أضف سؤال أو موضوع جديد          

مشكلة عداد السرعه هايلكس 2016

up 0 down 0
5o2 ابو دوسر
قبل 2 سنه و 2 شهر



السلام عليكم كيف حالكم يالربع عندي مشكلة عويصه بالحيل
عندي هايلكس ٢٠١٦ سعودي فل بدون دبل المشكله الي واجهتني فيها
وهي كالتالي : عداد السرعه مايشتغل + عداد الكيلو موقف على 
نفس الممشى من سنتين ٩٨الف + نظام الاي بي اس مهو شغال عندي
الموتر فحصته كمبيوتر وطلع لي ثلاث حساسات abs الي بالكفرات
واحد يسار قدام وثنين ورا يمين ويسار فكيتهن لقيتهن عدمانات الحساسات
وغيرتها من التشليح نظيفه تحسبون المشكله انحلت ؟ لا 
العداد الى الان مايشتغل ! والمشكله الاكبر فحص الكمبيوتر مصمل على نفس المشكله !
وشوي الكهربائي قعد يحك راسه وسالني قال انت غيرت الرمانات؟ الي ورا؟ 
لان شاف فيها تهريب زيت قلت اي غيرتها ومغير عكس يسار 
قالي بس الي ركب لك الرمانات ماركبها زين وارجع لراعي الورشه 
الضعيف واتمشكل معه ويحلف انه مركبها زين وعييت وفكها من جديد 
وركب رمانات على حسابه طبعاً اصلي وكاله 
تحسبون المشكله انحلت ؟ لا ريضين معي 
مانحلت المشكله قالي الكهربائي اكيد نظام abs عندك خربان
قلت انا جايك اغير بس توكلنا على الله غيرنا جهاز abs الي بالكبوت
وغيرت حساس القير على كلامه على ان ماله دخل وغيرت طبلون جديد 
وغيرت كمبيوتر وبرضوه مافيه فايده فيه ايه ياقدعان ؟ 
بعدين قالك يبي يطلع منها وداني معه لصديقه مهندس في فرع صيانة النادر والرشيد 
وقالي يمكن الضفيره عندك فيها قطوع 
لا اله الا الله انا ماصدقت كلامه وتمشكلت معه ولاعطيته الا حق تركيبه والفحص 
والحين ياجماعة الخير صليتو على النبي والي يعرف مشكلتي يجاوبني 
الله يرحم شيبانكم الموتر ذا فقع مرارتي وطلع بي الشيب 
والسلام عليكم ورحمة الله وبركاته . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماعندي خبره في السيارات الجديده ( أخوك شايب ) لكن أذكر الناس تتكلم عن واير للعداد
شوفه يمكن ماهو موصل أو الكهرباء ما تصل للعداد .
وإذا قدرت تعرف أحد من اللي ينزلون العدادات تراهم يعرفون وشلون يفصلون العداد ويرجعون يشغلونه
أما إنك تسمع كلام السباكين فأكيد بيقولون لك غيّر وغيرّ هذا إذا ماقالوا لك لمبة الإصطب الخلفي هي السبب ههههههههههههه والعداد مايشتغل إذا لمبة البريك محروقه ...


up 0 down 0
jakwar2004 437
قبل 2 سنه و 2 شهر



المديلات الجديده مافيها واير ورا الطبلون مثل اليبانيه والددسن هي كمبيوتر كله واسلاك وحساسات 
انا اول كانت عندي لمبة زيت الفرامل ولمبة abs في العداد شغاله ولقيت اسلاك مقطوعه
ولفيتها بشطرطون واختفت اللمبات بس العداد للحين مايشتغل 
اذا تعرف ورشه بالرياض او مكان شغله مضبوط وعنده ذمه لاهنت علمني 
اخوك مسكين اكلها وهي حاره 


up 0 down 0
5o2 ابو دوسر
قبل 2 سنه و 2 شهر



المديلات الجديده مافيها واير ورا الطبلون مثل اليبانيه والددسن هي كمبيوتر كله واسلاك وحساسات 
انا اول كانت عندي لمبة زيت الفرامل ولمبة abs في العداد شغاله ولقيت اسلاك مقطوعه
ولفيتها بشطرطون واختفت اللمبات بس العداد للحين مايشتغل 
اذا تعرف ورشه بالرياض او مكان شغله مضبوط وعنده ذمه لاهنت علمني 
اخوك مسكين اكلها وهي حاره 


up 0 down 0
5o2 ابو دوسر
قبل 2 سنه و 2 شهر



يا ساتر موتر 2016 وكل هالاشياء خربانه فيه

عموماً فحص الكمبيوتر ما صدق معك خلاك تغير اغلب الاشياء وهي مهيب خربانه غير انه ورطك مع الورشة اللي غير لك الرمانات واخرتها ما زان الموتر ولا لها دخل اصلن

عموماً مشكلتك غريبه صراحة اللي غيرت طبلون وكمبيوتر وما اشتغل لكن شيك على اسلاك الظفيرة اللي جايه للطبلون بس يبيلك كهربائي فاهم في السيارات ويروق عليه مهب يفتي من كيسه وبسرعة بسرعة واتفق انت وياه من البداية اذا ما صار الخراب من اللي تقوله تتحمل التكاليف انت

موفق


up 0 down 0
a.ibrahem 3169
قبل 2 سنه و 2 شهر



موترك 2016
وشغلة انها تخرب الاشياء هذي كذا مستحيل
الموتر يا انه جايته صدمة ولا انه مولف له مكينة او ملعوب في كهربته
لكن شوف
بعطيك العلم فحص الكمبيوتر الزين يشيك لك هل فيه اتصال بين العداد وال ABS
اذا كان فيه اتصال يعني مشكلتك فعلا تكون حساسات (وارجع اشرحها لك)
اما اذا كان ما في اتصال يعني يا انه التماس في احد اسلاك الظفيرة او انه جهاز ABS خربان او انه في قطع في الكهرباء
طيب الان اذا كان الفحص بيتصل بالطبلون والABS الان تروح للحساسات وتتبع اسلاكها وتشوف وين رايحه مشكلتك تكون الكهرباء ماهي واصله للحساسات ولازم تعرف السبب ليش ماهي واصله الكهرباء
يبغالك كهرباء شاطر فاهم شغله الي يطلع المخطط التفصيلي حق السيارة
اذا انك في الغربية في ورشة في الطايف اسمها كمبيومان شغال فيها شريف السوداني ولحد الان اشوفه افضل كهربائي الله يبارك له



up 0 down 0
ms3al 1784
قبل 2 سنه و 2 شهر



اذا غيرت الحساسات ولازال الخطأ موجود معناته التماس او قطع بالضفيرة

هذا سلك او اسلاك يوصلها ولكن شغل يده غالي لأنها تحتاج كم يوم وهو يدور السلك


up 0 down 0
abdulss 355
قبل 2 سنه و 2 شهر



عندك ورشة قدرت المحرك برياض شغلهم ممتاز وفاهمين بل كهرب بس يبيلك ترخي الريال وتطول بالك عليهم لأنهم بيطولون على مايطلعولك المشكله وعندك ورشة ابوجهاد تهاهو يوكن برياض بعد عندهم كهربائي وشغلهم ممتاز مرهم وعلمنا وش يصير معك


up 0 down 0
hegejemvjm
قبل 2 سنه و 2 شهر



ورشة ابوجهاد المحترف كذا اسمها او ابوجهاد تاهو يوكن وعندهم قناة بل يووتيوب شف شغلهم ايضا


up 0 down 0
hegejemvjm
قبل 2 سنه و 2 شهر



السلام عليكم
هل انحلت المشكلة ؟
تواصل معي عن طريق الرسائل موقع حراج اذا مارديت هنا


up 0 down 0
jab132 4
قبل سنه و 7 شهر



وهل يوجد رقم كود عند فحصه كمبيوتر ؟
راجع موضوعي اذا كان الكود p0500 في حالتي كانت من الطبلون


up 0 down 0
jab132 4
قبل سنه و 7 شهر



عليكم السلام ورحمة الله المعذرة ماقدرت ارد لان ماعرفت الطريقه الي اقدر ارد على الموضوع بها
جربت ولافيه فائده والان الحمد لله غيرت الجوال وضبط
المشكله ياطويل العمر الى الام ما انحلت جيت ورشه احمد الحربي
ف ابها ووضحت لهم اني بدلت القطع كلها ولانفع وقالو أكيد ظفيره
وصرفوني يقولون مانشتغل في الظفيره ووديتها لكهربائي
وفحص الموتر كامل ويقول مافيه كهرب يوصل واكيد انه التماس
ويبي السياره تقعد عنده كم يوم وأنا وقتها ماعندي موتر يوديني
وخليته الشي الثاني الفحص مطلع لي speed sensor VSS


up 0 down 0
5o2 ابو دوسر
قبل سنه و 7 شهر



وجهاز الفحص مطلع أن ولا فيه أي حسلس يعطي قراءة كلها 0


up 0 down 0
5o2 ابو دوسر
قبل سنه و 7 شهر



مشكله المصحح ( الى الان ^) ( أي حساس يعطي قراءة ^ )


up 0 down 0
5o2 ابو دوسر
قبل سنه و 7 شهر