أضف سؤال أو موضوع جديد          

بيع سيارتي اقساط

up 2 down 2
مستر12 897
قبل سنه و 8 شهر



السـلام عليكم ورحمة الله وبركاتة

حبيت استفسر

لو مثل حاب اني ابيع سيارتي اقساط ايش الطريقه الي اضمن حقي وهو يضمن حقه .

لان عندي سيارتين ببيعهم اقساط اعطوني نصايحكم . وما الحل . اذا شخص مادفع قسط السياره ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله مانصحك فيها الا انك تاخذ عليه شيكات او استقطاع من البنك هذي افضل حلين وتفويض عشان المخالفات


up 1 down 0
راكان443 150
قبل سنه و 8 شهر



انا اشوف لو تضل باسمي لين يخلص سداد السياره وافوضه مو احسن ؟ لين يخلص وش يعني استقطاع


up 0 down 1
مستر12 897
قبل سنه و 8 شهر



ما انصحك للأمانه ، غالبا بتورط فيه وتقعد تطارد وراه شهريا عشان السداد
الان اقصى شيء يصير اذا وصلت المحكمه الشيخ يحجز على ثلث راتبه للسداد
ويمكن معاك ناس ثانيين يطلبونه وتمسك سرا معاهم يمكن يصير قسط السداد لك 200 ولا 100 ريال شهريا اذا ناس كثير تطلبه


لكن ان كنت مصر .. اطلبه اول شيء كفيل موظف حكومي
ثانيا خله يدخل قدامك على خدمه ناجز في موقع وزارة العدل ويستعلم برقم الهويه عشان تشوف اذا عليه احكام تنفيذ ماليه
وعساك تضمن حقك بعد


up 1 down 0
als7aimy 1176
قبل سنه و 8 شهر



اللحين مو ممنوع البيع بالتقسيط ؟؟؟؟
لان بعد ببيع سياره عندي اقساط ومتخوف


up 0 down 0
سليم22 141
قبل سنه و 8 شهر



سلف شخص مبلغ خمسة آلاف، وارجع اطلبه منه بعد شهر
رح يعطيك شهر وشهرين يسحب عليك يقولك ما عندي

بيع سيارة أقساط مثل فكرة السلف تطارد وراه طول العمر


up 2 down 0
nissan200 302
قبل سنه و 8 شهر



وعليكم السلام

انت بتبيع اقساط لاجل التكسب ام لاجل التسريع في عملية البيع؟
انا اشوف اذا كنت محتد على البيع السريع نزل شوي من المبلغ.



up 1 down 0
ibh.x976 761
قبل سنه و 8 شهر



لا تبيع اقساط الا عندك خبرة في المحاكم


up 0 down 0
abdulss 355
قبل سنه و 8 شهر



ببيع عشان اكسب ربح بسيط


up 1 down 0
مستر12 897
قبل سنه و 8 شهر



الله يكتب لك المكسب دنيا و آخره اخوي.. اشور عليك، المكسب القليل ما يستحق المغامرة والخير بالناس موجود لكن بيع كاش وحط فلوسك بجيبك واذا حاب تتكسب شوف لك مشروع غير التقسيط.



up 0 down 0
ibh.x976 761
قبل سنه و 8 شهر



اذا بتبيع اقساط من اجل (الربح البسيط)
ف احسب حساب (الجهد الكبير) اللي راح
تبذله في مطاردة الشخص ووالله ما تسوى
لو بتربح 100 % ... وانا اخوك بيع سيارتك
كاش ونزل من الربح مبلغ بسيط واشتر
راحتك .. ... وفقك الله ومن يقرا


up 2 down 0
لا للغلاء 828
قبل سنه و 8 شهر



دامك سئلت بالمنتدى يعني على نياتك
مثلي ومثل اكثر الناس وحاب اقولك شي
كم شخص اعرفهم عليهم مديونيات
الي شقه والي قروض والي سياره
وشوفهم يسرحو ويمرحو سنوات كثيره
لا وازيدك شالو عنهم ايقاف الخدمات !!!
وش لك بوجع الراس تطاره 5 ولا 8 سنوات
عشان فايده 5او10 الف تخسر معها قيمة السياره
الحذر النظام الجديد في صالح النصابين الصغار


up 1 down 0
tttt35035 1061
قبل سنه و 8 شهر



اللحين ي شباب اشتريت سياره من واحد كذب عليه وقالي السياره ب اسمه وبيسوي لي تفويض
بمبلغ بسيط وسويت بيني وبينه ورقه واثنين شهود انه باعني السياره والمبلغ المذكور
رحت وصلحت السياره ب ١٠ آلاف. ورجعت له بعد فتره ابغا الاستمارة أو أنه ينقل لي الموتر قال الاستمارة ضاعت وقام يتهرب
رحت استعلمت عن السياره طلعت ب اسم واحد ثاني غير اللي باعني
انا وش اسوي ي اخوان ارجو الافاده في مثل هاذي الأمور.
ممكن قيمة الموتر ارجعه كلها ٥ آلاف لكن قيمة المكينه وقطع الغيار وشغل اليد والحاجات الثقيله اللي سويتها من يعطيني


up 0 down 0
حسام -ابوسيف 57
قبل سنه و 8 شهر



الله يعينك علي المرمطه والله لو تخلي حلالك يصدي في الشمس وتاكله الشمس احسن من بيع الدين لان ما راح تشوف حقك يرجع
خصوصا الي ذمتهم واسعه كثرو ويعتبرونها شطاره وحسبي الله و نعم الوكيل


up 0 down 0
الشرقية ماركت 149
قبل سنه و 8 شهر