سحبو سيارتي لعدم السداد

عشان ماحد يقول ليش ماسددت
السيارة معي من 2015 وماقد اخرت عليهم قسط واحد لكن صار علي حادث قبل فترة
وجاني منهم رسالة ان السيارة تالف والتامين مايغطيها ورفضت اسدد وقتها لين تنحل المشكله
وبعد شد ورد وافقو يصلحونها بورشة برا الوكاله والتصليح اي كلام

كلم وزارة التجارة وشف الرد

ليتك قبلت انها تالف و افتكيت من باقي اقساطها و ارتحت
لكن خلص معهم حسب العقد في بنود انت موقع عليها بكل التفاصيل
و بعد ما تقرا العقد اذا بتروح لمحامي يفهمك افضل
و الله يكون بعونك و يسهل عليك

هذي مشكلتنا الازليه
وهي عدم الاهتمام بالعقود
اذا عندك نسخه من العقد راجعها تمام
شوف اللي لك واللي لهم
وبعدها قرر .. لان فيه بنود بما يخص
اعادت السياره وانهاء العقد
وفقك الله ويسر امرك

وعليكم السلام

التاجير هذي مشكلته

عموما مالك الا تسدد وتحط المتور باسمك وتستخدمه لين الله يفرجها

هم يبونك تسدد حتى لو اخذو السيارة
يعني الخسارة فيك فيك بس على الاقل استفد من السيارة لا تروح

انت ذكرت ان الشركة تواصلت معاك وافادوك ان السيارة تالف

مع ان اللي اعرفه ان السيارة في حالة التأجير المنتهي بالتمليك خلال فترة التأجير
تكون مأمنه من قبلهم تأمين شامل حتى لو الخطأ عليك التأمين يغطي ويدفع
لشركة المالكة أو البنك في حال تلف السيارة

الشئ اللي ابيك تسويه ترفع شكوى لوزارة التجارة وتبلغهم بكل ماصار لك
وترفق تفاصيل الحادث ورد شركة التأمين حتى لو برسالة اطبعها ومن ثم

تنتظر النتيجة

وزارة التجارة ان شاء الله تنصفك

صحيح ابلغوني ان السيارة تالف وان التامين لايغطي تكلفة الاصلاح نظرا لان موديل السيارة قديم
اليوم رحت البنك وقالي الموظف اذا تبي تفسخ العقد تسدد المتاخرات 11 الف
او تدفع 34 الف وتاخذ السيارة

طبعا بالاخير صلحوها بورشة برا الوكاله ويشهد الله اني اخذتها وقمت ارقع فيها وخسرتني خساير

والحقيقه مستخسر فيها مبلغ 34 الف لو بعتها مراح تجيب 20

طيب ادفع المبلغ الاقل و ارتاح من غثاها و الشكوى لله
التأجير خسارة لو السيارة صالحة
بعد ما تخلص اقساطها الدفعه الاخيرة
ممكن تساوي نفس او اقل من سعر السيارة مستعملة
لكن ملزوم تدفع الاخيرة و تنقلها باسمك و تجددها و تعيد استخدامها
او تبيعها او تعطيها احد لكن اللي ما عنده كاش على وقتها
و بيطلع قرض شخصي لغرض غير السيارة ينحد على التقسيط