كامري ماشي 500000 وش الصيانات المطلوبة

موية الرديتر واذا يحتاج تنظيف نظفه 

ماشاء الله تبارك الله تويوتا سيارات ذات جودة عالية..هل انت اول مستخدم لها ؟؟؟ هل غيرت زيت القير؟؟
ياليت تكتب لنا اي خرابات مرت فيها السيارة ؟؟؟

موية الراديتر اغيرها كل سنة

ايه انا اول مستخدم
اغير زيت القير والفلتر كل ٨٠ الف
الخرابات اللي مريت فيها هي عيوب مصنعية صلحوها لي الوكالة مجاناً 
اللي هي القير يفلت بالنمرة الثالثة وديتها لهم غيرولي طنجرة القير وزيت القير ومساعدات امامية وصوفة المكينة وغسلولي السيارة كل هذا مجاناً 
كانت وقتها ماشية ٨٦ الف

ماشاء الله عن نفسي قبل اسبوع نفظت الكمورة ٢٠١٣ ممشى ٣٣٠ الف
سير مكينه للمره الثانيه بتغير
بواجي للمره الثانيه
وجه غطاء البلوف كان بداية تهريب خفيف ترشيح قلت اغيرة للمره الاولى
بوابة الهوى للمرة الاولى انظفها ماقد فكيتها ولا نظفتها والحمدلله ضبطت ولو انها علقت في البدايه بعد التنظيف
اقمشة اماميه للمرة الثالثه
مقصاات وجوز ومسامير توازن وجلد توازن للمرة الاولى تتغير
كمبروسر مكييف دنسو ورديتر وبلف غيرتها كلها للمرة الاولى لانه المكيف صاير يفصل
فلتر مكيف للمرة الخامسة اغيرة
تنظيف الشمعات الاماميه مع الكشافات للمرة الاولى
طبعا كل القطع وكاله ماعدا المكيف وملحقاته دنسو
السيارة اخذت مني وقت اربع ايام عمل التكلفه ٩ الاف ريال قبل اسبوع والحمدلله رجعتها وردة
طبعا زيت القير والفلتر سبق اني غيرته ثلاث مرات
بقي حاجتين ماسويتها للحين صفاية البنزين وتنظيف البخاخات ماقد سويتها وبسويها قريب اذا رجعت المحلات فتحت بعد ازمة كورونا

كل الممشي ذا وش بقي في السيارة
سحبان الله سيارات ماشية اقل من كذا ب كثير ما احد يلتفت لها
وسياره مشت ممشي وصلت ل مرحله كل شي يخرب والكل يتهافت عليها
و ل الناس في ما يعشقون مذاهب

يالشرقيه بغض النظر عن الممشى احنا نتكلم عن قطع استهلاكيه تتغير مو خرابات ميكانيكيه وصاحب الموضوع مستخدم اول لسيارته

اشكرك اخوي ياسر
بالنسبة للشرقية
هذا موتري محافظ عليه من اول ماطلعته وكالة حطيتله حماية وجهية 
ولبست المقاعد
لو تشوفها تقول انها جديدة توها مامشت حتى ١٠٠ الف
ترى التويوتا يفرق عن غيره التويوتا صبور
يوصل العداد إلى ٩٩٩،٩٩٩ اذا كنت محافظ على الصيانة
وشراء السيارات اخر همي 
والتكشخ والتفشخر اخر همي لاني وفرت فلوس الفشخرة لبناء منزل 
والحمد لله بنيت على شارعين ١٠٠٠ متر 

اشكرك اخوي ياسر
بالنسبة للشرقية
هذا موتري محافظ عليه من اول ماطلعته وكالة حطيتله حماية وجهية 
ولبست المقاعد
لو تشوفها تقول انها جديدة توها مامشت حتى ١٠٠ الف
ترى التويوتا يفرق عن غيره التويوتا صبور
يوصل العداد إلى ٩٩٩،٩٩٩ اذا كنت محافظ على الصيانة
وشراء السيارات اخر همي 
والتكشخ والتفشخر اخر همي لاني وفرت فلوس الفشخرة لبناء منزل 
والحمد لله بنيت على شارعين ١٠٠٠ متر 

ماشاء الله تبارك الله 
الله يبارك لك في موترك وفي بيتك 
وأحسن ما سويت 

500الف ماشاءالله ,,,,,,حقتي 2003 وتوها باقي لها 12الف وتدخل 400الف تماتيك وماتنقص زيت

انا بفيدك عن الكامري بحكم ان موتري كامري 2013 شيك على جلد العكوس اذا العكوس مافيها شحم ركب شحم nlig2 لانه يتحمل الحراراة والماء و شيك على غطاء الرديتر وتقدر تشوف اليوتوب تتاكد اذا الغطاء خربان ولا البخاخات شف قناة صيانة سيارتك وكيف نظف البخاخات في اليوتوب