أضف سؤال أو موضوع جديد          

ثقل كبير في الدركسون بعد تغيير صوف المكينة والدبل والكرونة

up 2 down 0
جبلي 16
قبل 9 شهر و 2 أسبوع



السلام عليكم
عندي جيب لكزس RX350 2008 غيرت صوف مكينة ودبل والكرونة كان فيها تهريبات من كم سنة وتوي فضيت لها
المهم في الورشة اضطروا يفكون كااااامل الكمر تشوف بطن السيارة فاضي.
استلمت السيارة اليوم واول ما شغلتها وجيت أمشي يادوب قدرت ألف الدركسون ؟؟ كلمتهم قالوا ممكن فيه هواء او الزيت ما قد مشى توه جديد لأنهم اضطروا يعبون زيوت من جديد للقير والدركسون!
المهم طلعت من عندهم ومع أول لفة بعد الورشة ماقدرت ألف الدركسون من ثقله كأنه متصلب شوي ..حطيت السيارة في الفاضي ودعست بنزين لانه مع الدعسة يلف عادي (ايش السر هنا يا شباب؟؟)
طبعا اضطريت اخلي القير على النمرة 1 واحد عشان اكون داعس بنزين زيادة واقدر ألف الدركسون ورجعت لهم مباشرة وقلت يتأكدون من شغلهم المهم فتحوا العلبة اللي فوق ولقوها ناقصة بس شي بسيط مستحيل يكون هو السبب في نظري
وكان وقت مغرب وعلى الوضع الحالي مع الحظر قلت بروح وبرجع بكرة وفعلا مشيت الثقل كما هو وكنت بتورط في بعض اللفات والله سترها لين وصلت البيت.
فين تتوقعون المشكلة هل خربوا علبة الدركسون أو تتوقعون الدودة ما ركبوها صح أو الليات لأنه مثل ماذكرت لكم
فكوا كل شي تشوفه داخل الكبوت تماما واكيد فيه شي خربوه ... أيش توقعاتكم ونصيحتكم عشان أقدر أواجههم بغطتهم ومايطلعون انفسهم منها؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طرمبة زيت الدرقسون هي المسؤولة عن هذي المشكلة

يا انه القديمة خربت مع الفك والتركيب، او بدلت بوحدة خربانة


وممكن طريقة التركيب خطأ، او الزيت الجديد غير مخصص لسيارتك

انصحك بكرا بإعادة تركيب الطرمبة وتعبئة زيت اصلي

والله تعالى اعلى وأعلم


up 2 down 0
نديم الطيف 258
قبل 9 شهر و 2 أسبوع



للاسف دا بسبب خراب بلف طرمبه الدرقسيون


up 0 down 1
عمده33 1664
قبل 9 شهر و 2 أسبوع



صارت معي نفس مشكلتك بتمام
وطلعت مشكلة هواء يشل حركة الزبت امشي عليها يومين وادعس علي السياره فجاة يصير خفيف وتنتهي المشكلة صارت في لكزس لاتغير طرمبه ولا شي


up 2 down 0
k.s.a man 33
قبل 9 شهر و 2 أسبوع



هذا بلف طرمبة الزيت
ممكن مع المشي يفك البلف ،، واذا ما فك ارجع للورشة تضل انت داعس للسيارة والعامل يضرب الطرمبة من تحت بمفتاح أو شاكوش وبتنحل المشكلة إن شاء الله


up 0 down 0
ابو محمد الجنوبي 99 37
قبل 9 شهر و 2 أسبوع



ممكن السير مرتخي شوي
بالعاده حتى لو غيرت
الزيت يعبي وانت تلف يمين ويسار وتنحل المشكله


up 0 down 0
tttt35035 1050
قبل 9 شهر و 2 أسبوع



السلام عليكم
اعتقد انه في هواء
افتح غطاء علبة الزيت وشغل السياره وخليها شويه وان شاء الله تنحل


up 0 down 0
dub_r-50 423
قبل 9 شهر و 2 أسبوع



الله يعطيكم العافية جميعا ....راح أطبق توصياتكم و ان شاءالله تنحل وابلغكم بالنتيجة للفائدة


up 0 down 0
جبلي 16
قبل 9 شهر و 2 أسبوع



هذا هواء في الطرمبه مفترض يشيكون قبل يسلمون لك
وممكن بعد يومين استخدام يروح ويضبط


up 0 down 0
الشرقية ماركت 145
قبل 9 شهر و أسبوع



فعلا كلامكم سليم واضح انه هواء ..بعد استخدام يومين راح الثقل تماما وصار طبيعي.
جزاكم الله خير


up 0 down 0
جبلي 16
قبل 9 شهر و أسبوع