أضف سؤال أو موضوع جديد          

شاص 2013 غمارتين والاسعار

up 17 down 3
م.بن عبدالله 2025
قبل 5 سنه و 11 شهر



سلام عليكم ورحمة الله وبركاته
قبل فتره رحت المعارض حصلت شاص 2013 غمارتين والناس متجمعه عليه
سالت عن سعره قالي ب 165 اعوذ بالله
ياناس الشاص موتر وعز ويتحمل وقوه وهيبه بس ليه 165 على وش بالله .!؟
احط 165 او 130 في شاص !.؟
وش المميزات اللي خلته يصك 130 امان وتكلنوجيات ولا سستين ولمبتين .!؟

شاص وغمارتين وصدامين وكبوت وكم رفرف ولمبه وشكمان ومكينه ودفرنس وسست وداخليه طبلون وكم لمبه ومسجل ومكيف ومخمل وبس
خلاص صار فخم ويستاهل 130
انا ماسب الشاص اسب سعرررره .!؟
يعني ب 130 اخذ 90 اطق لي فورد F150 غماره راحه وقوه وامان وتطور و8سلندر وحش ولا احلى
الشاص لو سعره 70-100 يكون مقبول
تراها سياره نقل تجاريه ماهي استخدام بلد ولا خطوط ابداااااااا
والهايلوكس غماره 76 على ايش !.؟
40 كثيره على هالكرتون
انا طرحت الموضوع للنقاش
والله يعين شكل بتصير مطاقه








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ب165 وليت شكله متسنع جاي كأنه ربع حوض بقيمته اخذ سييرا غمارتين او سلفراودو او اف 150 او دودج رام يعني فيه سيارات غيره كثير وارخص منه وكلها 8 سلندر


up 5 down 0
المحترف 2012 2122
قبل 5 سنه و 11 شهر



اعوذ بالله من ذا التجار وجشعهم 
الحين صارت السيارات كل ما ينزل الموديل الي بعده يزيد لك حول 5 الالف على نفس المواصفات بس يغير لك شمعات ولا صدام
ويزيد لك 5 _ 6 الالف ريال 
مانقول غير حسبنا الله عليهم ..
تقبل مروري ..


up 2 down 0
ابـــو عبداللـــه 738
قبل 5 سنه و 11 شهر



كل سياره ولها عشاقها 

بالطبع لاهل ألابل ماينفع الا شاص لانه فوي وخدوم 

وصدقني كن شرا الشاص ماندم 
اولا لو بغيت تستخدم ينفع بر طعوس وجبال لكن مهو سيارة خطوط 

ثانيا شيك في ألجيب يعني بتشتريه بعد استخدام ثلاث اربع سنوات يمكن تبيعه بمكسب او يجيب راس ماله 

بالطبع انا مأحب ألشاص لانه مو حق خطوط 

اما لو بغيته بر وطلعات  عز الله انه موتر 


up 3 down 0
راااضي 2530
قبل 5 سنه و 11 شهر



والله لو تبدلون مية سياره الشاص معروف حق النشاما يالبيه يالشاص بس صح اللي يقهر سعره ام الهايلكس لو يقولون خذها هديه ماخذتها ماتسوى 30الف


up 2 down 0
جكسار2010 376
قبل 5 سنه و 11 شهر



اخوي ارتفع سعره من كثر الطلب عليه


up 1 down 0
خطاي الشوق 2533
قبل 5 سنه و 11 شهر



السبب بارتفاع هل المواتر "شاص, جيب لاندكروزر, هايلكس , ربع "
هو ان فيه ناس تاخذها قبل ماتنزل للسعوديه ويطلبون كميات كبيره جدا عشان يبيعونها بمكسب لايقل عن 10.000
انت تشوفها بعينك مواتر مامشت شي تنباع باغلى من سعر الوكاله المعروض بالموقع او السعر ماقبل نزول الموديل الي بعده , والي يشتريها بهل السعر من الشريطيه , يا يبي يكشخ او يبي يترزق مثله مثل هل الشريطي
يعني السالفه تجاره في تجاره المصنع يبيعها على التاجر الكبير وهو يبيعها على شيوخ السوق وتنباع على الشريطيه و المواطنين والمكاسب واصله حتى الي يبي يشتريها مستخدمه مامشت شي
والسبب ان مافيه تسعيره إلزاميه من قبل وزاره التجاره"الغش التجاري" لو تخلي جميع الوكالات تطرح اسعار سياراتها وتكون ثابته ويتقيدون بالقرار الصادر بعام 1983 بتوحيد المواصفات الخليجيه والسعوديه ماراح تلقى هل الطلب الكبير عليها وماراح توصل اسعارها الي وصلت لها الحين
واضف على ذالك المصنع يزيد من قوه الانتاج لتوفير الطلبات وهل الشيء يحتاج مال يعني ياإن الشركه تزيد الاجور ويزيد سعر السياره اوتبحث عن اقل الخسائر بصناعه اوتجميع وتلفيق السيارات بتايلند لرخص الايدي العامله وبعد فتره راح تكون بالمكسيك والبرازيل واستراليا وغيرها من البلدان .
اضف عليها ان السعوديه اكبر دوله بالعالم الي تجد فيها هل الموديلات وخصوصا الموديلات الي تجيك استاندر او سياحي فمهما كان الطلب الكبير عليها فاكيد تكلفه انتاجها مايخليها توصل لهل السعر , اذا السبب الرئيسي هو المواطن , هو السبب فرتفاع اسعارها ماهو التاجر او الموزع او الشريطي .
الحل لاتشترون وابحثو عن بدائل
الحين الشركات الكوريه مثل هونداي اسعارها اصبحت شبه غاليه , وكيا اسعاره مناسبه بعد فتره راح تكون الاسعار نفس اسعار التويوتا , والي مو مصدق يسأل الي معهم موديلات عام 2010 و 2009
والسبب هنا هو كثره الطلب يعني الواحد يبي آخر موديل ولا "يهمه السعر" لان الاقساط ماخلت شي , والي يتاثر المسكين الي توه متوظف ويبي موتر جديد يتفاجئ بالاسعار .


up 2 down 0
عـز الخوي 347
قبل 5 سنه و 11 شهر



عز الخوي قال اللي ابي اقولة
  
أول سبب وأهم سبب لأرتفاع أسعار السيارات هو المواطن
 
 لو كلن عض على سيارته إلين تنفرج الأزمة كان شفتوا الأسعار تنزل بالغصب
 
 صح راح يقاومون ويعاندون وكأنهم ماتأثرو 
 
لكن بالأخير راح يرضخوون
  
جماعتنا الله يهديهم أول  مايطلع موديل جديد تقل مشافيح !! 
 
كأن السيارات بتنقطع للأبد 
 
وياقلب لاتحزن


up 2 down 0
فكوك 1675
قبل 5 سنه و 11 شهر



" عز الخوي " عز الله انك صادق ياخوي...مو بس تويوتا اللي اسعار سياراتها مرتفعه حتى 
الهيونداي من اول فعلا كان رخيص اما الان ما يبعد صراحه عن التويوتا خلاص اخذت لها سمعه
وصارت تلعب في الناس بالاسعار ..المفروض لو حن شعب متفتح نقاطع السيارات اللي اسعارها
ارتفعت بمبلغ مو بسيط مع تغير بسيط في اسطب وليد ومدري وش من ذا الكلام الفاضي   



up 0 down 0
عبدالكريم مبارك 110
قبل 4 سنه و 7 شهر



المشكلة ماهي بس بالشاص بتيوتا كله رافعين اسعارة .شاص.جيب.هيلوكس 
انا كنت معزم على شاص لني راعي طلعات بر فاخر لحضه نصحني اخوي قال رح شيك على وكلات الامريكي 
عندهم ونيتات زينه والله وزان لي الدوج رام واخته و الحمد لله قوة وعزم وراحة وفخامة ووساع 
وهذا ما يقلل من قدر الشاص*


up 0 down 0
علي بن ظافر .....الجنوب
قبل 4 سنه و 5 شهر



يبعد الفرق بين الشاص والامريكي عامه
الشاص يزبنك واقت الطرد اذا تضايقة من احد يطردك اوانت تطرده تجيبه
ولا الامريكي واسيبرا معرفه يبي واحد ايديه ناعمات مايضره علامهله عليه
ون ضغط عليه طرد مع حره اووعره يتقطع ويفارق بعضه كل كفر مع جهه
والعذر وسموحه مابعد التايوته بصفتي راعي قنص وتطردني الدوريات الحمايه



up 0 down 2
البيطار3 -2
قبل 4 سنه و 3 شهر



عز الله موتر رجاجيل المساري ريان الخلا ولا يركبه إلا منهو معصور شنبه
أما النواعم ما هم رعيانه معي بريمي 13 يشرح الخاطر في بر وبحر وسبل وطعن وجلد وتحميل بل وشعر وحب وتهريب وقنص ومطارد 
عزي لها من مواتر


up 0 down 3
benmahfwzvip -3
قبل 3 سنه و 7 شهر



صدقت المبالغه بسعره سار لايطاق وينطبق هالكلام على باقي سيارات تويوتا


up 0 down 0
azeez1366 34
قبل 2 سنه