سؤال بخصوص ممشى السياره وموديلها ؟

كويس مناسب جداً

اول اقول ان موتري ٢٠١٨ طلعته جديد
ماشي الحين تقريبا" ١٥٠ الف كيلو
و ادخل اعلان صدفه الا مثله مع اول مالك
ماشي عليه اكثر من ١٩٠ الف
الله يجزاه خير اللي ما ينزل العداد
و ان كانت اسهل حركة غش
في تطبيق مدري برنامج موجز مدري كيف تستفيد منه
لكن تأكد كل شي وارد

لا يهمك الممشى لأنه بسهولة يتنزل بس شيك على السيارة بالكامل قبل تشتري وجربها وخلها شغالة وهي واقفة ربع ساعه عشان تتأكد من الحرارة

المشي يستهلك السيارة مهما كان موديلها وبالعادة ممشى السيارة
تقريبا ٣٠ الف كيلو في السنه * عدد السنين = ٢١٠ الف 
الممشى في حدود المعقول 

سيارتي 2014 ماشيه140الف  الممشى الكثير 
ماهو مشكلة بشرط اذا محافظ على السياره يغير 
زيت اول بااول ومهتم بالسياره وبالصيانه بوقتها 
فالممشى عادي  لكن اذا صاحبها مو مهتم نهائياً 
يغير زيت بعد مايحترق ويكرفها كرف بكذا  راح 
نص عمر السياره من مكينه وقير   انا اذا بشتري سياره 
دائماً احاول قدر المستطاع اشتري سياره ممشاها مايتعدا
ال100الف لأن البعض يكرف السياره لفوق 150الف ولاعمره 
غير زيت القير  ويجي المسكين يشتريها ويغير زيت القير 
ويخبط عليه   لان اغلب السيارات اذا زيت القير ماشي عليه 
كثير ولا عمره غيره وجيت غيرته يخبط  القير  انا مااعم 
على كل السيارات لكن الاغلب صارت لهم  لان زيت القير 
مثل المكينة له مدة محدده وتقل اللزوجه ويحترق ويحتاج تغيير 
مثل المكينه على حسب الزيت تغير الزيت على 4 الاف 
او 5  او 10 الاف  فالقير بعض السيارات يتغير على 
60 الف وبعضها على 80 والبعض 100الف  عشان 
كذا احاول اشتري سياره ماتعدت ال100الف مع ان نادر تحصل 
موديل قديم ممشاه تحت ال 100الف  والاغلب مرجعين عدادها 
فلو ان استفسارك هذا  لسيارة تبي تشتريها فنصيحتي لك 
غض النظر عنها ودور على غيرها انا لو مكانك ادور غيرها 
او لو انها مع شخص تعرفه شخصياً ومحافظ عليها 
اشترها  لكن اذا من المعارض فماتدري عن وضعها وعن حالتها 

شكراً لردودكم يعطيكم العافيه 

شكراً لردودكم يعطيكم العافيه 

الممشى ممتاز على موديل الموتر لكن الأهم من ذلك نظافة الموتر بشكل عام اذا هو نظيف وكل الله

الممشى عادي
و عندي رد للأخ ابو زكي, مو كل السيارات ممشاها السنوي 30,000 كيلو. انا سيارتي ممشاها سنويا 10,000 ما اسافر
اغلب طلعاتي داخل مدينة بين البيت و شغلي و بحكم اني من اهل الشرقية ابعد مشوار ممكن اطلعه بالسيارة البحرين.
بالنسبة لممشى 30,000 سنويا هذا للي يمسك خطوط اسبوعيا. يعني مثلا زي عندنا بالشرقية من الدمام تبي تطلع للجبيل اسبوعيا
او يوميا هذه اي ممكن. بس فيه ناس ما تعرف الخطوط اغلب مشاويرها داخل مدن. سيارتي بمعدل مرتين سنويا اغير لها زيت
و فلتر مع تشييك باقي السوايل.

موتري ٢٠٠٩ ماشي ٤٧٥ الف

ممشاها كويس لكن لا تغتر فيه يمكن يكون غير حقيقي

لذا الافضل الاعتماد على الفحص الدقيق للسيارة في مركز متخصص بالفحص  واذا كل شي تمام اشتري وانت متطمن