عداد السيارة ملعوب فيه

ارجع كلمه انك تبي فلوسك + الفلوس اللي خسرتها على السيارة من فحص واصلاح او بتوصلها للقضاء سواء كان معرض او فرد اللي باعك
اذا م نفع خلك مستخدم السيارة عادي وارفع قضية وبترجع فلوسك وكأنك مستاجر سيارة ببلاش

ليه ما طلعت تقرير موجز قبل ماتشتري السيارة الان الله يعينك بس مدري يرجع حقك أو استخدم السيارة وتجبر بالله

شرينا موتر قبل ٥ سنين وقبل سنة ونص تقريبا دخلت على تقرير موجز واكتشفت انه مرجع حول ٣٠٠ الف وفوق لكن الله لايسامحه ونأخذ حقنا منه يوم الحساب ان شاء الله 

من امن العقوبة اساء الادب

فعلا يا ليت ما يتم الاكتفاء بارجاع المبلغ بس ي ليت يكون فوقها سجن

لو يكون تقرير موجز الزامي و مجاني يحسب لهم مكافحة غش
لكن المطلوب دفع رسوم و ضرايب على كل شي !

اللعب في عداد السيارة اصبح منتشر بكثرة في الفترة الاخيرة من ناس عديمة الضمير والخوف من الله المهم عندهم الفلوس حلال
ام حرام ونسوا ان الغش يمحق البركة .... المشكلة لا يوجد جهاز يكشف اللعب في العداد مثل اجهزة الفحص الاخرى

الآن اتصل على البائع وإن كنت ماتعرفه فاتصل على راعي المعرض وشرشحه وقله وصل للبائع ( وأكيد إنه شريطي كل عصرية يتقهوى عنده ) . . .

وقله بأني عرفت إنه متلاعب بالعداد ,,,, فإن كان بعلمه وتدبيره أو إن كان يدري وساكت وبائع علي الموتر بالغش اللي فيه ... فالله لا يسامحه ولا يحلله ولا يبيحه لا دنيا ولا آخرة ..

وجعله يصرف الفلوس اللي دفعتها في علاج أعز أولاده . . . وأما أنت ياراعي المعرض فماني مخلي أحد إلا ومحذره من التعامل مع معرضك لأنه مجمع للنصابين والغشاشين . .
.
.
.
.
.
.
وأحلق شنبي إن ما اتصل عليك البائع يتسمح منك . . . . .