أضف سؤال أو موضوع جديد          

يارس 2015 تسوى خمسه وعشرين الف؟

up 0 down 0
ray_ot
قبل 5 يوم و 20 ساعه



انا تدبست في يارس 2015 بالمزاد بسعرررر ٢٥ الف ممشاها ٩٥ 
تحسون تسوى والا مبالغ فيه؟؟؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعتقد مناسب اذا كانت كرت.. لكن انا شدني موضوع انك تدبست بحراج، الحراج احيانا يصبح احراج


up 1 down 0
ibh.x976 733
قبل 5 يوم و 18 ساعه



لا مو كرت مزاد علني


up 0 down 0
ray_ot
قبل 5 يوم و 18 ساعه



السعر مناسب جداً إذا هي سليمة من الحوادث والقير والمكينة تمام


up 0 down 0
ملوكي2015 -10
قبل 5 يوم و 17 ساعه



خلاص تمت البيعه الله يبارك لك لا توسوس
شيك عليها كويس و استخدمها
سعرها معقول اما الممشى لا تعتمد عليه مهو مقياس


up 1 down 0
1405-1985 981
قبل 5 يوم و 17 ساعه



اليارس يوميا يزيد سعرها 
قبل سنة ونص أخذت يارس ٢٠١٦ تماتيك قزاز كهرب وكشافات ماشية ٩٣ الف
كلفتني ٢٤٥٠٠ ثم ٢٠ يوم ما عجبتني وبعتها بيع مستعجل بعد ساعة وحدة من الإعلان ب ٢٤٥٠٠ يعني ب راس مالها ولو صبرت ب تجيب اكثر 
ولو أني استخدمتها وعرضتها الحين أتوقع ب توصل ٢٨ الف بالراحة
والله يستر وين ب يوصل الارتفاع اللي عليها 


up 3 down 0
سبحان_الله_العظيم20 238
قبل 5 يوم و 17 ساعه



الفئة هذي مطلوبه على اساس ان فلها ب٥٠ ريال
طيب تمشيك كم كيلو ؟ بالكثير ٤٠٠ ممكن ٤٥٠
الاقتصاد بالفئة الاكبر مثل الالتيما كمثال
من تجارب بعض الشباب تفللها بحدود ١٠٠ تمشيك ٨٠٠ كيلو
المكينه موفرة + قير CVT + التانكي كبير ٧٠ لتر
و تركب مرتاح و اللي معك و تنفع خط و فيها مواصفات
نفس الكلام ينطبق على الاكسنت و الصني و بقية الكتاكيت هذي


up 2 down 0
1405-1985 981
قبل 5 يوم و 16 ساعه



و الاسعار مستعملة متقاربة ما يسوى عليك تضغط نفسك بسيارة ما ترتاح و انت راكب فيها و الركاب منحشرين


up 0 down 0
1405-1985 981
قبل 5 يوم و 16 ساعه



هو المشكله اني مافحصتها ولا ادري هي سليمه ولالا ! 
الزبده اتوقع اني بسحب عليها 
تروح الفين المزاد ولا اني اشتري سياره مو حابتها


up 0 down 0
ray_ot
قبل 5 يوم و 15 ساعه



دعواتكم البنك يعييي على سومتي ويتنكسل الموضوع 


up 0 down 0
ray_ot
قبل 5 يوم و 15 ساعه



اليارس صارت من جواهر السيارات
بحكم الصرفيه والاستهلاك
وتوجه الناس لها . ...
السعر ممكن تفر نص ساعه بحراج
كم عرض وتشوف الوضع والاسعار



up 0 down 0
لا للغلاء 746
قبل 5 يوم و 15 ساعه



إذا كنت بتستخدم والسيارة نظيفة فتوكل على الله

اليارس سيارة اقتصادية وعملية وحتى لو كان السعر مرتفع شوي لا تدقق الفرق لصالحك في تكلفة البنزين خلال أشهر قليلة


up 0 down 0
أبو عبادة 4830
قبل 5 يوم و 5 ساعه



حتى لو مافيها رش تعتبر غاليه موديل مضى عليه خمس سنوات وممشى مية الف مو سهل
لديك خيارات اخرى افضل والموقع مليان بس سيبك من الشريطيه فيه ناس جاده تبيع واسعارها معقوله والاهم انك تفحص وتمخمخ على كيفك مو سكر بمويه واهم شي لاتاخذ شي مو مقتنع منه


up 0 down 0
elentra2014cc 41
قبل 5 يوم و 2 ساعه



الاخ 1985-1405 هي نفسها في اقتصاد الوقود الالتيما تعبيها ب ١٠٠ ريال تمشيك ٨٠٠ كيلو بينما اليارس تعبيها ٥٠ ريال تمشيك ٤٠٠ كيلو وتعبيها ثاني ٥٠ تمشيك ٤٠٠ كيلو المجموع ١٠٠ ريال والممشى ٨٠٠ كيلو لكن الفرق الحقيقي في الطرق الطويلة مثلا بين الطائف والرياض في اماكن مافيها محطات وتبقى على اعصابك في اليارس بينما الالتيما تفللها من الطائف وماتوقف الا في الرياض وانت مطمن


up 1 down 0
yahya alajlani 673
قبل 4 يوم و 18 ساعه



هذا قصدي بالضبط
اليارس و اللي مثله مستعمل بنفس سعر سيارات اكبر
و الموديلات متقاربة
لكن يجيك واحد يقول فلها ب٥٠ ( خلاص اقوى دعايه ) !


up 0 down 0
1405-1985 981
قبل 4 يوم و 16 ساعه