق سلف ثم جلس شغال الين ما تطفى السوتش ثم ترجع تشغله.. يعني بإختصار عندك مشكله في الكهرباء تمام لانه السلف اذا جلس مشبوك فعلا يضعف عزم البطاريه بشكل كبير.
يعني السلف لحاله لما تكون قوة البطاريه 12.6 فولت وتجي تقيس فولت البطاريه بالافو ميتر
ينزل لين 8 فولت وانا جربت هالشي يعني مش فتوى من راسي...

المهم قبل ما تتأكد وقبل ما تسوي اي شي سوي ريست وبرمجه للكمبيوتر
بطريقه بسيطه لا تفتح أبواب السياره ولا تفتح المكيف للأربعه ولا تفصل سلك البطاريه ببساطه

توصل سلك بين الخانه رقم 4 والخيانه رقم 13 في فتحات ال OBD الموجوده تحت مقود السياره حقت الفحص وتشبكها مع بعضها وتشغل السويتش بدون ما
تشعل السياره تتركها 35 دقيقه وتشغل السياره وتنزع الأسلاك.
وتتبرمج معاك السياره من إلى انا امس مسويها كان عندي الثروتل معلق عداد الهوى على 6 وسويتها وضبطت سيارتي كورلا نفس اليارس تماما


المهم زي ما قلت لك اول شي سوي برمجه بالطريقه الي قلت لك
اذا ما ظبطت دور لك لمبه فيوز وسوي الي قلت لك عليه.

وبالتوفيق هذا مقطع بسيط يوضح كيف تسوي برمجه بدون كمبيوتر ولا هم يحزنون وببساطه تامه

https://youtu.be/FBLhPP9ecEE

ولا تنسى ترد لنا خبر وش صار معاك


up 0 down 0
yakoob112 16
قبل 2 أسبوع و 3 يوم



اقلك بدل ما تجلس تفحص بلمبه فيوز ووجع رأس سوي قبل كل شي 1-شغل السارة

2 افصل افياش السلف بعد التشغيل

3 روح هبلك لفه وعلمنا َش صار معك



up 0 down 0
yakoob112 16
قبل 2 أسبوع و 3 يوم



أشكر جميع من شارك وأفادني والله يجزاكم خير ... واعتذر عن التأخير في الردود بسبب انشغالي .
بخصوص العزم والثقل فالحمد لله راح .
أما تعليق السلف فللأسف مازال ولكن ليس كالسابق أي أصبح أحياناً مايعلق ولكن تعليقه جداً مزعج بالنسبه لي .

بخصوص فصل سلك السلف بعد التشغيل ماجربتها إلى الآن !!
والكهربائي قال أتوقع هذي مشكلة حساس أو كتاوت داخليه ماتوضح إلا بكشف كمبيوتر .
ومازالت المحاولات جاريه وسأوافيكم بالجديد بإذن الله تعالى .


up 0 down 0
a-r-g-z 116
قبل 3 يوم و 10 ساعه