أيهم الأفضل كفرات ميشلان مستعمله أم جينيو الصيني جديد

في عيب في الكفرات المستعملة وهو لو السياره بها حذفيه الكفر يكون فيه مسحه - اتاكد ان الكفرات مافيهامسحيه او رفع

الله يعطيك العافيه

مافي مقارنة ميشلان طبعاً

لا شي مما طُرح،،،،،،،

خير الامور الوسط
شف لك تايلندي ماكسس حليو
او اذا تقدر على هانكوك
او الصيني تحسن و مهو من كثر مشاويرنا مع منع التجول
تأكد ان انتاج الصيني ٢٠٢٠ مدري وصل عندنا
او انتظر الى ما يجي عندنا اذا تقدر تأجل كفراتك تمشيك

انا اشوف بعض الناس عادي يضيق على اهله واسرته 
عشان يطقم لسيارته ميشلان ولا كفر غالي 
والمشكلة ليته كداد ولا خطوط اسبوعياً ويمشي عالفصله
تلقاه مثبت على ١٢٠ ومستانس بالكفرات ويمدحها
ولا يعرف ثباتها على السرعات العالية ولا اي شي
يا اخي جينيو يفي بالغرض والكفرات الصينية 
بشرط تاخذها من الوكيل وانا مجربها على لكزس 430 
مطقم لها جينيو ب 850 ريال جنط 18 

الكفرات لا تاخذها مستعملة الا اذا كانت السيارة ماتطلع من الحي غير كذا لا تفكر بالمستعمل
شف هانكوك فينتوس كوري وسعر الكفر لمقاس 16 حدود 210 ويمشيك سنتين ونص بالراحة وهادي وليّن ومايحبّل وراسي بعد

واذكر مقاس 17 اغلى ب60 ريال يعني الكفر يطلع بـ270

برايي كفرات جينيو جديدة
ممتازة جدا وعن تجربة


مركبها بسيارتي جنط ١٨ مقاس ٢٢٥/٤٥/١٨
ولها سنتين الان

مع العلم انها اطول كفرات تقعد معي لاني كل ما اغير نوع يحبل من ضمنهم هانكوك ونكسن

جينيو تاريخ جديد افضل اهم شي المواصفات والتاريخ وركز على تحمل الحرارة A والسرعه العاليه مثل V و W و Y  هذي ركز عليها وتطلع بكفرات طيبه وتعيش معك 

جينيو افضل لك.........

خذ صيني جديد افضل. لكن خذ من الشركات الصينيه المعروفة. مجربينه
من 5 سنين و اموره من افضل مايكون سواء سفر او داخل المدينه.
شركة اسمها AAA او 3A. و جينيو برضه يمدحوه.

محد يفهم كلامي الا اللي جرب ميشلان يخدم 6 سنوات بالراحه
عندي اكورد 2013 كفرات الوكالة باقي عليها كفرين ميشلان
وماشي زي الحلاوة
جينيو يطلع صوت حنه بعد فتره مثل صوت الرمان
خد الميشلان افضلك من واقع تجربة

لاتاخذ كفر مستعمل مهما كان نوعه اما بالنسبه للكفرات الصينيه ماقد استخدمتها نصيحتي ركب كفرات كوريه جديده عندك نيكسن وهانكوك ممتازات واسعارها حلوه

شكراً لكم بارك الله فيكم

ي غالي ركب الجينيو وتوكل على الله.
وجديد وضمان سنه. والجينيو من فتره طويله في السوق.
واشوف انه زين يمشي الحال والأمور. واضن أن وكيله ميشلان
ما ادري بس هذاك المنتفخ ابو عضلات اللي مرسوم على الكفر اضن انه ميشلان اوبن شيهون
اشتر الكفرات وركبهم وسوي وإن اكتروني وإنشاء الله سنتين وانت كرف فيها بلد وخط
والحين الزمن ذا ماعاد فيه سرعه الواحد ي الله إذا مشا ١٤٠ في أغلب الخطوط

السلام عليكم ورحمة الله وبركاته

يا أحبه . من باب النصيحة وضعت ردي هذا
هناك في كل منطقة مجمع لبيع الكفرات بشتى أنواعها وعليها علامات جودة من وزارة التجارة (ممتاز جيد ضعيف) مع التصنيف
AAA وترمز لدرجة الحرارة عالية وسرعة مفتوحة وثبات في المناطق المبلولة

لا يهمك نوع الشركة . فمسمى الشركات صارت تجارية بحته أكثر من أن تكون تقنية وذات جودة عالية

عن تجربة شخصية لي أربع سنوات كل رأس سنة جديدة أروح لمجمع بيع الكفرات وأهتم بالثلاث أحرف التي هي AAA
سرعة مفتوحة ودرجة حرارة عالية وثبات في الأماكن المبلولة ولايهمني اسم الشركة . فكل الأربع سنوات الأخيرة اشتريت صيني
وهي بلا منازع الأفضل في السعر في السوق وذات جودة لاتقل عن جودة باقي الشركات المشهورة عالمياً

وفرت مايقارب ال 2000 ريال لو أني غيرت من شركة عالمية مشهورة

فكر خارج الصندوق دائماً وقل دائماً لا للتقليد ولا للإعلانات الوهمية ولا لشراء اسم شركة عالمية