بيع سيارتي اقساط

والله مانصحك فيها الا انك تاخذ عليه شيكات او استقطاع من البنك هذي افضل حلين وتفويض عشان المخالفات

انا اشوف لو تضل باسمي لين يخلص سداد السياره وافوضه مو احسن ؟ لين يخلص وش يعني استقطاع

ما انصحك للأمانه ، غالبا بتورط فيه وتقعد تطارد وراه شهريا عشان السداد
الان اقصى شيء يصير اذا وصلت المحكمه الشيخ يحجز على ثلث راتبه للسداد
ويمكن معاك ناس ثانيين يطلبونه وتمسك سرا معاهم يمكن يصير قسط السداد لك 200 ولا 100 ريال شهريا اذا ناس كثير تطلبه


لكن ان كنت مصر .. اطلبه اول شيء كفيل موظف حكومي
ثانيا خله يدخل قدامك على خدمه ناجز في موقع وزارة العدل ويستعلم برقم الهويه عشان تشوف اذا عليه احكام تنفيذ ماليه
وعساك تضمن حقك بعد

اللحين مو ممنوع البيع بالتقسيط ؟؟؟؟
لان بعد ببيع سياره عندي اقساط ومتخوف

سلف شخص مبلغ خمسة آلاف، وارجع اطلبه منه بعد شهر
رح يعطيك شهر وشهرين يسحب عليك يقولك ما عندي

بيع سيارة أقساط مثل فكرة السلف تطارد وراه طول العمر

وعليكم السلام

انت بتبيع اقساط لاجل التكسب ام لاجل التسريع في عملية البيع؟
انا اشوف اذا كنت محتد على البيع السريع نزل شوي من المبلغ.

لا تبيع اقساط الا عندك خبرة في المحاكم

ببيع عشان اكسب ربح بسيط

الله يكتب لك المكسب دنيا و آخره اخوي.. اشور عليك، المكسب القليل ما يستحق المغامرة والخير بالناس موجود لكن بيع كاش وحط فلوسك بجيبك واذا حاب تتكسب شوف لك مشروع غير التقسيط.

اذا بتبيع اقساط من اجل (الربح البسيط)
ف احسب حساب (الجهد الكبير) اللي راح
تبذله في مطاردة الشخص ووالله ما تسوى
لو بتربح 100 % ... وانا اخوك بيع سيارتك
كاش ونزل من الربح مبلغ بسيط واشتر
راحتك .. ... وفقك الله ومن يقرا

دامك سئلت بالمنتدى يعني على نياتك
مثلي ومثل اكثر الناس وحاب اقولك شي
كم شخص اعرفهم عليهم مديونيات
الي شقه والي قروض والي سياره
وشوفهم يسرحو ويمرحو سنوات كثيره
لا وازيدك شالو عنهم ايقاف الخدمات !!!
وش لك بوجع الراس تطاره 5 ولا 8 سنوات
عشان فايده 5او10 الف تخسر معها قيمة السياره
الحذر النظام الجديد في صالح النصابين الصغار

اللحين ي شباب اشتريت سياره من واحد كذب عليه وقالي السياره ب اسمه وبيسوي لي تفويض
بمبلغ بسيط وسويت بيني وبينه ورقه واثنين شهود انه باعني السياره والمبلغ المذكور
رحت وصلحت السياره ب ١٠ آلاف. ورجعت له بعد فتره ابغا الاستمارة أو أنه ينقل لي الموتر قال الاستمارة ضاعت وقام يتهرب
رحت استعلمت عن السياره طلعت ب اسم واحد ثاني غير اللي باعني
انا وش اسوي ي اخوان ارجو الافاده في مثل هاذي الأمور.
ممكن قيمة الموتر ارجعه كلها ٥ آلاف لكن قيمة المكينه وقطع الغيار وشغل اليد والحاجات الثقيله اللي سويتها من يعطيني

الله يعينك علي المرمطه والله لو تخلي حلالك يصدي في الشمس وتاكله الشمس احسن من بيع الدين لان ما راح تشوف حقك يرجع
خصوصا الي ذمتهم واسعه كثرو ويعتبرونها شطاره وحسبي الله و نعم الوكيل