أضف سؤال أو موضوع جديد          

نتيجه فحص الكمبيوتر تمام... ولكن المشكله باقي.

up 2 down 0
abudiyab2 8
قبل سنه و 9 شهر



السلام عليكم ورحمة الله وبركاته
ارجو من اهل الخبره مساعدتي في حل المشكله.
غيرت ماكينه وجيربوكس وباقي نفس المشكله
السياره افالون موديل 2009
المشكله هي
اذا دعست بالسياره المفروض ترجع نمره وتمشي بسرعه.
لكن عندي تصير تفتفه ويلعب عداد الهواء وبعدها بشوي يجي العزم وتدعس بسرعه
فحصت كمبيوتر وفحصت الظفيره وباقي نفس المشكله.
باختصار اذا رجعت نمره من 5 إلى 4 تفتف ويلعب الهوا وبعدها بشوي تمشي طبيعي
وبرضه من 4 إلى 3 الخ..

تحياتي
آسف عالاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسبب المشكله هذي وضبت المكينه مره وغيرت مكينتين
والحين غيرت مكينه وجير.
وباقي


up 0 down 0
abudiyab2 8
قبل سنه و 9 شهر



عليكم السلام ورحمة الله وبركاته
اذكر واحد له مشاركه بقير الافالون يلخبط وحله
في حساسات فوق القير غيرها تشليح وانتهت المشكله


up 1 down 0
فور جي 98
قبل سنه و 9 شهر



الله يسعدك اخوي
المكينه والقير اخذتهم جداد حق 2015
مستورد

والله عجزت منها


up 0 down 0
abudiyab2 8
قبل سنه و 9 شهر



3 مكائن !!!!!!!!!!!! ياولد اسمع كلامي سيارتك متعلق فيها نفس واحد . . . . فبعها وارتح منها . . . . نصحية . . . . . لتجي بكرة وتسوي فيها حادث . . . . .

أعرف واحد معه أفالون ركب معه واحد وقال تبيعني ياه ورفض ووالله من عقبه جتها 4 حوادث . . . . .

وواحد كانت معه كورولا جاه واحد من أخوياه بالعمل وقال تبعيني ياه ورفض وبعدها والله جاها حادثين . . غير الخرابات الثانية .. ولا أرتاح إلا يوم باعها وتخلص منها . . .

نصحتك وأنت حر . . . . .


up 1 down 0
خارج الوسط الرياضي 103
قبل سنه و 9 شهر



وترى النفس مو مثل العين ... يعني لو عرفت هالشخص وجيته وقلت له اذكر الله , راح يذكر الله ويمكن يتفل عليك وعليها , لكن داخله له نفس بالسيارة ويبيها . . .وهنا المشكلة ,,,,

يعني ماراح تسلم من نفسه إلا إذا هو صرف نفسه عنها ونساها أو تلهى بغيرها . . . أو إنك أنت تتخلص منها . . . . . . .




up 2 down 0
خارج الوسط الرياضي 103
قبل سنه و 9 شهر



يعطيك العافية اخوي خالد
هذي اخر مره بصلحها
ان زانت وعرفت سبب المشكله خير وبركه
ان مازانت رميتها في التشليح


up 1 down 0
abudiyab2 8
قبل سنه و 9 شهر



رح يم واحد اسمه احمد الحربي لو انت في ابها او ارسلها له بالبسامي ترجع لك وكاله باذن الواحد الاحد تابع اليوتيوب وشف مقاطعه فنان


up 2 down 0
rooo7_q 290
قبل سنه و 9 شهر



حساس الهواء يمكن البلا منه


up 1 down 1
nissan200 302
قبل سنه و 9 شهر



يارجال بعها وافتك منها خسايرك هذي تطلع لك موتر صح
لافك مكينته ولاقيره ولاتفتفه بلا هم وخساير
اذكر كان معي كورلا قال واحد بعني قلت نو
وتعال يااخربات وكلها بجهه وحده رمان عكس،رمان هو
اخر بعتها وافتكيت


up 2 down 0
امير الاصيل 1714
قبل سنه و 9 شهر



يعطيكم العافيه جميعا


up 1 down 0
abudiyab2 8
قبل سنه و 9 شهر



الحين يا عزيزي
لو كان التغيير مهنق ...
او لخبطه في النمر ...
ممكن تغير قير ..
لكن انها ما تغير من نمره اضعف الى اقوى ..
لا تتعب نفسك ... معظم المستعمل للموديل
هذا وحوله يطلع فيها عيوب ... لا تتعب
نفسك وانا اخوك ....


up 0 down 0
لا للغلاء 828
قبل سنه و 9 شهر



التغيرات جدا سلسله وممتازه من الاول حتى السادس
بس لمن ترجع نمره تصير لغبطه وتفتفه شوي وبعدين تمشي طبيعي
مثلا اذا كنت ماشي 100 وهي عالخامس
اذا دعست شوي المفروض ترجع نمره وتسرع زياده..
عندي اذا دعست تصير تفتفه وتهز المكينه حق ابو 3ثواني وبعدها تدعس وتسرع


up 0 down 0
abudiyab2 8
قبل سنه و 9 شهر



شيك اول على حساسات
يبدوا لي عندك حساس الثلاجه او حساس الهواء مضروب
والورشه تفك مكينه وتركب ثانيه
وتركب الحساس القديم المنتهي

نصيحتي غير الورشه وشيك على الحساسات


up 0 down 0
سواق الرياض -13
قبل سنه و 9 شهر



عليكم السلام
اذا انت بأبها شوف احمد الحربي له قناة باليوتيوب
من الاخر رجل فاااهم شغله


up 0 down 0
عاشق البيداااء 65
قبل سنه و 9 شهر



شيك على طرمبة البنزين والمصفاة حقها

معي برادو بينقل بسلاسة ووقت ادعس تحس احد مسك السيارة وبعدها تنطلق

خبطت الطرمبة لوحدها وغيرتها وزانت بعدها


up 0 down 0
a m i r 553
قبل سنه و 9 شهر



يعطيكم العافيه جميعا
بجرب جميع الحلول
شكرا لكم


up 0 down 0
abudiyab2 8
قبل سنه و 9 شهر