أضف سؤال أو موضوع جديد          

ماهي الاجرات المتبقيه ؟

up 0 down 1
محمد الحويع -2
قبل 2 شهر و أسبوع



سلام عليكم اليوم الصباح وانا في طريق خريص الخدمة باطلع للطريق الرئيسي كبس لي راعي موتر وحك الموتر وهرب كنت انا في اليمين هو جا من الخلف وحك الصدام وهرب وجا نجم ولا استفدت شيا وكملت الدوريات وقالو كلم المرور جا المرور واخذ استمارتي والرخصة وبيانتي واعطيت رقم لوحة الرجال وقال راجع المرور بكرا ماهي الاجرات المتبقية







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مابقى شيء ,,,, تبي تجيهم بكرة إن شاء الله وراح تلقى الحبيب واقف عند البوابة ينتظرك عشان تتنازل عنه . . . . .

ولكن الحق العام فيها غرامة 10 الآف راح تلزخه مع ظهره وزين إن سلم من السجن 3 شهور . . . . .


up 1 down 1
خارج الوسط الرياضي 98
قبل 2 شهر و أسبوع



سويت كل شي وانتظر بيوقفو خدماته وبيستفسر ويعرف انه عليه بلاغ هروب ،،، لكن في حاجة ناقصة وهي انك تروح تقدر الاضرار وتاخذ تسعيرة وتوديها القسم عشان اذا راجعهم الهارب يدفع مبلغ التعويض والقسم بيكلموك اذا جا ودفع المبلغ وتروح تستلمه ومن غير ماتشوفه ولا يشوفك 


up 1 down 0
zax_makkah 247
قبل 2 شهر



للامانة هو حك طرف الصدام من جهة اليسار وانا ماني ادور وراه فلوس انا اللي قهرني حركته بس لو اقل الايمان فتح الدريشه واعتذر كان انتهت السالفة


up 0 down 0
محمد الحويع -2
قبل 2 شهر



اذا عندك رقم اللوحه رح المرور يعطونك ورقه ل تقدير السياره بعد التقديرات رح المرور سلمهم كل الاوراق واطلب وقف خدمات او بلاغ هروب
بلاغ الهروب احسن لان اي نقطه يمر عليها راح يمسكونة ويسلمونة المرور
ولكن حط في بالك ممكن ينكر ويطلب محكمة وتعرف المحاكم وقت وراح يطلبون الحلف اذا انكر
يعني اذا بديت ممكن تكون طويلة يا تصمل يا ريح من البداية
الاشكال ذي الي يصدم ويهرب كثير ولكن اصمل واذا لك حق الدولة تجيبه


up 0 down 0



رحت الصباح المرور ومقفل وانا باذن الله معه صامل للاخر


up 0 down 0
محمد الحويع -2
قبل 2 شهر



لااا تتركه وانا اخوك
زي هذا وامثاله الطيبه تساعدهم
على التمرد ... وتكرار الفشيله ...
خلك وراه الى اخر نفس وراح يتادب
بسببك انت .....



up 0 down 0
لا للغلاء 781
قبل 2 شهر



افضل شي انك بلغت من البداية والسبب انه ماراح يقدر يصلح سيارته ف اي ورشة بدون ورقة اصلاح 


up 0 down 0
zax_makkah 247
قبل 2 شهر



الله لايهينكم والمرور باقي مقفل مافتحو وانا باذن الله متابع للاخر


up 0 down 0
محمد الحويع -2
قبل 2 شهر