أضف سؤال أو موضوع جديد          

نتيجه فحص الكمبيوتر تمام... ولكن المشكله باقي.

up 2 down 0
abudiyab2 8
قبل 9 شهر و 2 أسبوع



السلام عليكم ورحمة الله وبركاته
ارجو من اهل الخبره مساعدتي في حل المشكله.
غيرت ماكينه وجيربوكس وباقي نفس المشكله
السياره افالون موديل 2009
المشكله هي
اذا دعست بالسياره المفروض ترجع نمره وتمشي بسرعه.
لكن عندي تصير تفتفه ويلعب عداد الهواء وبعدها بشوي يجي العزم وتدعس بسرعه
فحصت كمبيوتر وفحصت الظفيره وباقي نفس المشكله.
باختصار اذا رجعت نمره من 5 إلى 4 تفتف ويلعب الهوا وبعدها بشوي تمشي طبيعي
وبرضه من 4 إلى 3 الخ..

تحياتي
آسف عالاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسبب المشكله هذي وضبت المكينه مره وغيرت مكينتين
والحين غيرت مكينه وجير.
وباقي


up 0 down 0
abudiyab2 8
قبل 9 شهر و 2 أسبوع



عليكم السلام ورحمة الله وبركاته
اذكر واحد له مشاركه بقير الافالون يلخبط وحله
في حساسات فوق القير غيرها تشليح وانتهت المشكله


up 1 down 0
فور جي 90
قبل 9 شهر و 2 أسبوع



الله يسعدك اخوي
المكينه والقير اخذتهم جداد حق 2015
مستورد

والله عجزت منها


up 0 down 0
abudiyab2 8
قبل 9 شهر و 2 أسبوع



3 مكائن !!!!!!!!!!!! ياولد اسمع كلامي سيارتك متعلق فيها نفس واحد . . . . فبعها وارتح منها . . . . نصحية . . . . . لتجي بكرة وتسوي فيها حادث . . . . .

أعرف واحد معه أفالون ركب معه واحد وقال تبيعني ياه ورفض ووالله من عقبه جتها 4 حوادث . . . . .

وواحد كانت معه كورولا جاه واحد من أخوياه بالعمل وقال تبعيني ياه ورفض وبعدها والله جاها حادثين . . غير الخرابات الثانية .. ولا أرتاح إلا يوم باعها وتخلص منها . . .

نصحتك وأنت حر . . . . .


up 1 down 0
خارج الوسط الرياضي 108
قبل 9 شهر و 2 أسبوع



وترى النفس مو مثل العين ... يعني لو عرفت هالشخص وجيته وقلت له اذكر الله , راح يذكر الله ويمكن يتفل عليك وعليها , لكن داخله له نفس بالسيارة ويبيها . . .وهنا المشكلة ,,,,

يعني ماراح تسلم من نفسه إلا إذا هو صرف نفسه عنها ونساها أو تلهى بغيرها . . . أو إنك أنت تتخلص منها . . . . . . .




up 2 down 0
خارج الوسط الرياضي 108
قبل 9 شهر و 2 أسبوع



يعطيك العافية اخوي خالد
هذي اخر مره بصلحها
ان زانت وعرفت سبب المشكله خير وبركه
ان مازانت رميتها في التشليح


up 1 down 0
abudiyab2 8
قبل 9 شهر و 2 أسبوع



رح يم واحد اسمه احمد الحربي لو انت في ابها او ارسلها له بالبسامي ترجع لك وكاله باذن الواحد الاحد تابع اليوتيوب وشف مقاطعه فنان


up 2 down 0
rooo7_q 273
قبل 9 شهر و 2 أسبوع



حساس الهواء يمكن البلا منه


up 1 down 1
nissan200 239
قبل 9 شهر و 2 أسبوع



يارجال بعها وافتك منها خسايرك هذي تطلع لك موتر صح
لافك مكينته ولاقيره ولاتفتفه بلا هم وخساير
اذكر كان معي كورلا قال واحد بعني قلت نو
وتعال يااخربات وكلها بجهه وحده رمان عكس،رمان هو
اخر بعتها وافتكيت


up 2 down 0
امير الاصيل 1712
قبل 9 شهر و 2 أسبوع



يعطيكم العافيه جميعا


up 1 down 0
abudiyab2 8
قبل 9 شهر و 2 أسبوع



الحين يا عزيزي
لو كان التغيير مهنق ...
او لخبطه في النمر ...
ممكن تغير قير ..
لكن انها ما تغير من نمره اضعف الى اقوى ..
لا تتعب نفسك ... معظم المستعمل للموديل
هذا وحوله يطلع فيها عيوب ... لا تتعب
نفسك وانا اخوك ....


up 0 down 0
لا للغلاء 826
قبل 9 شهر و 2 أسبوع



التغيرات جدا سلسله وممتازه من الاول حتى السادس
بس لمن ترجع نمره تصير لغبطه وتفتفه شوي وبعدين تمشي طبيعي
مثلا اذا كنت ماشي 100 وهي عالخامس
اذا دعست شوي المفروض ترجع نمره وتسرع زياده..
عندي اذا دعست تصير تفتفه وتهز المكينه حق ابو 3ثواني وبعدها تدعس وتسرع


up 0 down 0
abudiyab2 8
قبل 9 شهر و 2 أسبوع



شيك اول على حساسات
يبدوا لي عندك حساس الثلاجه او حساس الهواء مضروب
والورشه تفك مكينه وتركب ثانيه
وتركب الحساس القديم المنتهي

نصيحتي غير الورشه وشيك على الحساسات


up 0 down 0
سواق الرياض -13
قبل 9 شهر و 2 أسبوع



عليكم السلام
اذا انت بأبها شوف احمد الحربي له قناة باليوتيوب
من الاخر رجل فاااهم شغله


up 0 down 0
عاشق البيداااء 39
قبل 9 شهر و 2 أسبوع



شيك على طرمبة البنزين والمصفاة حقها

معي برادو بينقل بسلاسة ووقت ادعس تحس احد مسك السيارة وبعدها تنطلق

خبطت الطرمبة لوحدها وغيرتها وزانت بعدها


up 0 down 0
a m i r 553
قبل 9 شهر و 2 أسبوع



يعطيكم العافيه جميعا
بجرب جميع الحلول
شكرا لكم


up 0 down 0
abudiyab2 8
قبل 9 شهر و 2 أسبوع