افضل زيت للكامري

عندي كامري 2011
من بوم اشتريتها عام 2013
وانا اغير لها زبت قلف 20w50
وزي الساعه ومافيه اي ملاحظات ماشاء الله
ولكن هذا الزيت مايصلح لبعض السيارات
مثل هونداي لان الطرمبه ضعيفه وتحتاج زيت خفيف

افضل شي 5w30 وتغيره على 8000 كحد اقصى واذا المكينة متعودة على الزيت الثقيل احتمال تلقى نقص
خذ فوكس تيتان بنفس اللزوجة ذي وامورك تمام، مع العلم ان كانت معي 2009 وماشية فوق 400 ومغير مكينتها على 350 وكنت احط لها زيت 20w50 بعدين على ممشى 380 خليته 10w30 ومشيت 4 تغييرات وحطيت 5w30، الزيت تاخذ كرتون ب240 ريال والسيفون من الوكالة بـ18 واقرب بنشري كاسره وبيغيره بـ30، والسيارة تاخذ 4 علب و200 ملي مع السيفون لا تزيد عنها

والي لاحظته يوم صرت استخدم 5w30 ان الصوت صار اهدى والتسخين صار اسرع والعزم تحسن والصرفية قلت

والله كثير مايمدحون 20w50 يقولون يأثر على المكينة مع الوقت 

والله كثير مايمدحون 20w50 يقولون يأثر على المكينة مع الوقت 

خير الامور الوسط
لزوجة متوسطة 10W40
زيت فوكس اتعامل مع مراكز ون ستوب
نصف تخليقي كل ٥ الاف اغيره
و الموتر مكمل ١٥٠ الف بدون مشاكل

معي كامري ٢٠١٥ ستاندر شفت كتالوج السيارة
ورأيت أنه ينصح ب 10w30 الخفيف ، والحمدلله أمورها عسل .

بترومين الذهبي ممتاز

ياولد لاحد يقوم يتفلسف من راسه ارجع للكتيب الصيانه الي جاي مع السيارة ةكتبوب فيه كل شي لزوجة زيت المكينة ولزوجة زيت الفرامل لان فيه dot3 وdot4 وغيره ولزوجة زيت القير حتئ رقم البوجي موجود حتى ماء الراديتر اذاذ اخضر او احمر او أزرق ماتصب من راسك كلها موجوده بالكتيب أرقام اللمبات اذا احترقت الفيوزات كل شي خل عنك هالخراطين هذولا كلن يفتي من راسه مهم بأصدق من إلي صنعها وماضيع ماخبط سيارات العالم ألا التوليف واهمال الصيانه والتفحيط والرجلين الحارة او بالأصح طريقة سواقتك موترك حق بلد تطلع فيه طعوس !!موترك جيب تروح تدخل به سيول على بالك مدرعه؟ واذا على افضل شركة للزيوت يقولك يدلك عالخيل اثمانها زيوت لوكاس الامريكية زيوت لكومولي الألماني وانا مجربها ومستخدمه بالمرسيدسات والBMW والفيراري والسيارات الأوروبيه وانا استخدمها ولازلت من اجود الزيوت

صب بنفس اللزوجة المذكوره المذكورة ان صبيت برقم أكبر خربت طرمبة الزيت مهي مطولة وبيثقل الموتر ويضعف عزمه وان صبيت اخف اتوقع بيتبخر بسرعه وترتفع الحرارة او ينقص بيصير مشكلة وكان فخلك على ماذكر في الكتيب المفروض محد يشتري سيارة مامعها كتيب الصيانة حقها والي ماعنده يروح يدوره بالتشاليح لاحد يهمله اللهم اني بلغت

الزيت المذكور في دليل المالك لل2011 هو 20W50
وأحذرك أنك تغير الزيت من لزوجة لثانية ، لأنها بعد التغيير ما راح تكمل أسبوع وتخبط معاك..
انا استخدم بترومين ألترا7 من 2008 لغاية الآن ، والموتر ماشي 350 ألف ومافيه إلا العافية ما شاء الله