سويت حادث والسياره راحت تالف

وقالو له حسابك راح يجي سالب ١٠٠٠٠ ريال

هاذي مشاكل التاجير منتهي بالتمليك
تامين شامل وبعضهم دافع دفعه اولى
ولما يصير حادث يطالبونه بمبلغ
والحل تستفسر وترفع شكوى من موسسه النقد
مثل واحد اعرفه حط دفعه اولى وقسط سنه
وتالف وقسطين او ثلاثه يسحبو وهيا تالف
خل معك نسخ صور من اوراق الحادث وصور السياره احتياط
عشان ينهي العقد بسبب تالف

على أي اساس قالو نطالبك ب 10 الاف ؟

هل ممشى السياره كثير او ما ينظرون لممشى السياره

ممشى السياره  ١٠٥ تقريبا  وبوديها اول شد بلد و اول حادث لها 

ماله دخل الممشى
في نسبة تحمل اذا انت مخطي ١٠٠%
حسب سياسة كل شركة التأمين او مدري كانه نظام موحد
البنك يرجع له التعويض و يعطيك مخالصة و يرجع لك الاقساط
اذا خلصت معاملته مع التأمين
من تجربة سابقة كان معي باجيرو على البنك الاهلي
دافع اول ٤٥٠٠ رجعوا لي منها الفين + قسطين انسحبت الى ما انتهت المعاملة
و اعتبروه تالف حريق داخلي و تنازلت للتعاونيه يبونه لو سكراب
الافضل بدون دفعة اولى اللي منحد على التقسيط او الحد الادنى 5%
الله يعوض عليك لعلها خيرة و مش حالك هالفترة بأي سيارة

الاقساط اعتبرها ايجار شهري حق استخدامك ما يرجع منها و لا هللة

الله يعوضك باللي افضل من هالموتر

يعطيكم العافيه ماقصرتو وبالنسبه للقسط اللي دفعته الله يعوضني عليه لكن المشكله بالمبلغ المطلوب الله يسرها ان شاء الله

اقرا الكلام الموجود بالعقد

لازم تتأكد وش مكتوب بالعقد لأنه ممكن مكتوب إن أخوك يتحمل جزء من قيمة الحادث وللتأمين الحق في مطالبتك فيها . . . . . اللي يسمونها ( نسبة تحمل ) . . . .

وهنا الله يعينه . . . . . . يدفعها وهو يضحك . . . .

اعتقد ان المشكله بتقرير المرور 

لاني صدمت مره على موتري وراح تالف ٢٠١٨ والعسكري كتب انحراف مفاجيء انفجار اطار 
وتحملها التأمين وقفا العقد ورجع لي حدود ٢٨٠٠ ريال 


اعتقد العسكري حاط الخطأ منك او حاط انك مسرع او ماماكانت السياره باسمه او منتهي التفويض 


لان لو السياره باسمه ونظام تاجير ومعاه رخصه تطيح مباشره من اسمه ولا يتحمل شي 

تجربتي مع تكافل الراجي والسيارة من البنك الراجحي سوناتا 2017 .. قبل شهرين والله يعوضني
صدمت رصيف والخطا علي بدون طرف ثاني والسيارة قدروها تالف وكان باقي عليها اقساط 14 شهر بس
مع العلم اني ماخذها بدون دفعة اولى
وسحبو من حسابي 8500 مدري ليه وقفلو العقد في نفس الشهر

نصيحة اذا باقي باقساط السيارة كم شهر
اي حادث خفيف لا تبلغ عنه و صلح على حسابك
و الله ان نظامهم هذا ظلم في ظلم
ليه ما في تقسيط بدون تأمين شامل
كل سنة اجدد التأمين على حساب المفوض
و البنك بياخذ حق مرابحة ماله داعي يدخل التأمين يحوس الوضع
و يتلافون مشاكل الاتلاف المتعمد و يخف مبلغ القسط و الدفعة الاخيرة

احد الشباب صار عليه حادث وطالبوه بدفع مبلغ وقدم شكوى وكسب الشكوى واستلم حوالي ١١ الف ريال لأن كان باقي اقل من سنة بالعقد والسيارة سوناتا

المفروض تقرأ العقد حق شركة التأمين قبل التوقيع
فيك تعترض على شروط شركة التأمين ، وبيعدلوها لك
لكن المشكلة اللي بيوقع بدون قراءة الشروط
هناك عقود على 3 أوجه:
أولا: الوجه الأول أن تتحمل شركة التأمين كافة المصاريف ، ولا يتحمل العميل سوى نسبة تحمل التأمين وهي بحدود 1000-3000 ريال
الوجه الثاني أن العميل يتحمل قيمة الأضرار وفرق تعويض التأمين لشركة تويوتا حسب نسبة التحمل ((مثل حالتك ، قدروا التعويض 10 آلاف))
الوجه الثالث : يستلم العميل تعويض من شركة التأمين بحيث تعوضه عن بعض من خسائره..


وكل التفاصيل مذكورة في وثيقة التأمين..